Тинејџерската шампионка на УС Опен, Ема Радукану, е избрана за спортска личност на годината на „Би-Би-Си“ за 2021 година.

Радукану, која тогаш имаше 18 години, стави крај на 44-годишното чекање на Британија за шампионка во поединечна конкуренција на Грен слем за жени со нејзината извонредна победа на „Флешинг Медоус“.

Таа победа ја пласираше до четвртото коло на Вимблдон во јули на нејзиното деби на главниот ждреб на Грен слем.

Во јавното гласање, нуркачот Том Дејли се пласираше на второто место, а пливачот Адам Пити беше трет. Напаѓачот на Манчестер Сити и Англија, Рахим Стерлинг, боксерот, Тајсон Фјури, и најуспешната британска параолимпијка, Сара Стори, исто така, беа во потесниот избор за главната награда.

Германскиот тенисер Александар Зверев во медиумите ги кажа своите цели и очекувања за 2022 година.

Тој се надева дека во годината што следи ќе ја освои првата грен слем титула во кариерата и дека ќе стане најдобар тенисер на АТП листата.

Зверев во моментов е трет тенисер на светот. Пред него се Русинот Медведев и Новак Џоковиќ. Германецот во сезоната што измина освои 6 титули меѓу кои е и златото на Олимписките игри во Токио.

„Не сум истиот играч од пред неколку години. Созреав и научив да се носам со тешкотиите со што станав и подобар тенисер. Имам две цели кои ги немам остварено, освојување на грен слем и прво место на АТП листата. Се надевам дека тоа ќе го остварам веќе во Австралија. Ако сам не веруваш во себе, тогаш кој друг ќе верува“, изјави Зверев.

Енди Мареј беше првиот противник на Рафаел Надал на официјален меч по долгата пауза од терените, меч во Абу Даби кој му припадна на Шкотот со 2-0 во сетови.

Британецот победи 6-3, 7-5, а по истиот имаше што да каже за Надал со кого има водено многу тениски битки низ изминативе 15 години.

„Отсекогаш сум зборувал за тоа колку сакам да го гледам Рафа кога е на теренот. Тој е брилијантен модел, не само за сите други играчи кои треба да се угледаат на него, туку како некој кој постојано е во очите на јавноста.

Рафа и Рожер добро се носат на теренот, високо ја кренаа летвичата, ќе биде многу тешко другите играчи да стигнат до нив. И двајцата се големи личности, иако се различни, но помогнаа овој спорт да се доведе на сосема поинакво ниво. Кога ќе ја завршат кариерата, ќе биде тежок момент за тенисот. Ќе се крене, но нема да биде лесно да се заменат. Сите љубители на тенисот треба да уживаат додека се уште играат, бидејќи тоа нема вечно да трае“, заклучи Мареј.

Поранешниот најдобар светски тенисер, Рафаел Надал, по точно 133 дена повторно се врати на тенискиот терен.

Тој настапи на егзибицискиот турнир во Абу Даби каде загуби од уште еден поранешен тениски шампион, Енди Мареј со 3:6, 5:7 во сетови.

Со овој настап Надал ги започнува подготовките за негово враќање во посакуваната форма пред учеството на Грен слем турнирот во Австралија.

Чешката тенисерка, Каролина Плишкова, нема да учествува на Австралија Опен. Таа го откажа настапот на гренд слем турнирот поради заработена повреда.

Плишкова, која моментално е рангирана на четвртата позиција од ВТА листата, веста за неиграњето и нејзината повреда ја сподели на социјалните мрежи. Информацијата подоцна ја потврди и организаторот на турнирот кој се одржува во Мелбурн.

Каролина Плишкова оваа сезона беше финалист на Вимблдон но загуби од Австралијанката Барти. Најголем успех на Австралија Опен и е играњето во полуфиналето во 2019 година.

Најдобриот светски тенисер, Новак Џоковиќ, одвои дел од периодот кога е надвор од тенискиот терен и беше дел од публиката на натпреварот од кошаркарската Евролига помеѓу екипите на Црвена Звезда и Барселона.

Публиката во спортската сала „Александар Николиќ“ многу бучно ги бодреше своите кошаркари кои во равноправна игра загубија од гостинот Барселона со 69:76.

Џоковиќ пријатно изненади со неговото страствено навивање за „црвено-белите“ за што доби огромен аплауз од навивачката група „Делије“ како и од сите присутни на натпреварот.

Аргентинскиот тенисер Хуан Мартин Дел Потро е блиску до враќање на тениските терени.

Тој две и пол години нема учествувано на ниту еден тениски турнир поради повреда која можеше да значи и крај на неговата играчка кариера. 

Популарниот Делпо објави видео снимка на својот инстаграм профил на која повторно тренира и најверојатно ќе се врати на тениските терени на почетокот од месец март.

Дел Потро е поранешен освојувач на УС Опен а најдобар пласман на АТП листата го имаше во 2018 година кога беше на третата позиција. 

Австралијката Ешли Барти и Јапонката Наоми Осака по подолга пауза ќе се вратат на тениските турнири кои во јануари ќе се играат во Австралија, објавија организаторите во Аделаида и Мелбурн.

Најдобрата светска тенисерка Барти паузира од елиминацијата во третото коло на Ју Ес Опен во септември, но иако предвреме ја заврши годината, Австралијката освои пет турнири, меѓу кои и Вимблдон, а го задржа и лидерското место на ВТА листата. Организаторите во Аделаида го потврдија нејзиното учество на турнирот од 2 до 9 јануари.

Јапонката Осака, која минатата сезона падна на 13 место на ВТА листата по низа психолошки проблеми, ќе учествува на турнирот во Мелбурн од 3 до 9 јануари, кој е подготовка за Австралија Опен (17 јануари). Покрај Осака, која е бранителка на титулата во Австралија Опен, во Мелбурн ќе настапат и победничката на Ју Ес Опен, Ема Радукану и Симона Халеп.

Седумкратната шампионка на Австралија опен, Серена Вилијамс, одлучи да не учествува на првиот Грен Слем за 2022 година.

„Oва не е лесна одлука, но јас моментално не сум таму каде што треба да бидам, пред се физички, за да се натпреварувам. Мелбурн е еден од моите омилени градови за посета и со нетрпение очекувам да играм во Австралија опен секоја година“, напиша 40-годишната Американка.

Вилијамс е надвор од терените од јуни 2021 година.

Поранешната француска тенисерка Амели Морезмо е нов директор на турнирот во Ролан Гарос, објавија од федерацијата.

Тоа ќе биде за првпат во историјата дама да биде на чело на престижниот Грен Слем. 42-годишната Морезмо е поренашна најдобра тенисерка во светот, а на позицијата доаѓа на местото на Ги Форже кој ќе си замине на крајот на актуелната година.

Досега Морезмо работеше како тренер на неколку тенисери, а меѓу нив беа Енди Мареј и Викторија Азаренка.