Новак Ѓоковиќ не игра на Мастерсите во Индијан Велс и Мајами
затоа што не доби дозвола за влез во САД, а на терените ќе се врати

дури во април.
Негов следен турнир ќе биде Мастерсот во Монте Карло, кој ќе почне
на 8 април и тоа е турнир кој го освоил само двапати во неговата
кариера.
Ѓоковиќ го освои трофејот во 2013 и 2015 година во Монако, по што
следеше големиот „пост“ и сега ќе се обиде да го прекине.
Засега не е познато дали во Монте Карло ќе настапи Рафаел Надал,
кој е рекордер со 11 титули на турнирот.

Властите во Соединетите Американски Држави одбија да му дадат дозвола на српскиот тенисер Новак Ѓоковиќ да влезе во оваа земја бидејќи не е вакциниран.

Претходно, Ѓоковиќ официјално побара медицинско изземање бидејќи има прележано коронавирус, и според најавите оваа забрана за влез во САД ќе биде укината во месец мај. Меѓутоа и покрај овај факт , најдобриот светски тенисер и официјално се повлече од жребот за Мастерс турнирот во Индијан Велс.

Освојувачот на 22 Грем слем турнири, во петокот беше поразен во полуфиналето од турнирот во Дубаи, а на Мастерсите во Индијан Велс и Мајами нема учествувано од 2019.година.

Борис Бекер излезе од затвор на крајот на 2022-ра година и се врати во родната Германија, па сега како слободен човек може да ужива во сите погодности кои ги има како поранешен врвен тенисер.

Легендарниот Германец мина низ најтешкиот период во животот и сега се уште се рехабилитира од затворските денови кои ги мина во Англија, а за време на кои добил огромна поддршка од својот пријател.

Бекер открива дека Новак Ѓоковиќ направил нешто што сега прави засекогаш да биде дел од неговото семејство, бидејќи додека тој бил во затвор, Србинот буквално ги издржувал неговите најблиски.

„Ѓоковиќ беше мој пријател, но сега е дел од моето семејство после тоа што го направи. Новак ме поддржа мене додека бев во затвор, тој буквано го издржуваше моето семејство. Плачев во завтор кога го освои Вимблдон и останатите турнири минатата година. Горд сум што еден од најголемите на сите времиња е дел од мене. Сите знаете дека јас и Новак имавме долгогодишна соработка, а прекинавме спогодбено во 2016-та година. Сепак, секогаш останавме блиски, а посебно за време на мојот притвор“, открива Бекер.

Вториот светски рекет, Карлос Алкараз е победник на турнирот во Буенос Аирес. Тој синоќа во финалето по 94 минути игра го совлада 12. светски тенисер Британецот Камерон Нори со 6-3, 7-5.

Така тенисерот од Мурсија на својот прв турнир по четиримесечна пауза стигна до пехарот, а покрај 250 поени заработи и чек од 95.305 долари. Ова беше негов прв пехар во сезоната и вкупно седми во кариерата.

Новак Ѓоковиќ денес ја започна својата 376-та недела на врвот на АТП листата. Ѓоковиќ продолжи да го зголемува сопствениот рекорд во машкиот тенис по бројот на недели поминати на врвот на светскиот тенис.

Тој се врати на првото место пред две недели, откако ја освои десеттата титула на Австралија опен и во исто време стигна до својот 22. Грен слем трофеј.

Новак следниот понеделник ќе го израмни апсолутниот рекорд по број на недели на првото место, кој го држи поранешната германска тенисерка Штефи Граф со 377 недели на чело на ВТА листата. Јасно е и дека Србинот за две недели ќе стане апсолутен рекордер, бидејќи нема шанси некој да го престигне. На првото место Новак има 7070 бодови што е за 340 повеќе од младиот Шпанец Карлос Алкараз кој ќе игра на АТП турнирот во Буенос Аирес. Тој турнир е од серијата 250, па и да го освои, првото место на Новак нема да биде загрозено.

Јибинг Ву стана првиот тенисер од Кина кој освоил АТП титула. Ву го освои турнирот во Далас од серијата 250 во Далас.

Кинескиот тенисер ја доби драмата со домашн9от тенисер Џон Изнер. Во мечот немаше ниту еден брејк, Изнер забележа 44 ас сервиси, Ву спаси четири меч топки и на крајт победи со 6:7 (4), 7:6, (3), 7:6 (12).

Во, го освои јуниорскиот Ју-ес опен во сингл и дубл во 2017 година, важеше за голем талент, но поради разни повреди не играше од март 2019 до јануари 2022.

Поранешната американска тенисерка Серена Вилијамс ја најави можноста за нејзино враќање на теренот.

42-годишната легендарна тенисерка која се повлече од официјалните натпревари минатата година после УС Опен, изјавува дека нејзиниот татко, Ричард Вилијамс, инсистирал таа повторни да се врати на тенискиот терен.

„ Мојот татко ми вели: Серена мораш да одиграш уште еден или два грен слем турнири, а мојот одговор е дека јас повеќе не се гледам на така важни турнири, но би можела да продолжам да тренирам. Понекогаш чувствувам олеснување кога ќе го погледнам тенискиот терен, бидејќи сум среќна на фактот дека не морам да тренирам секој ден по два часа“, изјавува легендарната тенисерка.

Серена истакнува дека и недостига играњето тенис, но во исто време чувствува презаситеност поради фактот што буквално целиот свој живот и го посвети на овај спорт. Таа во својата кариера има освоено 23 грен слем турнири.

Српскиот тенисер Новак Ѓоковиќ од денес и официјално е повторно прв светски тенисер на АТП листата.

Тој на првото место се врати за прв пат од јуни минатата година, откако во неделата го освои својот десетти трофеј на Австралија опен, совладувајќи го во финалето Гркот Стефанос Циципас со 3:0 во сетови.

Ѓоковиќ сега е на врвот од табелата со 7.070 бода, односно има 340 бода предност пред второпласираниот Карлос Алкараз од Шпанија, додека трет е Циципас со 6.195 бодови.

Српскиот тенисер, Новак Ѓоковиќ, најави дека е среќен поради новото финале на Австралија опен, и потенцира дека е подготвен 110 отсто.

Ѓоковиќ во полуфиналето на грен слем турнирот во Мелбурн, го победи Американецот Томи Пол со 3:0 во сетови и ја запиша својата 27.последователна победа на Австралија опен.

„Се чувствувам одлично, и подготвен сум 110 %. Стефанос, се гледаме во финалето. Секако, не можеш да бидеш свеж како на почетокот од турнирот, но вложивме многу во подготвителниот период за да бидеме доволно добри доколку одиграме меч од пет сета“, порачува Ѓоковиќ.

За Новак ова ќе биде 10.финале на Австралија опен, и тој нема доживеано пораз на претходните девет. Финалето против Гркот Стефанос Циципас е закажано за во недела од 9:30 часот.

Српскиот тенисер Новак Ѓоковиќ, испиша нова историја на Австралија опен. Со победата над Американецот Томи Пол во полуфиналето од турнирот, Ѓоковиќ го забележа својот 27. последователен триумф на првиот Грен слем годинава.

Новак Ѓоковиќ е тенисерот со најдолгата низа на победи во Мелбурн, надминувајќи го рекордот на Андре Агаси кој во периодот од 2000. до 2004.година забележа 26 последователни победи.

Србинот во недела ќе го одигра своето десетто финале на Австралија опен, а досега славеше победа на претходните девет.