Учеството на Роџер Федерер во скеч на комичарот и водител Тревор Ноа ја воодушеви неговата сонародничка Белинда Бенчиќ.

Ноа и Федерер снимија видео како се возат по швајцарските улици низ прекрасните Алпи. Интересни беа шегите на Ноа, додека Федерер вниманието го привлекуваше со реакциите. Тенисерката Белинда Бенчиќ во овој скеч забележала скриен талент кај Федерер за глума.

„Одличен глумец. Мислам дека наскоро ќе го гледаме во некој филм или нешто слично. Би кажала дека би било многу забавно, кога сте Швајцарец точно го разбирате хуморот. Знаете како возот секогаш доаѓа на време, како никогаш не можете да се возите без карта…Тоа нешто како најголемо злосторство во Швајцарија. Цело видео го гледав со насмевка на лицето“, објави Бенчиќ.

Најдобриот светски тенисер Србинот Новак Ѓоковиќ вечерва изјави дека жали што Шпанецот Рафаел Надал нема да игра на Мастерсот во Монте Карло, но додаде дека сака да ја освои титулата на овој турнир.

Надал го откажа настапот на турнирот во Монте Карло, бидејќи не се опорави од повредата.

„Тоа е загуба за турнирот и за тенисот воопшто, бидејќи Надал е убедливо најдобриот тенисер на земјена подлога во историјата. Знаеме колку пати го освои Монте Карло и сите други турнири. Мислам дека ова е можност за сите нас останатите – кога тој не е таму, да се обидеме да ја освоиме титулата“, изјави Ѓоковиќ, а пренесува официјалната веб-страница на АТП.

Уште еден Шпанец, Карлос Алкараз, нема да игра на Мастерсот во Монте Карло.

„Алкараз е еден од најдобрите играчи во светот на која било подлога веќе година и пол. Тоа го докажа со освојување на грен слем титула на бетон, а веројатно повеќето мислеа дека тоа ќе се случи на земјена подлога. Тоа илустрира колку е комплетен тенисер. Има извонреден менталитет, борбеност, секогаш притиска, му одзема време на противникот и добро тактички се прилагодува на секој ривал“, изјави српскиот тенисер.

Ѓоковиќ изјави дека покрај Алкараз, Јаник Синер и Холгер Руне се идната „голема тројка“ на светскиот тенис.

„Освежувачки е да се има уште едно ново ривалство за кое луѓето ќе зборуваат: Алкараз-Синер. Видовме неколку возбудливи, неверојатни натпревари меѓу овие двајца, вклучувајќи го и оној во Мајами. Тие двајца и Руне можеби ќе бидат следната голема тројка“, заклучи Ѓоковиќ.

Ѓоковиќ го освои Мастерсот во Монте Карло во 2013 и 2015 година. Тој во второто коло ќе се сретне со победникот од мечот меѓу Русинот Иван Гаков и Американецот Мекензи Мекдоналд.

Новак Ѓоковиќ од денес и официјално се врати на врвот на АТП листата откако Карлос Алкараз не успеа да го освои турнирот во Мајами и беше елиминиран во полуфиналето.

Шпанскиот тенисер мораше да го одбрани трофејот освоен во Мајами минатата година за да остане на врвот, но во полуфиналето беше поразен од Јаник Синер. Ѓоковиќ сега има 7.160 поени, 380 повеќе од Алкараз.

На третата позиција грчкиот тенисер Стефанос Циципас со 5.770 бодови, потоа Медведев кој го освои Мајами се проби до четвртото место со 5.150 бодови. Каспер Руд падна на 5-тата позиција, а потоа следат Рубљов, Феликс, Рунер, Синер и Фриц.

Калин Ивановски забележа нов скок, сега од 18 пзиции со што стигна до 457-то место кое е негов најдобар ранкинг во досегашната кариера.

Новак Ѓоковиќ од денеска повторно е тенисер број еден во светот. 

Поразот на Шпанецот Карлос Алкараз во полуфиналето на Мастерсот во Мајами од Италијанецот Синер значеше дека српскиот тенисер се врати на чело на АТП листата.

Алкараз мораше да го одбрани трофејот во Мајами за да остане на првото место, но на крајот трофејот замина во рацете на рускиот тенисер, Данил Медведев. Новак сега има 7.160 поени, точно 380 повеќе од младиот Алкараз.

Трет е Гркот Стефанос Циципас со 5.770 бодови, а Русинот Медведев по четвртата титула сезонава се проби на четвртото место со 5.150 бодови.

Каспер Руд падна на петтото место, а зад него се Андреј Рубљов, Феликс Оже-Алијасим, Холгер Руне, Јаник Синер и Тејлор Фриц до десеттото место.

Новак Ѓоковиќ не игра на Мастерсите во Индијан Велс и Мајами
затоа што не доби дозвола за влез во САД, а на терените ќе се врати

дури во април.
Негов следен турнир ќе биде Мастерсот во Монте Карло, кој ќе почне
на 8 април и тоа е турнир кој го освоил само двапати во неговата
кариера.
Ѓоковиќ го освои трофејот во 2013 и 2015 година во Монако, по што
следеше големиот „пост“ и сега ќе се обиде да го прекине.
Засега не е познато дали во Монте Карло ќе настапи Рафаел Надал,
кој е рекордер со 11 титули на турнирот.

Властите во Соединетите Американски Држави одбија да му дадат дозвола на српскиот тенисер Новак Ѓоковиќ да влезе во оваа земја бидејќи не е вакциниран.

Претходно, Ѓоковиќ официјално побара медицинско изземање бидејќи има прележано коронавирус, и според најавите оваа забрана за влез во САД ќе биде укината во месец мај. Меѓутоа и покрај овај факт , најдобриот светски тенисер и официјално се повлече од жребот за Мастерс турнирот во Индијан Велс.

Освојувачот на 22 Грем слем турнири, во петокот беше поразен во полуфиналето од турнирот во Дубаи, а на Мастерсите во Индијан Велс и Мајами нема учествувано од 2019.година.

Борис Бекер излезе од затвор на крајот на 2022-ра година и се врати во родната Германија, па сега како слободен човек може да ужива во сите погодности кои ги има како поранешен врвен тенисер.

Легендарниот Германец мина низ најтешкиот период во животот и сега се уште се рехабилитира од затворските денови кои ги мина во Англија, а за време на кои добил огромна поддршка од својот пријател.

Бекер открива дека Новак Ѓоковиќ направил нешто што сега прави засекогаш да биде дел од неговото семејство, бидејќи додека тој бил во затвор, Србинот буквално ги издржувал неговите најблиски.

„Ѓоковиќ беше мој пријател, но сега е дел од моето семејство после тоа што го направи. Новак ме поддржа мене додека бев во затвор, тој буквано го издржуваше моето семејство. Плачев во завтор кога го освои Вимблдон и останатите турнири минатата година. Горд сум што еден од најголемите на сите времиња е дел од мене. Сите знаете дека јас и Новак имавме долгогодишна соработка, а прекинавме спогодбено во 2016-та година. Сепак, секогаш останавме блиски, а посебно за време на мојот притвор“, открива Бекер.

Вториот светски рекет, Карлос Алкараз е победник на турнирот во Буенос Аирес. Тој синоќа во финалето по 94 минути игра го совлада 12. светски тенисер Британецот Камерон Нори со 6-3, 7-5.

Така тенисерот од Мурсија на својот прв турнир по четиримесечна пауза стигна до пехарот, а покрај 250 поени заработи и чек од 95.305 долари. Ова беше негов прв пехар во сезоната и вкупно седми во кариерата.

Новак Ѓоковиќ денес ја започна својата 376-та недела на врвот на АТП листата. Ѓоковиќ продолжи да го зголемува сопствениот рекорд во машкиот тенис по бројот на недели поминати на врвот на светскиот тенис.

Тој се врати на првото место пред две недели, откако ја освои десеттата титула на Австралија опен и во исто време стигна до својот 22. Грен слем трофеј.

Новак следниот понеделник ќе го израмни апсолутниот рекорд по број на недели на првото место, кој го држи поранешната германска тенисерка Штефи Граф со 377 недели на чело на ВТА листата. Јасно е и дека Србинот за две недели ќе стане апсолутен рекордер, бидејќи нема шанси некој да го престигне. На првото место Новак има 7070 бодови што е за 340 повеќе од младиот Шпанец Карлос Алкараз кој ќе игра на АТП турнирот во Буенос Аирес. Тој турнир е од серијата 250, па и да го освои, првото место на Новак нема да биде загрозено.

Јибинг Ву стана првиот тенисер од Кина кој освоил АТП титула. Ву го освои турнирот во Далас од серијата 250 во Далас.

Кинескиот тенисер ја доби драмата со домашн9от тенисер Џон Изнер. Во мечот немаше ниту еден брејк, Изнер забележа 44 ас сервиси, Ву спаси четири меч топки и на крајт победи со 6:7 (4), 7:6, (3), 7:6 (12).

Во, го освои јуниорскиот Ју-ес опен во сингл и дубл во 2017 година, важеше за голем талент, но поради разни повреди не играше од март 2019 до јануари 2022.