Најдобрата руска тенисерка Дарија Касаткина откри дека е лезбијка во видеоинтервју објавено на интернет.

Касаткина, која се наоѓа на 12-то место на ВТА-листата, кажа дека е во врска со девојка, уметничката лизгачка Наталија Забјако.

„Дали имам девојка? Да”, изјави 25-годишната тенисерка.

 Касаткина истовремено го осуди ставот кон хомосексуалците и ЛГБТ правата во Русија.

„Премногу теми се табу во Русија. Ако може да се бира, никој не би сакал да биде геј во Русија. Зошто би си го отежнувал животот? Нема смисла“, кажа Касаткина, која живее во Барселона.

Раководството на Вимблдон е подготвено да им забрани учество на руските и белоруските тенисери на Грен слем турнирот во Лондон и следната година.

Конечната одлука треба да биде донесена во март следната година, но организаторите на Вимблдон се подготвени да ја повторат овогодинешната забрана, доколку војната во Украина продолжи.

На Вимблдон наводно се подготвени уште еднаш да организираат турнир на кој нема да се доделуваат бодови и не се грижат многу за казните на АТП и ВТА во овој поглед.

Организаторите на турнирот во Лондон се водат од фактот дека Меѓународниот олимписки комитет наводно е блиску до одлука да им забрани на руските спортисти да учествуваат на Олимписките игри во Париз во 2024 година.

Неодамна завршениот Вимблдон не беше вреднуван со бодови на АТП листата, па најдобриот српски тенисер Новак Ѓоковиќ стана најголемата жртва во несогласувањето меѓу организаторите на престижниот турнир и АТП.

Со освојувањето на седмиот Вимблдон, а четврти последователен, Новак Ѓоковиќ е во позиција да се бори за својата 22-ва грен слем титула на УС Опен, при што доколку триумфира во Њујорк, би се израмнил со Рафаел Надал на врвот на вечната листа.

За жал, според сегашните правила во Америка, на Ѓоковиќ му е забранет пристапот на турнирите во САД бидејќи не е вакциниран против коронавирусот.

Свесен за можноста Новак да не учествува на уште еден Грен слем сезонава, по непромислениот третман што го доби на Австралија опен, славната тениска легенда Џон Мекинро веднаш по финалето на Вимблдон, кое традиционално го проследи, побара од американските власти да му дозволат на Ѓоковиќ да настапи на УС Опен.

„Политичарите почнаа премногу да се мешаат. Тоа го направија во Австралија. Нека му дозволат на човекот да игра во Америка, мислам, навистина луѓе. Ова е лудост“, изјавил Мекинро.

Новак Ѓоковиќ одигра одлично на овогодинешниот Вимблдон каде го освои трофејот и со тоа 21. гренслем трофеј во кариерата.

Меѓутоа го чека голем пад на АТП листата. Оваа година на Вимблдон не се доделуваат бодови. Организаторите беа казнети за исфрлувањето на руските и белоруските тенисери од турнирот. Таквата одлука најмногу го погодува Ѓоковиќ кој од понеделник ќе изгуби 2.000 бодови.

Ѓоковиќ го чека пад до седмата позиција на АТП листата, како утеха може да му биде што со евентуалното освојување на Вимблдон би се доближил до Надал кој има 22. гренслем трофеи.

Шпанскиот тенисер Рафаел Надал, поради повреда се повлече од понатамошното учество на Вимблдон.

Надал нема да настапи во полуфиналето против Ник Кирјос, кој на овој начин веќе обезбеди место во финалето.

Шпанецот својата одлука ја објави на прес-конференција, а како причина за откажувањето ја наведе повредата на стомачните мускули која го мачи подолг период.

Младиот македонски тенисер Калин Ивановски успеа да се пласира во четвртфиналето на овогодинешниот Вимблдон во јуниорска конкуренција.

Ивановски со одлична игра славеше во дуелот со Едас Бутвилас од Литванија, со резултат од 2:1 во сетови(6:4, 5:7, 6:0).

Младата тениска надеж на Македонија, Калин Ивановски успешно ја мина првата пречка на јуниорскиот дел од Грен Слем турнирот Вимблдон. Нашиот тенисер денеска во двочасовна битка, со пресврт, успеа да слави над Британецот Лука Пау и да си обезбеди место во втората рунда од натпреварувањето.

Ивановски го загуби првиот сет со 6-3, но потоа додаде „гас“ во следните два сета и успеа со 6-4, 6-2 да се избори за конечни 2-1 во сетови и пласман во втората рунда. За ривал го чека поб

23-кратната гренслем шампионка Серена Вилијамс (САД) објави дека се чувствува подготвена да учествува на Вимблдон. Третиот Грен Слем сезонава ќе се одржи од 27 јуни до 10 јули, а Вилијамс веќе доби „вајлд-карта“ за настап на турнирот во Лондон.

„Работам од утро до мрак. Се чувствувам доволно самоуверена за да се осмелам повторно да бидам најдобра“, напиша таа на социјалните мрежи.

Вилијалмс има седум трофеи на Вимблдон, а минатата година поради повреда на тетивата на мечот од првото коло мораше рано да го заврши настапот на турнирот.

Тенисерите од Русија и Белорусија не можат да учествуваат на овогодинешниот Вимблдон, но нивното враќање би можело да се очекува следната сезона.

Директорката на тенискиот клуб Ол Ингланд, Сали Болтон изјави дека забраната на Русите и Белорусите да играат на Вимблдон најверојатно ќе биде ограничена само на оваа година.

„Одлуката што ја донесовме се однесува само на оваа година. Сè уште веруваме дека одлуката беше правилна. Сепак, невозможно е да се предвиди каде ќе бидеме за една година“, рече Болтон.

Иако се чинеше дека Вимблдон е многу експлицитен кога станува збор за оваа одлука, Болтон истакнува дека било многу тешко да се одлучи за судбината на руските и белоруските тенисери.

„Беше многу тешко да се донесе таква одлука и длабоко жалиме за сите оние кои ќе бидат погодени од тоа“, истакна Болтон.

Рафаел Надал во средата после три години го одигра својот прв натпревар на трева. Тенисерот од Шпанија изјави дека овие дуели се одлична подготовка за Вимблдон, каде ќе се обиде да стигне до својот трет Гренд Слем турнир оваа сезона.

Надал годинава ги освои Австралија Опен и Ролан Гарос, а евентуалниот триумф на Вимблдон би го довел чекор поблиску до историски успех, односно освојување на сите четири Гренд Слем турнири во иста сезона, што досега му успеало само на тенисерот Род Лејвер во 1969 година.

Рафаел Надал нема одиграно натпреварувачки дуел на тревна подлога од 2019 година кога во полуфиналето на Вимблдон загуби од Роџер Федерер.