Српскиот тенисер Новак Ѓоковиќ дефинитивно нема да игра на Мастерсот во Индијан Велс, но и на турнирот во Мајами, бидејќи не добил дозвола за влез во САД откако не е вакциниран, пренесува Танјуг.

Ѓоковиќ се пријави за Мастерсот во Калифорнија, кој го освои пет пати во текот на неговата кариера, беше на ждрепката, но Центарот за контрола и превенција на болести (ЦДЦ) одбија да му издадат дозвола за влез во земјата.

Поради тоа дојде до поместување на ждрепката, па Григор Димитров „падна“ меѓу носителите, а испразнетото место ќе го пополни „среќниот губитник“ од квалификациите.

Мастерсот во Индијан Велс се игра од 10 до 20 март, а наградниот фонд е 8,5 милиони долари.

Самиот Ѓоковиќ се огласи на социјалните мрежи и потврди дека нема да игра ниту во Мајами. Тој призна дека знаел дека имало „мала веројатност да патува“.

Откако „Пежо“ го напушти Новак Ѓоковиќ, сега друга компанија би можела да го напушти српскиот тенисер.

„Луцернер цајтунг“ пишува дека „Лакост“ би можел да го напушти Новак.

„Со години „Лакост“ е во сопственост на групата „Маус Фререс“ со седиште во Женева. „Лакост“ е тенис, а е основан во 1933 година од поранешниот француски тенисер Лакост. Од 2017 година, ривалот на Роџер Федерер, Новак Ѓоковиќ е амбасадор на овој култен бренд, а сега има договор до 2025 година вреден 9.000.000 долари годишно“, пренесува споменатиот портал, односно новинарот Бенџамин Вајман.

„Партнерството со Ѓоковиќ не донесе ништо добро во последно време. Поранешниот светски рекет број еден собра негативни наслови поради неговото одбивање да се вакцинира и неговиот имиграциски статус во Австралија. „Маус Фререс“ веројатно би сакал да се потпре на ново лице во реклами“, вели тој во текстот.

Управниот орган на АТП турнејата го осуди третиот тенисер во светот, Германецот Александар Зверев, на осум недели неиграње поради кршење на рекетот на судиското место на АТП турнирот минатиот месец во Акапулко, поради што беше исклучен од тој турнир.

Зверев е казнет со 20.000 долари за вербална злоупотреба, 20.000 долари за неспортско однесување и повеќе од 31.000 долари заработка од турнирот, како и сите АТП поени заработени во сингл и двојки на турнирот во „Абиерто Мексикано“.

По ревизијата, АТП откри дека 24-годишниот Германец извршил „тешко однесување“ и изрече дополнителна казна од 25.000 американски долари и осумнеделна забрана за учество на било кој АТП натпревар.

Некогашниот трет тенисер во светот, Доминик Тим, повторно го одложи своето враќање на терените, и нема да игра на мастерс турнирите во Индијан Велс и Мајами.

Австрискиот тенисер, кој беше освојувач на Индијан Велс во 2019 година, сеуште не е доволно подготвен после операцијата од минатата година.

„Тренирав добро последниве неколку недели. Зглобот на раката е во ред, но сепак се одлучив да не учествувам на турнирите во Мајами и Индијан Велс. Се надевам дека мојот кам-бек ќе го имам на турнир со земјена подлога, бидејќи тоа е подлогата на која се чувствувам најдобро. Би сакал да играм во Америка, и се надевам дека тоа ќе се случи наскоро“, изјави 28-годишниот Тим.

Серена Вилијамс смета дека постојат двојни стандарди кога во прашање се казнувањата на играчите поради постапките на теренот.

Неодамна Александар Зверев беше дисквалификуван од турнирот во Акапулко затоа што неколку пати го удри рекетот во судиското столче. АТП потоа го казни Германецот со одземање на паричната награда и освоените бодови, третиот тенисер мораше да плати и 40.000 долари.

Тука се беше завршено. Зверев веќе овој викенд се врати на терен во Дејвис Купот.

„Постојат двојни стандарди. Ако јас го направев истото што и Зверев веројатно сега ќе бев во затвор, не се шегувам“, порача Серена.

Роџер Федерер изјави дека би требало да се врати на тенискиот терен на крајот од летото или на почетокот на есента. Швајцарецот беше присутен на велеслаломската трка во Ленцерхајде, и притоа кажа дека е оптимист во поглед на иднината.

„Влегувам во фаза во која можам да размислувам за враќање на играњето тенис. Имав добра магнетна резонанца пред неколку недели и тоа ми дава оптимизам. Сега се чувствувам многу подобро, и планирам да започнам со натпревари до крајот на летото или на почетокот на есента. Вистинска одлука беше да паузирам и да се опоравувам после Вимблдон, бидејќи не можев да продолжам да играм поради големи болки во коленото“, потенцира Федерер.

Роџер Федерер се уште се опоравува од операцијата на коленото. Закрепнувањето не оди според планот, па голема е веројатноста да го пропушти омилениот турнир – Вимблдон.

Последниот меч го одигра на британскиот Гренд слем кога во четвртфиналето беше поразен од Хуберт Хуркач.

„Уште се опоравува. Не прави само физиотерапија, туку и онаа со мраз. Не само што ги зајакнува мускулите на нозете, туку и на целото тело. Сепак, не можам да кажам дека сум оптимист“, признава Северин Лути, поранешниот тренер на Федерер.

Федерер оваа недела ќе почне да работи со рекетот, спаринг со сопругата Мирка, поранешна тенисерка. Лути, сепак, не дава големи шанси Роџер да игра на Вимблдон.

Руските и белоруските тенисери ќе можат да играат на турнири организирани од АТП и ВТА, но под неутрални знамиња, објавија тие организации.

Според соопштението, руските и белоруските тенисери до дополнително известување ќе играат во таков статус на Грен слем турнирите. Играчите од Русија и Белорусија ќе продолжат да се натпреваруваат на меѓународните тениски турнири, но ќе мора да играат под неутрални симболи, без знамиња и химни, до понатамошно известување“, се вели во соопштението.

АТП и ВТА претходно го откаж Купот на Кремљ, кој беше закажан за октомври, а Меѓународната тениска федерација го суспендираше членството на Тениската федерација на Русија и Тениската федерација на Белорусија во нејзините органи.

Рускиот тенисер Данил Медведев е новиот најдобро рангиран играч во светот. Тој од овој понеделник е на првата позиција од АТП листата со 8615 бодови, 150 повеќе од Србинот, Новак Џоковиќ.

Промената во врвот на светскиот тенис беше очекувана после завршувањето на Австралија Опен, каде досегашниот број еден, Џоковиќ не учествуваше поради добро познатите причини, додека Медведев успеа да стигне до финалето на турнирот.

Шпанскиот тенисер, Рафаел Надал, е победник на АТП турнирот во Акапулко, Мексико. Тој во финалето беше подобар од Британецот Камерон Нори кој го совлада со 2:0, по сетови 6:4, 6:4.

Веднаш по дуелот, Надал не го криеше задоволството од освојувањето на трофејот и ги сподели импресиите од турнирот.

„Акапулко одсекогаш било специјално место за мене. Енергијата која доаѓа од мексиканските фанови е неверојатна. Имав неколку тешки моменти во финалето, но успеав да ги добијам двата сета. Презадоволен сум од победата и оваа титула е многу важна за мене“, изјави Надал.