Женската тениска асоцијација – ВТА, соопштува дека Ига Швјонтек е прогласена за тенисерка на годината.

Тенисерката од Полска сезоната ја заврши на врвот од ВТА листата, а оваа година успеа да го освои Ролан Гарос, и УС Опен. Швјонтек исто така беше победничка на турнирите во Доха, Индијан Велс, Мајами, Штутгарт, Рим и Сан Диего.

Оваа сезона таа оствари скор од 67 победи и девет порази.

Ига Швјонтек на првото место од ВТА листата се наоѓа од четврти април оваа година.

Еден од најдобрите светски тенисери, Рафаел Надал, изјавува дека нема намера во скоро време да му каже збогум на тенисот, но истакнува дека е подготвен за живот после професионалната кариера.

Надал деновиве се наоѓа во Аргентина каде ќе одигра неколку егзибициони натпревари со Каспер Руд. Надал на прес-конференција во Буенос Ајрес одговараше на бројни новинарски прашања.

„Јас сум прилично реална личност, и знам дека ќе дојде и тој момент кога ќе ја завршам профи кариерата. Спремен сум за живот после тенисот, и мислам дека нема да имам проблеми да се прилагодам на промените во животот. Тенисот како спорт го обожувам, но постојат и други работи кои се подеднакво битни. Можам само да кажам дека крајот на кариерата сепак не е блиску“, изјави Надал.

Младиот македонски тенисер, Калин Ивановски ја запиша и втората победа на ИТФ фјучрс турнирот во Мадрид. 18-годишникот Ивановски го совлада домашниот натпреварувач Хавиер Молино со 2-0 во сетови (6-4, 6-2).

Мечот кој се играше во Мадрид започна изедначено, двајцата тенисери беа сигурни на свој сервис, но Ивановски успеа да направи брејк и потоа дојде до 6-4 за водство од 1-0. Во вториот сет, македонскиот тенисер бргу дојде до предност по одземен сервис, за потоа со 6-2 само да ја потврди победата. 

Македонскиот тенисер во четвртфиналето ќе игра против уште еден домашен натпреварувач, Жорда Санчис, а дуелот е закаажан в петок 

наутро од 10:00 часот.

Покрај рекордот по бројот на освоени титули, српскиот тенисер Новак Ѓоковиќ, со освојувањето на завршниот АТП трофеј во Торино, оствари и два финансиски рекорди.

Ѓоковиќ за победата на турнирот во Италија, доби највисока парична награда во историјата на тенисот од 4.740.300 долари.

Новак Ѓоковиќ стана и најбогатиот тенисер во историјата со вкупна заработка од наградните фондови кои ја преминуваат сумата од 160 милиони долари.

Српскиот тенисер Новак Ѓоковиќ е победник на завршниот тениски АТП турнир кој се одржа во Торино, Италија.

Ѓоковиќ во финалето беше подобар од Каспер Руд, и славеше победа со 2:0 во сетови. Со овај триумф Србинот се изедначи по бројот на освоени трофеи на завршните АТП турнири со Роџер Федерер. Двајцата тенисери имаат по шест титули.

За Ѓоковиќ ова е 91.титула во кариерата, и за победата му беше доделен чек во износ од 4.740.000 долари.

Еден од најдобрите светски тенисери, Новак Ѓоковиќ, ќе може да настапува на претстојниот Австралија Опен, откако и официјално му е укината забраната за влез во таа земја.

Според информациите, новиот министер за имиграција на Австралија донел одлука за поништување на забраната за влез во земјата на Новак Ѓоковиќ. Српскиот тенисер ќе добие виза и без проблем ќе може да влезе во Австралија каде ќе игра на првиот Гренд слем во сезоната.

Повеќекратниот тениски грен слем шампион, Рафаел Надал, изјави дека не е сигурен оти ќе игра тенис и со 40 години.

„Не знам и не можам да ја предвидам иднината. Искрено делува дека тоа е многу тешко.Меѓутоа и кога имав 28,29 години ми беше тешко да се замислам себеси на теренот со 36 години, но ете и понатаму сум тука и се борам за титули. Искрено уживам кога сум на теренот и тоа ми е најважно во овој момент“, изјави Надал.

Надал оваа година го освои Австралија опен и Ролан Гарос и со тоа стигна до бројката од 22 освоени грен слем титули. Тој на завршниот турнир во Торино ќе игра во зелената група со Феликс Оже Алијасим, Тејлор Фриц и Каспер Руд.

На 12 Ноември 2012 година Новак Ѓоковиќ од Србија ја освои својата втора тениска титула во завршната сезона на АТП Светската турнеја победувајќи го шесткратниот шампион Роџер Федерер со 7-6, 7-5 во финалето во Лондон, Англија.

Данскиот тенисер Холгер Руне е победник на Мастерс 1000 турнирот во Париз, совладувајќи го во финалето Новак Ѓоковиќ со 2:1 во сетови.

19-годишниот Руне стана професионален тенисер во 2020 година и со оваа победа докажува дека е еден од најперспективните млади играчи во Светот. Ова за него беше трето финале по ред, после неговиот триумф во Стокхолм, и поразот во Базел.

Руне со оваа победа се најде на 10.место од АТП листата, додека Ѓоковиќ падна на осмата позиција.

Актуелниот прв тенисер на Светот, Шпанецот Карлос Алкараз, поради повреда на стомачниот мускул се повлече од учеството на претстојниот завршен мастерс турнир во Торино.

Алкараз поради повредата го предаде четвртфиналниот дуел од мастерсот во Париз против Данецот Руне, а подоцна беше соопштено дека го чека опоравување од шест недели.

Алкараз сезоната ја завршува со 57 победи и 13 порази. Тој на 12.септември стана најмладиот играч на првото место од АТП листата.