На еден ден пред почетокот на турнирот, денеска беше извлечен ждребот за турнирот во Индијан Велс. Новак Ѓоковиќ кој на овој турнир се враќа по пауза од пет години, веројатно ќе има релативно лесен пат до полуфиналето.

Ѓоковиќ ќе го започне турнирот од второто коло и според ждребот не би требало да има проблем да дојде до завршната фаза. Ако нема изненадувања, во четвртфиналето ќе го чекаат Хуркач или Руд, додека во полудиналето еден од Медведев, Руне, Димитров и Фриц. Ако се погледне формата и меѓусебните дуели, посериозна закана за Ѓоковиќ е само Медведев.

Пресметка со Надал кој се враќа на Мастерс серијата би можеле да видиме во полуфиналето, но прашање е како ќе одигра Шпанецот, а во првото коло ќе се сретне со Милош Раониќ.

Карлос Алкараз, Јаник Синер, Зверев и Рубљов се на другата страна од ждребот и тука веројатно не очекуваат многу понеизвесни мечеви.

Поранешниот светски рекет број 1, Енди Мареј, призна дека
најверојатно ќе ја заврши кариерата на крајот на летото. Британецот е во лоша форма во последните месеци и не може да постигне добар
резултат на поголемите турнири. 36-годишниот Мареј вчера загуби од Французинот Уго Умберт со 2-6, 4-6 во натпревар од второто коло во
Дубаи.
„Најверојатно ќе завршам со тенисот есенва. Ова ме прашуваат после
секој натпревар и ми се гади од тоа. Нема да зборувам за тоа од сега
додека не завршам со играње“, изјави Мареј по поразот.
Тој не прецизираше на кои турнири планира да учествува, но сигурно
ќе игра на Вимблдон, а можеби и на Олимпијадата во Париз.

Хрватскиот тениски тренер, Антонио Веиќ кој работи Џиџен Џанг од
Кина имаше само пофални зборови за најдобриот светски тенисер во
овој момент Новак Ѓоковиќ.
Ѓоковиќ во кариерата освои 24 гренслем титули, меѓутоа и покрај тоа
што многу го оспоруваат неговиот успех, Хрватот има јасна порака.
„Нема дилеми кој е најдобар во светот. Надал секогаш бил мој идол,
но мораме да бидеме реални. Поради оние кои го мразат сакам
Ѓоковиќ да освои 30 Гренслем-титули и да им се смее во лице“,
порача Веиќ.
Во овој момент Ѓоковиќ е лидер на АТП листата со 9.855 бодови,
додека Алкараз е зад него со 8.805.

Карловиќ официјално денес објави дека повеќе нема да игра професионален тенис, меѓутоа уште од 2021 година не одиграл ниту еден меч. Последен пат настпаи на турнирот на Индијан Велс каде што беше поразен од Емилијано Гомез.

Дерби во Англија, Столе против кралевите во Мадрид ↓↓↓

Она што е уникатно во неговата кариера е што е еден од ретките кои можат да се пофалат со позитивен скор со еден од најдобрите на сите времиња, Новак Ѓоковиќ.

Ѓоковиќ и Карловиќ одиграа три натпревари. Првпат во 2008 година во Мадрид каде што победи Хрватот, а потоа славеше и во Доха во 2015 година.

„Со Ѓоковиќ имам скор 3:1. Го победив и во квалификациите за турнирот во Мадрид во 2005 година, меѓутоа АТП тој меч не го признава. Од време на време знам да го потсетам на тој факт“, изјави Карловиќ.

Ќе се памети Карловиќ и како еден од тенисерите со најсилни сервиси, а за тоа му помагаше и неговата висина од два метри.

Нашата Лина Ѓорческа со пласманот во четвртфиналето на собирот во Анаталија, Турција, успеа да напредува на новата ВТА листа на најдобрите тенисерки на светов.

Таа со новите девет поени има вкупно 319 што беше доволно да напредува за четири позиции и да го обезбеди 235.то место. Таа успеа да отиде чекор понапред и во конкуренција на двојки односно има скок за едно место – 373 со истиот број на поени – 226.

Што се однесува до Магдалена Стоилковска, таа се спушти за една позиција и  се наоѓа на 1212 -то место со 9 поени.

Рафаел Надал, некогашниот тенисер број еден во светот, сепак би
можел да го одложи враќањето на терените. Шпанецот е пријавен за
турнирот во Доха следната недела, но според последните
информации, тенисерот би можел да го пропушти.
И покрај тоа што во последно време интензивно тренира, Надал
почувствувал непријатност во пределот на колкот, па може
превентивно да го откаже учеството во Доха.
„Доха е прва во мојот календар, потоа Индијан Велс. Точно е дека
Доха е се поблиску. Би сакал да бидам таму, но… Ќе донесам одлука
за тоа во последен момент“, заклучи тој.
Тенисерот од Манакор не сака да направи грешка и пред време да се
врати на теренот.

Ернест Гулбис и официјално ја заврши тениската кариера. Гулбис е играч кој успеа да дојде до топ 10 во светот, а играше и полуфинале на Ролан Гарос, меѓутоа ќе се памети како неоставрен талент.

Неретко беше казнуван и заврши дури во затвор поради проституки, даваше голема важност на турнирот во Ротердам бидејќи таму е легализирана марихуаната.

Халеп беше суспендирана во септември поради кршење на анти-допинг правилата и казната треба да трае до октомври 2026 година, кога романската тенисерка ќе има 35 години.

Тенисерката прво беше позитивна на забранета супстанца на Ју-Ес опен во 2022 година, а потоа беше обвинета за неправилности во нејзиниот биолошки пасош во мај минатата година.

„Четири години чекање се многу за моите години. Не знам како би се снашла. Ако одговорот на жалбата е негативен, тоа веројатно ќе биде крај на мојата кариера“, кажа Халеп во декември минатата година.

Данил Медведев е еден од најдобрите светски тенисери, играч кој постојано е при самиот врв игра финалиња, освојува титули, но и понатаму има луѓе кои доста го критикуваат.

Енди Родик многу добро знае што значи големата сцена и што значи да си прв, да си меѓу најдобрите, па имаше што да порача кога е во прашање рускиот ас.

„Тој е еден од најпотценетите играчи во историјата. Ќе кажам веднаш, тој е подобар од мене. Има околу дваесет титули. Освои многу мастерси, завршен мастерс, беше број еден, го победи Новак Ѓоковиќ во финалето на грен слем, -рече Американецот кој во свој стил ги „поздрави“ оние кои сметаат дека Данил ќе остане на еден грен слем пехар.

Играше во две последователни грен слем финалиња. Идиоти кои не знаат што зборуваат го нарекуваат „One Slam Wonder“, истакна Енди.

Инаку Медведев има шест грен слем финалиња во досегашната кариера, ама славеше само во едно и тоа во 2021 година кога со 3-0 го разби Новак Ѓоковиќ на „Ју-Ес Опен“.

Новак Ѓоковиќ го потврди турнирот на кој ќе се врати на терените по поразот од Јаник Синер на Австралија Опен. Српскиот тенисер ќе учествува на Индијан Велс од Мастерс серијата.

Имаше дилеми дали ќе игра Новак на овој турнир каде што не се појавил од 2019 година поради пандемијата со корона-вирусот, но преку неговиот официјален сајт Ѓоковиќ потврди дека ќе настапи тука.

Турнирот во Индијан Велс се игра од 6-ти до 17-ти март, а Ѓоковиќ досега освои пет титули, последната беше во 2016 година.

Засега нема потврда дали ќе продолжи и во Мајами каде што исто така поради ковид правилата не играше изминатите години.