Новак Ѓоковиќ ќе одигра меч со Ник Кирјос пред почетокот на
Австралијан опен, а тоа беше потврдено и од самиот организатор.
Во петок, 13 јануари, тие двајца ќе настапат на „Род Лејвер арената“, а
картата е за влез е 20 австралиски долари, додека цел приход ќе биде
дониран во хуманитарни цели. Ѓоковиќ и Кирјос ќе го одиграат
првиот меѓусебен дуел по големото финале на Вимблдон, кога
Србинот освои уште една гренслем-титула.
Србинот ја брка 10-та титула на Австралијан опен, а притоа го закажа
и првиот тренинг во Мелбурн против Данил Медведев кој го совлада
пред неколку дена во Аделаида.

Првиот тенисер на АТП ранг-листата, Карлос Алкарас го откажа
настапот на Австралија опен поради повреда, а од неговото неиграње
најголема корист може да има Новак Ѓоковиќ.
Новак по непријатната одисеија минатата година кога беше
депортиран од Австралија, годинава ќе учествува на гренд слем
турнирот што се игра во Мелбурн и е прв фаворит за триумф, а
неиграњето на Алкарас може да му ја олесни работата.
Србинот има девет триумфи во Мелбурн, и иако се наоѓа на петтото
место на АТП ранг-листата со помалку од 2.000 бодови од Алкарас, е
главен фаворит за триумф и доколку по десетти пат го крене
шампионскиот пехар, ќе се врати на првото на ранг листата.
Триумф на еден од четирите гренд слем турнири носи 2.000 поени, и
во случај Каспер Руд не направи добар резултат, односно не дојде до
полуфинале, тогаш Новак со триумф ќе се врати на првото место на
АТП ранг-листата бидејќи не брани ниту еден поен од минатата
година.

Тениската федерација на Австралија, потврди дека тенисерите од Русија и Белорусија ќе учествуваат на овогодинешниот гренд слем турнир Австралија опен.

Во соопштението на федерацијата се наведува дека останува на сила одлуката со која им се дозволува настап на тенисерите од овие две земји, и покрај барањата од меѓународните спортски федерации за забрана на нивните настапи.

Меѓународниот олимписки комитет во февруари минатата година им предложи на спортските федерации да не дозволат учество на претставници од Русија и Белорусија на меѓународните натпреварувања поради војната во Украина.

Австралија опен ќе се одржува од 16. до 29.јануари во Мелбурн.

Директорот на тенискиот гренд слем турнир Австралија опен, објави дека вкупниот награден фонд оваа година ќе изнесува рекордни 76,5 милиони австралиски долари.

Наградниот фонд е зголемен за 3,4 % во однос на претходниот турнир. Победниците во машки и женски сингл на Австралија опен 2023 година ќе освојат по 2,9 милиони австралиски долари.

На турнирот се зголемува и наградниот фонд за секое коло од квалификациите па се до финалето. Посебно се зголемува наградниот фонд за првото коло на турнирот.

Австралија опен ќе биде одржан од 16.до 29. јануари во Мелбурн, а титулата ја брани Рафаел Надал.

Првиот календарски грен – слем турнир Австралија опен ќе им
понуди на тенисерите рекордно висок награден фонд во износ од 76.5
милиони австралиски долари (48.5 милиони евра).
Организаторите на првиот од четирите сезонски грен – слем турнири,
кој ќе стартува на 16 јануари, соопштија дека наградниот фонд на
Австралија опен 2023 е зголемен за 3,4% во однос на годинешното
издание.
Победниците во машка и женска конкуренција ќе инкасираат по 1.886
милиони евра, а само пласманот во првото коло на тенисерите ќе им
донесе заработка од 67.384 евра.

На Австралија опен го зголемивме наградниот фонд за секое коло,
особено за првото, изјави директорот на Австралија опен, Грег Тили.

Поранешниот трет тенисер во светот и освојувач на Ју Ес опен 2020 Доминик Тим со специјалната покана од организаторите ќе настапи на првиот календарски грен – слем турнир Австралија опен во Мелбурн. Австрискиот тенисер поради повреда не настапи на последното издание на Австралија опен, додека во 2020. во Мелбурн парк играше во финалето во кое загуби од Србинот Новак Ѓоковиќ во пет сетови.

Како последица на повредата Тием лани испадна од Топ 300, но во втората половина од годината победи на 22 од последните 33 натпревари и се врати меѓу најдобрите 100. Тием во моментов е на 102. место на АТП листата.

Квалификациите за првиот голем турнир во 2023 година почнуваат на 11 јануари, а главната фаза пет денови подоцна.

Новак Ѓоковиќ ќе настапи во Австралија на првиот гренслем турнир во сезоната. Настапот на Ѓоковиќ привлекува посебно внимание поради се што му се случуваше во Австралија минатата сезона поради ковид рестрикциите.

Минатата година Ѓоковиќ помина неколку дена во Австралија каде што му се случуваа разни работи, а на крајот беше депортиран.

„Нема да ги заборавам никогаш тие настани, секогаш ќе останат длабоко во мене. Мислам дека никој човек не би можел да ги заборави. Претходно не сум се соочил со такво искуство, се надевам нема да имам повторно. Депортацијата не ја заборавив, но сепак ја сакам Австралија“, изјави Ѓоковиќ.

Еден од најдобрите светски тенисери, Новак Ѓоковиќ, изјавува дека се надева оти ќе има добар прием од јавноста во Австралија, при неговиот настап на гренд слем турнирот во Мелбурн.

„После она што ми се случи минатата година, се надевам дека ќе бидам дочекан на прав начин, и дека тоа ќе ми помогне да го играм својот најдобар тенис. Во минатото секогаш сум имал одлични настапи во Австралија и навистина сакам да играм таму“, изјавува Ѓоковиќ.

Српскиот тенисер минатата година беше депортиран од Австралија, откако тогашниот министер за имиграција му ја укина визата поради можноста присуството на невакциниран играч да има влијание на вакцинацијата против корона вирусот во таа земја. На Ѓоковиќ му беше изречена и трогодишна забрана за влез во Австралија, но таа одлука беше поништена минатиот месец.

Гренд слем турнирот Австралија опен се одржува од 16. до 29. јануари.

Давид Ферер во наредните две години ќе биде капитен на шпанскиот
тим во Дејвис купот. Поранешниот светски рекет број 3 се повлече од
професионалниот спорт во 2019 година.
Ферер е трикратен победник на Дејвис купот – во 2008, 2009 и 2011
година како и финалист во 2012 година.
Шпанците догодина со „вајлд-карта“ ќе учествуваат во Дејвис Купот.

Поранешниот прославен германски тенисер, Борис Бекер, е пуштен на слобода од затвор во Велика Британија, и наскоро го чека депортација од оваа земја.

55-годишниот Бекер, претходно беше осуден на затворска казна од две години и шест месеци поради прикривање на неколку стотини илјади фунти, откако објави банкрот.

Поранешната тениска ѕвезда е најмладиот освојувач на Вимблдон со 17 години, после што успеа да освои уште две титули на тој гренд слем турнир.