Австралискиот тенисер Ник Кирјиос го освои АТП турнирот од серијата 500 што се играше во Вашингтон.

Тој во финалето беше подобар од Јошихито Нишиока со 2-0 (6-4, 6-3) по два часа и 22 минути игра.

Тоа е негова седма титула во кариерата, а последната во сингл ја освои во 2019 година -исто така во Вашингтон.

Воедно, во американската престолнина славеше и во конкуренција на двојки во двојка со Џек Сок, победувајќи ги во финалето Крајчек и Додиг со 2-0 (7-5, 6-4).

Кирјиос ќе игра и во Монтреал каде ривал во првото коло му е Аргентинецот Баез, а потоа го чека Данил Медведев, доколку ја мине првата пречка.

Рускиот тенисер Данил Медведев на спектакуларен начин ја започна американската турнеја, во која успеа да ја освои титулата во Лос Кабос, Мексико победувајќи го Камерон Нори со 2-0, во сетови 7-5, 6-0.

Медведев неверојатно го одигра целиот турнир во Мексико и не загуби ниту еден сет во мечевите против Хиџикату, Беранкис, Кецмановиќ и Нори.

Со оваа титула Медведев ќе го зголеми бодовното салдо и од следната недела ќе има 7.875 бодови на АТП листата.

Најпрвин Новак Ѓоковиќ се повлече од Мастерсот во Монтреал, а денеска истата одлука ја донесе и Рафаел Надал.

Ѓоковиќ мораше да се повлече бидејќи на невакцинирани од странство им е забранет влез во Канада, но Надал мораше да се повлече од здравствени причини.

„Откако одморот и враќањето на тренинзите, се одепе добро овие недели. Пред четири дена повторно почнав да тренирам и по тренингот имав мала непријатност што беше присутна денеска“, објави Надал на Твитер.

„Решивме да не патуваме во Монтреал и да продолжиме да тренираме без форсирање. Искрено му благодарам на директорот на турнирот Јуџин и на целиот негов тим за разбирањето и поддршката што отсекогаш ми ја покажуваа, а ниту денешниот ден не беше исклучок“, наведе шпанскиот ас.

Шпанецот Рафаел Надал нема да настапи на турнирот од Мастерс серијата во Монтреал кој се одржува од 8. до 14. август.

Причината за откажувањето на Надал е тоа што тој уште се опоравува од повредата на стомачниот мускул која ја заработи на Вимблдон. Иако од тогаш помина скоро еден месец, Надал и понатаму има проблеми. Шпанскиот тенисер објави дека сеуште чувствува болки за време на сервирањето.

Австралиецот, Ник Кирјиос, изненадувачки  се повлече од тенискиот турнир во Атланта поради болки во коленото на левата нога.

27-годишниот финалист на годинешново издание на терените на Вимблдон требаше да игра против Германецот, Петер Гојовчик.

„Лошо ми е бидејќи нема да можам да играм на турнирот што го има освоено и тоа кога сум во најдобра форма во мојата кариера. Само сакав да ви приредам шоу, но,  едноставно не можам да го сторам тоа“, рече Кирјиос.

На легендарниот германски тенисер Борис Бекер по отслужувањето на затворската казна му се заканува депортација од Велика Британија, јавуваат британските медиуми.

Поранешниот светски тенисер број еден и трикратен победник на „Вимблдон“ моментално отслужува затворска казна за затајување данок и проневера по банкрот.

Бекер беше осуден на 30 месеци затвор. Првите недели од казната ги поминал во озлогласениот затвор „Вандсворт“, а потоа бил префрлен во „ХМП Хантеркомб“, на околу 70 километри од Лондон, кој е затвор со помал ризик.

Островските медиуми јавуваат дека по излегувањето од затвор, на Бекер му се заканува депортација од Велика Британија како странец кој отслужил затворска казна од 12 месеци или повеќе.

Според друго сценарио, Бекер би можел да биде вратен во Германија пред да му истече казната, отслужувајќи го остатокот од своето време во својата татковина.

Италијанскиот тенисер Лоренцо Мусети е победник на тенискиот турнир во Хамбург, Германија. Тој во возбудливиот финален дуел со 2:1 во сетови беше подобар од шестиот играч на светот, Шпанецот Карлос Алкараз.

Титулата во Хамбург е прва АТП титула за 20-годишниот Мусети. Турнирот припаѓа во АТП серијата 500 и се игра на земјена подлога.

Шпанскиот тенисер, Рафаел Надал, кој принудно се повлече од терените на Вимблдон, изјави дека максимално ќе се подготвува за последниот сезонски Грен Слем кој ќе се реализира во САД.

„Одредени тенисери имаат талент за силно удирање на топката, други не пропуштат ниту една топка а одредени се најдобри на мрежата“, вели Надал.

Тенисерот од Пиринеите има 22 пехара од големите турнири или еден повеќе од Србинот, Новак Ѓоковиќ.

Роџер Федерер загуби најмалку 200 милиони долари, објави швајцарски „Bluewin“. Федерер е акционер на компанијата „Оn“, која се занимава со производство на спортски чевли.

Се шпекулира дека тој поседува три отсто од споменатата компанија, а кога вложил пари во компанијата, цената на една акција била 38,95 долари.

Војната во Украина, пандемијата на коронавирус и други фактори предизвикаа пад на цената на акцијата на 17,37 долари, што му донесе огромна загуба на Федерер.

„Треба да се нагласи дека берзата е непредвидлива и дека со скок на акциите за краток временски период, Федерер би можел да го надомести сето тоа, па дури и да заработи уште побрзо“, пишува „Switzerland Times“.

Новак Ѓоковиќ се најде на списокот учесници на последниот Гренд слем турнир во сезоната – Отвореното првенство на САД во Њујорк, но неговото учество е неизвесно бидејќи не е вакциниран против коронавирусот, што е услов за влегување во земјата.

Организаторите на УС Опен денеска го објавија списокот на учесници во машка и женска конкуренција, на 42 дена пред почетокот на турнирот. Меѓу нив е и Ѓоковиќ, кој не е вакциниран против ковид-19.

„УС Опен не бара задолжителни вакцини за играчите, но ќе го почитува ставот на американската влада во врска со патувањето во земјата за невакцинираните неамерикански државјани“, се наведува на веб-страницата на натпреварувањето.

Заштитениот пласман го искористи Американката Серена Вилијамс, освојувачка на 23 Гренд слем титули, па се најде на листата на учесници.