Карловиќ официјално денес објави дека повеќе нема да игра професионален тенис, меѓутоа уште од 2021 година не одиграл ниту еден меч. Последен пат настпаи на турнирот на Индијан Велс каде што беше поразен од Емилијано Гомез.

Дерби во Англија, Столе против кралевите во Мадрид ↓↓↓

Она што е уникатно во неговата кариера е што е еден од ретките кои можат да се пофалат со позитивен скор со еден од најдобрите на сите времиња, Новак Ѓоковиќ.

Ѓоковиќ и Карловиќ одиграа три натпревари. Првпат во 2008 година во Мадрид каде што победи Хрватот, а потоа славеше и во Доха во 2015 година.

„Со Ѓоковиќ имам скор 3:1. Го победив и во квалификациите за турнирот во Мадрид во 2005 година, меѓутоа АТП тој меч не го признава. Од време на време знам да го потсетам на тој факт“, изјави Карловиќ.

Ќе се памети Карловиќ и како еден од тенисерите со најсилни сервиси, а за тоа му помагаше и неговата висина од два метри.

Нашата Лина Ѓорческа со пласманот во четвртфиналето на собирот во Анаталија, Турција, успеа да напредува на новата ВТА листа на најдобрите тенисерки на светов.

Таа со новите девет поени има вкупно 319 што беше доволно да напредува за четири позиции и да го обезбеди 235.то место. Таа успеа да отиде чекор понапред и во конкуренција на двојки односно има скок за едно место – 373 со истиот број на поени – 226.

Што се однесува до Магдалена Стоилковска, таа се спушти за една позиција и  се наоѓа на 1212 -то место со 9 поени.

Рафаел Надал, некогашниот тенисер број еден во светот, сепак би
можел да го одложи враќањето на терените. Шпанецот е пријавен за
турнирот во Доха следната недела, но според последните
информации, тенисерот би можел да го пропушти.
И покрај тоа што во последно време интензивно тренира, Надал
почувствувал непријатност во пределот на колкот, па може
превентивно да го откаже учеството во Доха.
„Доха е прва во мојот календар, потоа Индијан Велс. Точно е дека
Доха е се поблиску. Би сакал да бидам таму, но… Ќе донесам одлука
за тоа во последен момент“, заклучи тој.
Тенисерот од Манакор не сака да направи грешка и пред време да се
врати на теренот.

Ернест Гулбис и официјално ја заврши тениската кариера. Гулбис е играч кој успеа да дојде до топ 10 во светот, а играше и полуфинале на Ролан Гарос, меѓутоа ќе се памети како неоставрен талент.

Неретко беше казнуван и заврши дури во затвор поради проституки, даваше голема важност на турнирот во Ротердам бидејќи таму е легализирана марихуаната.

Халеп беше суспендирана во септември поради кршење на анти-допинг правилата и казната треба да трае до октомври 2026 година, кога романската тенисерка ќе има 35 години.

Тенисерката прво беше позитивна на забранета супстанца на Ју-Ес опен во 2022 година, а потоа беше обвинета за неправилности во нејзиниот биолошки пасош во мај минатата година.

„Четири години чекање се многу за моите години. Не знам како би се снашла. Ако одговорот на жалбата е негативен, тоа веројатно ќе биде крај на мојата кариера“, кажа Халеп во декември минатата година.

Данил Медведев е еден од најдобрите светски тенисери, играч кој постојано е при самиот врв игра финалиња, освојува титули, но и понатаму има луѓе кои доста го критикуваат.

Енди Родик многу добро знае што значи големата сцена и што значи да си прв, да си меѓу најдобрите, па имаше што да порача кога е во прашање рускиот ас.

„Тој е еден од најпотценетите играчи во историјата. Ќе кажам веднаш, тој е подобар од мене. Има околу дваесет титули. Освои многу мастерси, завршен мастерс, беше број еден, го победи Новак Ѓоковиќ во финалето на грен слем, -рече Американецот кој во свој стил ги „поздрави“ оние кои сметаат дека Данил ќе остане на еден грен слем пехар.

Играше во две последователни грен слем финалиња. Идиоти кои не знаат што зборуваат го нарекуваат „One Slam Wonder“, истакна Енди.

Инаку Медведев има шест грен слем финалиња во досегашната кариера, ама славеше само во едно и тоа во 2021 година кога со 3-0 го разби Новак Ѓоковиќ на „Ју-Ес Опен“.

Новак Ѓоковиќ го потврди турнирот на кој ќе се врати на терените по поразот од Јаник Синер на Австралија Опен. Српскиот тенисер ќе учествува на Индијан Велс од Мастерс серијата.

Имаше дилеми дали ќе игра Новак на овој турнир каде што не се појавил од 2019 година поради пандемијата со корона-вирусот, но преку неговиот официјален сајт Ѓоковиќ потврди дека ќе настапи тука.

Турнирот во Индијан Велс се игра од 6-ти до 17-ти март, а Ѓоковиќ досега освои пет титули, последната беше во 2016 година.

Засега нема потврда дали ќе продолжи и во Мајами каде што исто така поради ковид правилата не играше изминатите години.

Aвстралискиот тенисер, Ник Кирјос ги изненади љубителите на тенисот признавајќи дека е пред одлука да ја заврши кариерата.

Во својата последна колумна за „Еуроспорт“ каде што работи како коментатор на случувањата на Австралија Опен, Кирјос најави дека разгледувал можност да стави крај.

Тој се мачи со повреди и поради тоа го пропушти овогодинешниот Австралија Опен и сега е поблиску до одлука да се повлече од играњето тенис.

„На една крстосница сум во кариерата, дојдов до точка каде што почнав да размислувам за живот по тенисот.

Разговарав со менаџерот и тој ми кажа дека би можел да патувам низ светот и да заработувам од коментирање спорт, да правам интервјуа за ток-шоуа…Реалноста е дека дел од мене знае дека времето на теренот за мене можеби е и истечено и тоа е нормално“, изјави Кирјос.

Поранешната шпанска тениска ѕвезда Аранча Санчез Викарио е осудена на условна затворска казна поради измама, соопшти денеска судот во Барселона.

Санчез Викариo и нејзиниот поранешен сопруг Жозеп Сантакана, заедно со уште три лица, се осудени поради прикривање имот со цел да избегнат плаќање долг од 7,6 милиони евра на луксембуршката банка „Banque de Luxembourg“, вклучувајќи и камати.

Поранешната шпанска тенисерка нема да отслужи затворска казна под услов да не го прекрши законот во следните две години.

Санчес Викарио и нејзиниот сопруг, кои се разведоа во 2019 година, го отфрлија обивението, а Сантакана е осуден на три години и три месеци затвор, се наведува во судското соопштение.

Санчез Викарио го обвини Сантакана, тврдејќи дека тој располагал со нејзините пари и оти не била свесна за незаконските активности на својот поранешен сопруг, кој на банката треба да ѝ плати отштета од 6.6 милиони евра.

Големото име на шпанскиот женски тенис, Санчез Викарио, три пати триумфираше на Ролан Гарос, а ја освои титулата и на Ју Ес Опен, пред да се пензионира во 2002 година.

Лени Митјан е француски тенисер кој не е познат на пошироката јавност, но сега се најде во центарот на вниманието поради скандал.

Имено, Митјан доби суспензија од цели 10 години поради местење натпревари во тенисот и ќе мора да плати казна од 20.000 долари.

Оваа одлука е донесена поради неодамна завршениот кривичен случај поврзан со синдикатот за местење натпревари во Белгија. Григор Саргасјан кој бил главен на овој синдикат е осуден на пет години затвор по соработката со ИТИА и белгиските власти.

Во текот на 2018 година Митјан беше рангиран како 458-ми тенисер во светот, а тој ги отфрли обвинувањата за местење натпревари помеѓу 2017-та и 2018-та година. На крајот сепак беше потврдено дека учествувал во местење на мечеви и влијаел на други играчи да не го даваат својот максимум.

Неговата суспензија ќе важи до 21-ви декември 2033 година, а во тој период не може да игра, но ниту да присуствува на било кој настан организиран од АТП или ИТФ.