Шпанскиот крал Фелипе Шести му ја врачи наградата „Камино Реал“ на Рафаел Надал во вторникот на Универзитетот во Алкала де Хенарес.

36-годишниот тенисер веста ја објави на својот профил на социјалните мрежи.

„Ви благодариме, Ваше Височество, за вашето присуство. Им благодарам и на претседателот и членовите на Советодавниот одбор, директорот и членовите на Академскиот совет на Институтот Френклин, комисијата за избор, кои одлучија да ми ја доделат наградата. Се надевам дека ќе бидам и ќе останам пример за шпанските вредности, останувајќи верен на моето балеарско и мајорканско потекло. Чест и голема радост е да се добие наградата „Камино Реал“, која има големо историско значење. Ова е признание за мојата работа во светот на тенисот, како и за мојата страст за овој спорт, носејќи ја мојата работа и страст надвор од границите на нашата земја“, напиша Шпанецот на Инстаграм.

Роџер Федерер кариерата ќе ја заврши на овогодинешниот Лејвер куп, рамо до рамо со неговите најголеми ривали.

Пред неколку дена Роџер Федерер објави дека Лејвер купот ќе биде последниот АТП настан во неговата долга трофејна кариера.

Реал Мадрид има интересна понуда за Швајцарецот. Шпанскиот клуб се понуди да приреди вистински проштален натпревар за тениската легенда на својот Сантијаго Бернабеу следната година, а Федерер на тој меч да ги одмери силите против Рафаел Надал.

Дали Федерер ќе биде заинтересиран за оваа понуда и колку таа би била остварлива во пракса е секако нешто за што може да се разговара. Секако повеќе детали не очекуваат за време и по самиот Лејвер куп.

Рекордна посетеност на тениски меч е забележана во 2020 година на егзибициски натпревар во Јужна Африка. Актерите беа токму Федерер и Надал, а во тој момент нивниот меч го следеа 52.000 луѓе. Можете ли да замислите тениски меч да се игра пред повеќе од 80.000 луѓе?

Познатиот тениски тренер Патрик Муратоглу смета дека Роџер Федерер е единствен во историјата на овој спорт.

Роџер Федерер најави дека ќе се пензионира по завршувањето на Лејвер купот следниот викенд, а Муратоглу истакнува дека Швајцарецот е најдобриот амбасадор кој тенисот го имал некогаш.

„Секој би сакал да може да игра тенис како него, но тој е единствен, никој не може да го повтори тоа во иднина. Никој никогаш не играл тенис како Федерер и никој никогаш нема да игра како него – затоа што тоа е невозможно. Федерер е премногу совршен за да некој може да се спореди со него. Тој е апсолутно совршенство во сè што прави – начинот на кој се движи, начинот на кој ја удира топката, затоа што имате чувство дека Федерер сето тоа го прави со малку труд“, рече Муратоглу.

Тој истакна дека најголемиот квалитет на Федерер е неговата борбеност на теренот.

Еден од најдобрите тенисери во историјата на овај спорт,  Швајцарецот Роџер Федерер, соопшти дека става точка на богатата играчка кариера.

Тој официјално ќе се прости од професионалното играње тенис на Лејвер Купот кој ќе се одржи од 23. до 25.септември, каде се очекува да учествуваат и Новак Џоковиќ, Рафаел Надал и Енди Мареј.

Федерер во својата кариера има освоено 20 Грен слем титули, а последниве години имаше големи проблеми со повреди и операции. 

19-годишниот шпански тенисер Карлос Алкараз во своето прво грен слем финале стигна до трофејот, откако во Њујорк на УС Опен го совлада Норвежанецот Каспер Руд со 3:1 во сетови, во дуел кој траеше три часа и 23 минути.

Со оваа победа Шпанецот стана и најмладиот број 1 тенисер во светот. Во оваа битка за врвот на АТП листата, Каспер Руд ја зазеде втората позиција на истата.

За Алкараз ова е шеста титула во кариерата, а за победата на УС Опен како награда освои 2,6 милиони долари.

Српскиот тенисер, Новак Ѓоковиќ, ќе може да настапи на Отвореното првенство на Австралија во 2023-та откако Федерална влада дала зелено светло.

Србинот кој во почетокот на годинава  беше депортиран од „земјата на кенгурите“ поради прекршување на правилата за заштита од Ковид-19, сега ќе може без проблем да отпатува на петтиот континент.

Веста беше потврдена од угледниот – „Хералд Сан“.

Најдобрата тенисерка на светот, Ига Швјонтек, за титулата на овогодинешното издание на УС Опен ќе се бори со тенисерката од Тунис, Онс Жабер.

Швјонтек во финалето се пласира после победата во три сета над Арина Сабаленка, додека Жабер беше убедлива над Каролина Гарсија од Франција, совладувајќи ја со 2:0 во сетови.

Финалето меѓу двете тенисерки на распоред е денес во 22:00 часот.

Нашата статистика за овој меч е следната bit.ly/3B6p1Rz

Еквадорскиот тенисер Хуан-Карлос Осорио Хернандез е привремено суспендиран откако паднал на допинг тест, објави Меѓународната агенција за интегритет на тенисот.

Тој во јуни бил позитивен на метастерон, кој е анаболичен стероид.

Еквадорскиот фудбалер нема пласман на АТП листата, а е суспендиран до завршување на случајот.

Осорио Хернандез (39) паднал на допинг тест за време на ИТФ турнирот во Кито, главниот град на Еквадор.

Шпанскиот тенисер Рафел Надал го заврши учеството на Гренд Слем турнирот во Њујорк откако во битката за пласман во четвртфиналето беше поразен од Американецот Френсис Тијафо со 3:1 во сетови.

24-годишниот Тијафо е првиот Американец кој стигна до четвртфиналето на УС Опен после Џон Иснер во 2018 година.

Надал со овој пораз ја прекина низата од 22 победи на гренд слем турнирите и нема да биде во можност да да ја освои својата 23 титула во кариерата.

Тијафо во четвртфиналето ќе игра против Русинот Андреј Рубљов.

Енди Родик во интервју за Њујорк пост изјави дека најдобриот српски тенисер Новак Ѓоковиќ самиот одбрал да не игра на УС Опен.

Американецот, кој се повлече од тенисот во 2012 година, смета дека последниот Гренд слем во сезоната нема да биде ист без Новак, но дека тоа е негова лична одлука.

„Жално е што тој не може да игра. Сепак, известувањето е закачено на ѕидот, а тој направи избор. Сите се справуваме со последиците од нашиот избор. Би било добро за турнирот доколку Новак беше таму. Но, јас исто така знам дека УС Опен или Тениската асоцијација на САД не се институции кои треба да одат против владината политика. Мислам дека е смешно навивачите да очекуваат такво нешто од тениски турнир“, изјави Родик за Њујорк пост.

Американецот истакна дека најголем фаворит за титулата во Њујорк е светскиот тенисер број еден Данил Медведев, кој го брани трофејот.