Новак Ѓоковиќ успешно стартуваше на Австралија опен. Во првото коло, со мали проблеми, го победи 107. играч на АТП листата, Американецот Нишеш Басавареди со 3-1 (4-6, 6-3, 6-4, 6-2).

Десеткратниот шампион на гренд слемот во Мелбурн, Новак Ѓоковиќ по три часа игра го совлада 19-годишниот Басавареди. Имаше проблеми Ѓоковиќ со мотовираниот противник, кој наметна силно темпо од самиот старт. Еден брејк му беше доволен да го добие првиот сет.

Ѓоковиќ прв пат по 19 години му се случи да го загуби првиот сет, во првиот меч на Австралија опен.

Србинот имаше проблеми и во вториот сет, не ги користеше брејк шансите, се до осмиот гем кога направи брејк, а потоа сервираше и го освои сетот. Тој момент беше клучен за конечниот исход.

Басавареди стана жртва на пеколното темпо кое го наметна. По завршувањето на вториот сет поради грчеви побара медицински тајм-аут. Не успеа да се опорави, Ѓоковиќ направи брејк веднаш во првиот гем од третиот сет, а потоа рутински го чуваше својот сервис.

Брејк во првиот гем, Ѓоковиќ направи и во четвртиот сет, а потоа уште еднаш му го одзеде сервисот на противникот и се пласира во втората рунда.

„Почетокот беше одличен, Нашиш беше подобар од мене сет и пол, силно удираше, така што ми беше тешко и навистина морам да му честитам. Да бидам искрен, начинот на кој игра е одличен бидејќи овие натпревари се тешки и проблематични, бидејќи, ова е негов прв Грен слем натпревар и тој е вистински натпреварувач. Пријатно ме изненади со начинот на кој играше и со спортскиот дух што го покажа“, изјави Ѓоковиќ.

Противник во ворото коло ќе му биде Хаиме Фари.

Гаел Монфис испиша историја на турнирот во Оукленд, стана најстариот шампион од 1990 година кога е основан АТП тур. Французинот со 38 години и четири месеци го собори рекордот на Роџер Федерер од Базел 2019 година, тогаш Швајцарецот триумфираше на возраст од 38 години и два месеци.

„Многу ми значи овој триумф“, рече Монфис по победата над Белгиецот Зизу Бергс со 6-3, 6-3 и дополни.

„Годините се само бројка. Продолжувам да работам, да верувам дека можам да играм квалитетен тенис и тоа го покажав оваа недела. Многу сум среќен“.

Еден од најхаризматичните тенисери сега има 13 трофеи во кариерата. Инаку првиот трофеј во кариерата, Монфис го освои во далечната 2005 година во Сопот, Полска.

Александар Зверев не ги криеше амбициите за титулата на Австралија опен, кој започнува в недела.

Светскиот рекет број два, Зверев има за цел да го освои својот прв Гренд слем трофеј откако ги загуби финалињата на УС Опен во 2020 година и Ролан Гарос лани.

Тој ќе се обиде да стане првиот Германец кој триумфирал на Мелбурн Парк по Борис Бекер во 1996 година.

-Мислам дека сите се свесни за тоа кон што се стремам. Сите знаат која е мојата цел и сон. Тоа е да ја освојам титулата. Почнувајќи го моето учество на Слем турнир како втор на светската ранг-листа, нормално е мојот став да биде дека сакам да го освојам трофејот. Тоа е мојот став. Сакам да го покажам мојот најдобар тенис, да стигнам што подалеку на турнирот со надеж за конечна победа, изјави Зверев.

Германецот (27) ја коментираше и новововедената можност оваа сезона од страна на Меѓународната тениска федерација за тренерска помош за време на натпреварите.

-Отсекогаш мислев дека тенисот е индивидуален спорт и дека треба сам да најдеш решение на теренот. Сега ситуацијата се менува. Тренерите седат на страна, имаат можност да следат секакви статистики и податоци во живо и да даваат различни насоки. Ова секако менува многу работи. Но, очигледно тенисот оди во оваа насока, рече Зверев.

Судот за спортска арбитража (КАС) во Лозана денеска соопшти дека ќе ја разгледа жалбата на Светската антидопинг агенција (ВАДА) во врска со случајот со најдобриот светски тенисер, Италијанецот Јаник Синер, на 16 и 17 април годинава.

Во соопштението на КАС се наведува дека рочиштето за овој случај ќе се одржи зад затворени врати, бидејќи ниту една од заинтересираните страни не побарала јавна расправа. КАС не објави кога ќе биде донесена конечната пресуда.

Синер беше позитивен на забранетата супстанца клостебол за време на натпреварување на Мастерсот во Индијан Велс во март минатата година. Италијанскиот тенисер осум дена подоцна повторно беше позитивен кога беше анализиран примерок вон конкуренција.

Меѓународната агенција за интегритет во тенисот (ИТИА) привремено го суспендираше Синер двапати поради овие резултати, но Италијанецот и двата пати успешно поднесе жалба до независен судија на трибуналот и му беше дозволено да продолжи да се натпреварува.

На 20 август ИТИА објави дека Синер нема да биде суспендиран откако независна комисија утврди дека нема вина или невнимание на италијанскиот тенисер во овој инцидент.

ИТИАтогаш изјави дека според правилата, Синер ќе изгуби 400 поени на АТП листата и парична награда од 325.000 долари што ги освои на Мастерсот во Индијан Велс.

ВАДА потоа поднесе жалба до Судот во Лозана на крајот на септември, барајќи забрана од една до две години за најдобриот светски тенисер.

Најдобриот тенисер на сите времиња Новак Ѓоковиќ даде интервју за магазинот GQ каде е на насловната страница на февруарското издание.

Во големото интервју, Ѓоковиќ изјави шокантно тврдење, објави Телеграф.

Имено, кога пред две години беше задржан во хотел за имигранти, а подоцна и депортиран,

„Ѓоковиќ имал здравствени проблеми, а сега изјави и дека се отрул од храна во тој хотел.Кога дојдов дома имав здравствени проблеми и сфатив дека сум отруен од храна во тој хотел во Мелбурн! Ова никому не го кажав јавно, но кога се вратив во Србија, открив високо ниво на тешки метали во себе. Имав високо ниво на олово и жива во себе“, изјави Ѓоковиќ за GQ.

За потсетување, австралиските власти не му дозволија на Новак Ѓоковиќ да влезе во земјата, иако имаше соодветна документација и сѐ што е потребно. Причината беше тоа што тој не ја примил вакцината против коронавирус, а всушност беше вклучен во политичките игри на локалните лидери, кои одлучија да го направат Новак свое „жртвено јагне“.

Тој беше третиран скандалозно, помина неколку дена во притвор, имаше две судења и цело време престојуваше во озлогласениот хотел за имигранти, каде што не можеа ниту да се отворат прозорците, а имигрантите таму се жалеа дека храната е полна со црви. .

Новак на крајот и дефинитивно беше депортиран од Австралија по второто судење, откако локалниот министер за имиграција одлучи да ја поништи одлуката на судот што докажа дека Ѓоковиќ бил во право и дека има право да се натпреварува на Австралија Опен.

Ѓоковиќ со бранителот на титулата, Јаник Синер, може да се сретна само во евентуалното финале. Меѓутоа во четвртфиналето го чека Карлос Алкараз, а во полуфиналето Александар Зверев.

Турнирот Ѓоковиќ ќе го започне против Американецот Нишеш Басавареди. Во вториот ќе игра против Павел Котов или квалификант, а можни ривали во третиот круг му се Опелка/квалификант/Нагал/Махач.

Јаник Синер го отвора турнирот против Николас Џари од Чиле, а потоа продолжува на подобриот од дуелот Даниел – Скулкејт.

Саша Зверев во првото коло ќе се соочи со Лукас Пуј, а доколку победи во второто коло ќе се соочи со Дардери или Мартинез. Негов проектиран противник во третото коло е Ник Кирјиос, кој игра со Џејкоб Феарнли во првото коло.

Тејлор Фриц го започнува турнирот пред Џенсон Бруксби, а Карлос Алкараз во првото коло ќе игра против Олександр Шевченко.

Селекторот на тениската репрезентација на Австралија, Лејтон Хјуит го повика Ник Кирјос во екипата за дуелот против Шведска во Стокхолм.

Австралија на 31 јануари и 1 февруари ќе игра против Шведска, а освен Кирјос се повикани и Алекс Де Минор, Џордан Томпсон и Танаси Кокинакис.

Контроверзниот Кирјос нема настап во Дејвис Купот уште од 2019 година, а на спортот му се врати на почетокот на годинава по проблемите со повреди.

Новак Ѓоковиќ немаше најдобар старт на годината, кој изненадувачки беше поразен од Рајли Опелка во четвртфиналето на турнирот во Бризбејн, но сепак е еден од главните фаворити за победа на Австралија опен.

Турнирот во Мелбурн му е омилен, таму дури по 11-ти пат ја освои шампионската титула, без разлика што со него се поврзуваат некои од најнемилите настани во кариерата.

Токму за ова зборуваше тенисерот во интервју за локалните медиуми и откри дека сè уште се сеќава на тортурата што ја доживеал при влегувањето во Австралија во 2022 година за време на пандемијата на коронавирус, кога беше приведен, а потоа депортиран од оваа земја.

-Нема да ве лажам, сè уште сум трауматизиран од се што ми се случи. Кога ќе поминам низ пасошка контрола на аеродромот во Мелбурн, сето тоа ми се враќа и не ми е удобно. Тоа беше многу лошо искуство за мене. Јас не сум некој што ќе покажува со прст кон некого и ќе го обвини за тоа што ми се случи. Не, сето тоа го оставив на страна, но само велам дека не ми е удобно кога поминувам низ тие места, ми поминува низ глава дека повторно ќе дојде некој да ме спречи да влезам. Јас и моето семејство после тоа се вративме во Австралија, освоив нова титула во Мелбурн и можам да играм на овој турнир, изјави Ѓоковиќ.

Тејлор Фриц му донесе победа на американскиот тениски тим во Јунајтед купот 2025 година, победувајќи го денес Полјакот Хуберт Хуркач.

Средбата траеше 2 часа и 19 минути и заврши со победа на четвртиот светски рекет со резултат 6-4, 5-7 и 7-6 (7-4).

Во воведниот меч од финалето на турнирот, светската тенисерка број 3, Коко Гауф ја победи втората светска тенисерка, Ига Швјонтек со резултат 6:4 и 6:4

За Американците ова е втор трофеј во Јунајтед купот, првиот го освоија во 2023 година.

Кога се чинеше дека Наоми Осака со голем стил се враќа на ВТА турнејата, четирикратната Грен слем шампионка ја погоди нов пех.

Поранешната тенисерка број еден во светот мораше да и го предаде мечот на Данкина Таусон во финалето на Оукленд (Нов Зеланд) во моментот кога го доби првиот сет со резултат 6-4.

Првите информации говорат дека се работи за болка во долниот дел на грбот, а повеќе информации за повредата и дали ќе може да настапи на Австралија опен кој започнува на 12 јануари ќе бидат познати во следните неколку дена.

Осака веќе беше надвор од терените три месеци поради проблеми со грбот, откако се повреди на кинеската турнеја во октомври 2024 година. Ова беше нејзино прво финале по Мајами 2022 година кога загуби од Ига Швионтек.

Што се однесува до Таусон, ова е нејзина трета титула во кариерата, прва од 2021 година.