Австралиските власти и ја укинаа визата на чешката тенисерка Рената Ворачова и ја одведоа во истиот имиграциски хотел во кој се наоѓа и најдобриот светски тенисер Новак Ѓоковиќ., јавија денеска светските агенции.

Ворачова (38) пристигна во Австралија во декември и веќе настапи на турнир во Мелбурн, но во текот на вчерашниот ден била приведена од австралиските погранични служби и пренесена во хотелот „Парк“.

На тенисерката и било соопштено дека треба веднаш да ја напушти Австралија, меѓутоа Ворачова, како и Ѓоковиќ, има право на жалба. Таа влегла во Австралија со медицинска потврда дека е ослободена од вакцинирање врз основа на прележан коронавирус.

Директорот на Австралија Опен, Крег Тили, деновиве објави дека вкупно 26 луѓе поврзани со грен – слем турнирот во Мелбурн се пријавиле за медицинска потврда со која се изземат од обврската за вакцинирање и оти им било одобрено само на неколкумина, без да наведе за кого станува збор.

Рафаел Надал порача дека Новак Ѓоковиќ мора да се соочи со последиците поради тоа што донел одлука да не се вакцинира.

Ѓоковиќ добил „медицински исклучок“, но властите во Австралија не му дозволуваат да влезе во земјата поради не доволно силните докази дека не смее да се вакцинира. Така Ѓоковиќ остана без виза и во овие моменти престојува во хотелот „Парк Ројал“ кој е наменет за азиланти од различни делови од светот.

„Немам мислење за тоа. Мислам дека ако сакаше ќе играше во Австралија без проблеми. Донесе некои свои одлуки, секој е слободен да носи одлуки по негово лично убедување, но мора и да биде спремен да ги сноси последиците“.

„Секако дека не ми се допаѓа ситуацијата. Не некој начин и ми е жал. Сепак, истовремено, тој ги знае условите од пред неколку месеци“, изјави Надал.

На социјалните мрежи се појави и првата снимка од Ѓоковиќ во хотелот.

Американската тенисерка Венус Вилијамс нема да се пријави за специјалната покана на Австралија Опен, јавуваат австралиските медиуми.

Веќе е познато дека Серена Вилијамс нема да биде на турнирот поради повреда, па славните сестри првпат по 25 години ќе го пропуштат натпреварувањето во Мелбурн.

Серена Вилијамс седум пати ја освојуваше титулата во Мелбурн, додека Венус двапати беше поразена во финалето од нејзината помлада сестра, пренесе Танјуг.

Турнирот во Мелбурн е на програмата од 17 до 30 јануари 2022 година.

Шпанскиот тенисер Рафаел Надал тренираше во својата академија, откако по 10 дена излезе од карантин.

Надал по турнирот во Абу Даби дозна дека е заразен со Kовид, а сега се врати и на терен, па шпанските медиуми најавија дека ќе игра во Австралија.

Тој ги извести организаторите на подготвителниот турнир од АТП серијата 250 во Мелбурн дека ќе игра како што претходно планирал.

Првиот Грен слем во сезоната Австралијан опен е закажан од 17 јануари и наскоро се очекува официјално потврда дека Надал ќе настапува.

Првиот светски рекет, Новак Ѓоковиќ е прогласен за спортист на Балканот за 2021 година во изборот организиран од Бугарската новинска агенција (БТА).

Србинот, по рекорден седми пат се најде на првото место во 48-от избор на најдобар балкански спортист. Претходно Ѓоковиќ ја освои наградата пет пати во низа 2011 до 2015 година и во 2019 година.

Во гласањето учествуваа новинари од десетте национални агенции од регионот: МИА, БТА, АГЕРПРЕС, АА, АНА-МПА, АТА, ТАНЈУГ, МИНА, ФЕНА и ХИНА.

Шампионот на Австралија опен, Ролан Гарос и Вимблдон доби 83 од можни 100 поени. Втор со 56 поени е грчкиот кошаркар Јанис Антетокунмпо, шампион во НБА со Милвоки, МВП во финалето на НБА и стартер на НБА Ол старс натпреварот. Трет со 48 бодови е грчкиот атлетичар Милтијадис Тентоглу, олимписки и европски шампион во скок во далечина.

Од македонските спортисти, најдобропласиран е таеквондистот Дејан Георгиевски кој е на делба на 17. место со српската одбојкарка Тијана Бошковиќ.

Тенисерот  број 1 во светот, Новак Џоковиќ, е избран за најдобар спортист во Европа.

Изборот го вршат 64 новински агенции од Европа, а е организиран од Полската национална агенција.

За Џоковиќ ова е четврт пат како го добива престижното признание. Претходно тој беше победник на изборот во 2011, 2015 и 2018 година. 

Тој наградата ја доби со 172 поени, а зад него на листата се најдоа Роберт Левандовски со 133 поени и Ф1 шампионот, Макс Ферстапен со 125 поени.

Вакцинирани против коронавирус се вкупно 95 од 100 најдобро рангирани светски тенисери, изјави првиот човек на АТП Тур, Сајмон Хигсон.

Извршниот директор на АТП Тур наведе на Твитер дека само пет играчи од Топ 100 најдобри не примиле вакцина против Ковид-19, без да го наведе нивниот идентитет.

„Нашите најнови бројки за првите 100 (тенисери) се 95 отсто“, напиша Хигсон на својот Твитер профил.

Прашањето околу вакцинирањето во светскиот тенис стана тема број еден со наближувањето на Грен-слем турнирот Австралија Опен на кој тенисерите за настап мораат да бидат вакцинирани.

Тенисерот од Канада, Милош Раониќ, нема да учествува на Австралија опен. Неговото место го главната ждрепка ќе го заземе шпанскиот тенисер Карлос Табернер.

Раониќ поради повредите кои го мачат подолго време, минатата сезона го пропушти учеството и на Ролан Гарос, Вимблдон, УС опен и Олимписките игри.

Последен турнир на кој учествуваше беше оној во Атланта кој се одржа минатиот јули, а севкупно во 2021 година има одиграно само 12 меча.

Австралија опен е единствениот гренд слем на кој Раониќ зеде учество минатата сезона и тогаш успеа да стигне до четвртото коло каде беше поразен од Новак Џоковиќ.

Аранча Санчез Викарио, некогаш прва тенисерка на светот, е во големи финансиски проблеми.

Според „Тенишед“, таа се соочува со тужба која може да заврши со одлука за долгорочна затворска казна.

Должи 5,2 милиони евра на Банката на Луксембург на име даноци што никогаш не ги платила. Порталот пренесува дека Аранча и нејзиниот сопруг Хосеп Сантана имале план да го заобиколат плаќањето на данокот на доход. Се започнало кога Санчез Викарио излезе во јавноста со приказната дека била изманипулирана и дека во текот на нејзината кариера родителите се грижеле за сите аспекти од нејзиниот живот, вклучувајќи ги и финансиите.

Инаку, Санчез Викарио на 18 декември го прослави својот 50-ти роденден.

Поранешниот светски тенисер број еден, Енди Мареј, доби специјална покана за учество на овогодинешниот Австралија опен.

За Мареј ова ќе биде прво учество во Мелбурн уште од 2019 година, кога соопшти дека е можно тој турнир да биде последен во неговата кариера.

„Чувствувам возбуда поради моето враќање на Австралија опен. Во минатото имав прекрасни моменти играјќи пред одличната публика во Мелбурн и нестрплив сум да повторно да излезам на теренот“, изјави тенисерот.

Директорот на турнирот во Австралија изјави дека популарната „вајлд карта“ за тенисерот од Шкотска не бил тежок избор, бидејќи Мареј е познат по својот борбен дух, страст и љубов кон тенисот.

34-годишниот Мареј досега пет пати бил финалист на Австралија опен. Четири пати загуби од Новак Џоковиќ а еднаш од Роџер Федерер.