Младиот шпански тенисер Карлос Алкараз беше на прагот од поразот на Ролан Гарос во дуелот со Алберт Рамос-Вињолас, но на крајот сепак успеа да слави победа со 3:2 во сетови.

„Очекував тежок натпревар. Многу го почитувам мојот противник и затоа сум задоволен од прикажаното ниво на тенис. Успев да се вратам во дуелот и да победам на крајот. Многу тешко беше спасувањето на меч топката на Вињолас. Вербата во себе и напорната работа ми го донесе овој успех. Мојот сон откога почнав со играње тенис е да станам светски играч број 1“, потенцира Алкараз.

Роџер Федерер ќе остане без пласман по Вимблдон, дури и да игра на тој турнир, тврди познатиот тениски новинар Жозе Моргадо.

Федерер моментално е 46. тенисер на планетата, но му се бришат бодовите од Лондон од минатата година.

Потоа во четвртфиналето беше поразен од Хуберт Хуркач, па се повлече „во илегала“ и продолжи да се опоравува од операциите и повредите од претходните сезони.

Роџер моментално има 1.030 бодови на 46. место, а бидејќи ќе загуби бодови од претходните сезони, во јули ќе остане без пласман.

Со оглед дека Вимблдон не се играше во 2020 година поради пандемијата на коронавирус, на Роџер му остануваат бодови од финалето во 2019 година и ќе биде избришан кон средината на седмиот месец.

По објавувањето на одлуката на АТП да не се доделуваат бодови на Вимблдон, се огласи и управата на „неофицијалното светско првенство“ за тенисери.

Во официјалното соопштение, управата на Вимблдон соопшти дека нема да се откаже од одлуката тенисерите од Русија и Белорусија да не учествуваат на овој турнир:

„Прифаќаме дека нашите мислења се различни кога станува збор за одлуката да не им дозволиме на играчите од Русија и Белорусија да учествуваат на турнирот и длабоко жалиме за сите поединци кои беа погодени од ова.

Сепак, земајќи ја предвид одлуката на британската влада да го ограничи глобалното влијание на Русија, остануваме на ставот дека ја донесовме единствената правилна одлука за Вимблдон како глобално признат спортски настан и британска институција и ќе се држиме до неа.

Најдобриот светски тенисер, Новак Џоковиќ, е против бојкот на Вимблдон, после одлуката на челниците на гренд слем турнирот да им забранат настап на руските и белоруските играчи поради војната во Украина.

Српскиот тенисер вели дека бојкотот е екстремно работа и дека има многу подобри решенија.

„Спортистите се тука за да се занимаваат со спорт, ако ги исклучиме од спортот само поради фактот дека доаѓаат од одредена земја, тогаш тоа е лоша одлука. Потребна ни е поголема комуникација со Вимблдон. Не сум вклучен во преговори како пред десет години и немам разговори со претставниците на Вимблдон, но имам информации дека тие се многу строги“, изјави Џоковиќ.

Рафаел Надал беше елиминиран во осминафиналето на Мастерс турнирот во Рим по поразот од Денис Шаповалов, но резултатот не е она што најмногу го загрижи Шпанецот и неговите навивачи. Во третиот сет имаше силни болки во ногата и движењето на теренот беше многу тешко, а во одреден момент изгледаше сосема реална можност да се повлече од мечот. По натпреварот шампионот на Австралија опен откри како се чувствува и колку мисли дека е сериозен проблемот.

„Навикнат сум на повреди и ова не е нешто ново за мене, но последните неколку денови не ми беа лесни. Се трудам, но во некои случаи, како овој, навистина ми е тешко да ја прифатам ситуацијата и да се помирам со фактот дека не можам да тренирам неколку дена по ред. Денеска почнав да чувствувам болка на средината од вториот сет, а потоа беше речиси невозможно да се игра. Сепак, не сакам да му одземам ништо на Денис. Одигра многу добро и заслужи да победи“, изјави Надал.

„Болката е постојана. Некогаш е посилно, а друг пат послабо, но денес се случи нешто што не сум го доживеала досега. Би сакал да кажам нешто друго, да зборуваме само за тенис, но ситуацијата е таква каква што е, колку и да сте искусен играч, секогаш е тешко да се справите со такво нешто. Кога не можам да се движам како што сакам, работите стануваат многу потешки. Најлошото е што до пред неколку часа бев сигурен дека го подигнувам нивото и се чувствував многу добро на теренот и на натпреварите и на тренинзите. Не знам што да правам во моментов. Не сум сигурен дали треба да се одморам или да продолжам со тренинзите. Ролан Гарос и понатаму е мојата голема цел. Тоа не се промени“, додаде рекордерот по освоени Гренд слем турнири.

Канадскиот тенисер Денис Шаповалов, приреди изненадување на АТП мастерс турнирот во Рим, совладувајќи го Рафаел Надал во осминафиналниот дуел. По голема борба, Шаповалов славеше со 2:1 во сетови, во натпревар кој траеше 2 часа и 40 минути.

Шаповалов во четвртфиналето ќе се сретне со Каспер Руд, а Надал ќе нема можност за освојување на турнирот во Рим по 11. пат.

Англиските медиуми ги потврдуваат информациите дека Вимблдон и АТП разговараат околу актуелната ситуација која се однесува на учеството на руските и белоруските играчи на Гренд слемот оваа година.

Асоцијацијата на тениските професионалци има можност да ги укине АТП бодовите од Вимблдон доколку остане на сила забраната за учество на ирачите од Русија и Белорусија.

Најдобрите светски играчи јавно истакнуваат дека без укинување на бодовите турнирот би бил неправеден кон Данил Медведев и останатите руски тенисери. Одлуката се очекува да биде донесена оваа недела. 

Германецот Александар Зверев беше убедливо поразен од Карлос Алкараз во финалето на Мастерсот во Мадрид (6-3, 6-1), а за лошото издание ги обвини АТП и распоредот на натпреварите.

Зверев, да потсетиме, во неделата околу 1 часот по полноќ го заврши полуфиналниот дуел со Стефанос Циципас, а ноќта претходно, до по полноќ, траеше дуелот со Феликс Оже-Алијасим.

„Морам да кажам дека работата на АТП оваа недела беше апсолутен срам. Пред два дена си легнав во 4:00, 4:30 наутро. Вчера си легнав во 5 часот наутро“, беше лут Зверев на прес-конференцијата.

И покрај се, Германецот признава дека можеби и во идеални услови нема да го победи 19-годишниот Шпанец, но верува дека би обезбедил подобро издание.

Се анализира дали Борис Бекер може да биде депортиран, потврди Министерството за внатрешни работи на Велика Британија, пишува Гардијан.

Минатата недела, поранешната тениска ѕвезда беше осуден ана две години и шест месеци затвор за криење имот вреден милиони фунти, откако банкротираше во јуни 2017 година. Бекер, осуден според Законот за несолвентност, ќе отслужи, како што пишува овој весник, половина од целосната затворска казна.

Портпаролот на тамошното МВР рече дека, иако не коментира поединечни случаи, „секој странски државјанин кој е осуден за кривично дело и е осуден на казна затвор се разгледува за депортација во најкраток можен рок“.

„Борба која може да чини и до 30.000 фунти, велат експертите, што значи дека Бекер можеби ќе мора лично да се застапува на суд како страна во тужбата. Доколку делото се случило по 31 декември 2020 година, Бекер е предмет на автоматска депортација бидејќи е осуден на 12 месеци или повеќе“, рече адвокатот Колин Јео.

Легендата на светскиот тенис Борис Бекер е осуден на две ипол години затворска казна, пренесува „Би-Би-Си“.

Причината поради која легендарниот германски тенисер мора да одлежи затворска казна е обидот за сокривање пари и други скапоцености во вредност од дури од два ипол милиони фунти во стечајната постапка.

Откако Германецот во 2017 година прогласи банкрот судот отвори стечајна постапка. Во текот на истрагата се докажа дека 54-годишникот задржал средства со кои можел да ги подмири долговите. Бекер намерно префрлал големи износи на други сметки во јуни 2017 година.