Јаник Синер, светскиот број 1 е суспендиран на три месеци.

Како што пренесоа странските медиуми и потврдија од Светската антидопинг агенција (ВАДА), најдобриот тенисер на светот ја прифатил суспензијата.

„Ова е резултат на договорот што тој постигна договор со Светската антидопинг агенција за неговите два позитивни допинг тестови минатата година, а суспензијата трае од 9. февруари до 4. мај“, објави Би-Би-Си.

23-годишниот Италијанец, кој минатиот месец го освои Австралија опен, е суспендиран на три месеци.

Тој ќе има право да игра на следниот Грен слем турнир оваа година, Ролан Гарос, кој започнува на 19 мај.

Елена Остапенко уште еднаш ја совлада Ига Швјонтек. Летонката во меѓусебните дуели води 5:0 против Швјонтек откако во полуфиналето победи убедливо со 6-3, 6-1.

Остапенко избори пласман во финалето на ВТА турнирот во Доха.

Летонката, 73. на ВТА листата, од стартот покажа во која насока ќе се движи мечот. Направи два брејка во првиот сет, три во вториот во кој Швјонтек, втора на ВТА листата, го искрши својот рекет.

Остапенко за трофејот ќе се бори против победничката од дуелот меѓу Екатерина Александрова и Аманда Анисимова.

Диего Шварцман, еден од најдобрите аргентински тенисери во последната деценија, го одигра последниот меч во кариерата.

Во второто коло на АТП 250 турнирот на земјена подлога во Буенос Аирес, Шпанецот Педро Мартинез го надигра Шварцман и го совлада со 6:2, 6:2. Шварцман претходно најави дека оваа недела ќе биде последна во неговата професионална кариера.

Аргентинските навивачи целосно го исполнија стадионот во Буенос Аирес, а последниот гем траеше десетина минути поради постојаните овации и пеењето на домашните навивачи кои на овој начин му се заблагодарија на Шварцман.

32-годишниот Аргентинец се повлече како 386. играч на АТП-листата. Во кариерата има освоено четири АТП турнири. Тој победи три пати на земјена подлога, во 2016 година во Истанбул, 2018 година во Рио де Жанеиро и 2021 година во Буенос Аирес, додека го освои и Лос Кабос на тврда подлога во 2019 година. Десет пати играше во финалето.

Пред пет години, Шварцман беше меѓу првите десет во светот, а осмото место беше неговото најдобро достигнување во кариерата. Тој играше во полуфиналето на Ролан Гарос во 2020 година, кога беше поразен од Рафаел Надал, додека двапати беше во четвртфиналето на Ју-ес опен, во 2017 и 2019 година.

Јаник Синер го стигна карлос Алкараз по број на седмици како светски тенисер број 1.

Дваесет и тригодишниот Италијанец е на врвот на ВТА листата веќе 36-та недела. Тој на лидерското место се искачи на 10 јуни 2024 година и оттогаш останува таму.

Алкараз го држеше првото место неколку периоди, вклучувајќи 20 и 11 недели по ред.

Синер и Алкараз се изедначени на 16-то место по најмногу недели како светски број 1. Илие Настасе е пред нив 40, Енди Мареј на 14-тото има 41, Густаво Куертен на 13-тото со 43. Рекордот му припаѓа на Новак Ѓоковиќ, кој 428 недели беше бр. 1 во светот.

Светскиот рекет број седум, Новак Ѓоковиќ ќе продолжи да работи со својот тренер Енди Мареј барем до Вимблдон, пишува „Тајмс“.

Во ноември, стана познато дека Британецот се приклучил на тимот на Ѓоковиќ. Тие првично се согласиле да играат одреден период од сезоната пред Австралија Опен.

На Отвореното првенство на Австралија во 2025 година, Ѓоковиќ стигна до полуфиналето, каде што се повлече поради повреда во мечот против Александар Зверев по првиот сет.

Денес 37-годишниот Србин објави дека ја санирал повредата и има намера да учествува на турнирот во Доха.

Мареј се пензионираше во 2024 година по Олимпијадата во Париз на 37-годишна возраст.

Шпанскиот тенисер Карлос Алкараз, ја освои првата титула во 2025 година, откако денеска салавеше на АТП Турнирот во Ротердам, победувајќи го финалето Алекс де Минор со 2-1 (6-4, 3-6 и 6-2).

Во првите два сета по еден брејк им беше доволен на Алкарас и Де Минор да го освојат секој сет.

Во вториот сет беше неизвесно до 3:2, а потоа Шпанецот направи два брејка во низа и ја освои 17-та титула во кариерата.

Ова исто така беше прва титула за Алкараз во сала.

Младиот македонски тенисер Амар Хусеиновиќ забележа солидни резултати на уште еден турнир на ИТФ во младинска категорија во Најроби, Кенија. На турнир од категоријата Ј60 Хусеиновиќ во сингл конкуренција беше полуфиналист, а во конкуренција на двојки со Урош Живковиќ од Србија играа во финалето.

Во полуфиналето во поединечна конкуренција Амар Хусеиновиќ (носител број 4) загуби од првиот носител Нтунгамили Рагуин од Боцвана со 2-0 во сетови (6-3, 6-2). Рагуин воедно е и победник на турнирот. Во првото коло македонскиот тенисер беше слободен, а остваи и две победи во втората рунда против Едвард Верес Бергстен од Шведска со 2-0 во сетови (6-2, 6-1) и Аирик Абединзадех од Иран со 2-0 во сетови (6-3, 6-2).

Во конкуренција на двојки Хусеиновиќ со Живковиќ, како втори носители го загубија финалето од првите носители Дан Бренд и Гуи Левинер од Израел со 2-0 во сетови (6-3, 6-2).

Амар Хусеиновиќ претходната недела имаше успешен настап на Ј30 турнир во Најроби кога победи во двете конкуренции (сингл и двојки), а следнава недела ќе биде учесник и на најсилниот од овие турнири во Кенија што почнува утре и е од рангот Ј100.

Швајцарката Белинда Бенчиќ победи на ВТА 500 турнирот во Абу Даби.

Во денешното финале 157-та светска тенисерка ја победи Американката Ешлин Кругер (51-ва на ВТА листата) во три сета со резултат 4-6, 6-1, 6-1.

Мечот траеше 2 часа и 21 минута.

Поранешниот светски рекет број 4, Бенчиќ го освои својот деветти ВТА турнир и прв од февруари 2023 година.

Турнирот во главниот град на Обединетите Арапски Емирати се играше за награден фонд од еден милион евра. з

Третиот светски рекет, Карлос Алкарас успеа да избори пласман во големото финале на АТП турнирот од серијата 500 во Ротердам.

Во вечерашното полуфинале шпанскиот тенисер беше подобар од Хуберт Хуркач со 2-1 во сетови со 6-4, 6-7(5), 6-3. Алкарас покажа слабости на овој меч, но и карактер, знаење, се враќаше во игра и на крајот се справи со Полјакот и утре против Алекс Де Минор ќе игра за 17. тутула во кариерата.

Алкарас губеше со 4-1 во првиот сет и потоа три брејк топки за да избегне двоен брејк по што се променија работите и успеа со 6-4 да дојде до водство од 1-0. Во втората „рунда“ немаше брејкови и се беше решено во тај-брејкот каде Полјакот се врати од негатива од 5-4 до 7-4 и завршен сет во кој фаворитот сепак беше на повисоко ниво и заслужено дојде до триумфот.

Инаку во првото полуфинале Де Минор му одржа лекција на најголемото изненадување на турнирот Матија Белучи совладувајќи го со 6-1, 6-2 за еден час.

Легендарниот шпански тенисер Рафаел Надал стана побогат за 94,1 милиони евра, откако продаде 44,9 отсто од сопственоста во неговата академија на инвестициската компанија GPF Capital.

Иако продаде дел од сопственоста, Надал сепак го задржува мнозинскиот пакет акции, што му овозможува да ја задржи контролата врз идниот правец на развојот на академијата.

Основана во 2016 година во родниот град на Надал, Манакор, Мајорка, Академијата Рафаел Надал им обезбедува на младите спортисти врвна програма за обука за тенис, комбинирана со академско образование. Овој сеопфатен пристап им овозможува на младите таленти да се подготват за професионален тенис, и на теренот и надвор од него.

Академијата брзо стана глобална институција, со центри во Кувајт, Грција и Мексико, а во 2023 година, со цел да се забрза меѓународната експанзија, се приклучи на GPF Capital како инвеститор. По тој повод, Надал ја изрази својата возбуда поради почетокот на неговата меѓународна експанзија:

„Многу сум возбуден што ќе ја започнам оваа фаза на меѓународно проширување и ќе почнам да ја лоцирам академијата во различни делови на светот“, рече Надал.

Оваа продажба претставува важен момент во деловната кариера на Надал и дополнителен доказ за неговата посветена работа да го прошири своето влијание надвор од тенискиот терен.