Светскиот рекет број 1 во моментов Новак Ѓоковиќ ќе може да ја брани титулата на Вимблдон по информациите кои доаѓаат од Островот. Британската влада најави нови правила за влез во земјата, според кои невакцинираните лица ќе можат да влезат во неа од 11 февруари па натаму.

Секако, треба да се види како понатаму ќе се развива ситуацијата до крајот на јуни, кога на терените на „Ол Ингланд“ клубот започнува третиот Грен слем турнир во сезоната.

Засега Грант Шапс, државниот секретар за транспорт во британскиот парламент најави дека правилата се либерализираат.

„Оние кои ќе дојдат овде ќе мора да направат тест пред да влезат во Англија и два дена по влегувањето во земјата. Сите патници ќе треба да ги пополнат потребните формулари“, рече Шапс, кој смета дека неговата земја ќе биде една од најотворените во Европа поради претходните мерки.

Дури и Данил Медведев или Александар Зверев да победат на Австралија опен, Новак Ѓоковиќ ќе остане прв на светската листа – но само до 21 февруари.

Во образложението на ситуацијата по првиот Гренд слем годинава, се објаснува дека овој турнир се играл подоцна од вообичаено минатата година, дека завршил на 21 февруари, па тој ден тие бодови ќе излезат од компјутерот.

Како и обично, АТП е многу скржав на објаснувања, но може да се претпостави дека Новак би можел да ја одбрани првата позиција на светската листа доколку во меѓувреме реши да игра некои турнири на кои би можел да заработи нови бодови.

Но, со оглед на тоа што во тој период има помали натпреварувања, најмногу серијата 250 и само серијата 500 во Ротердам, не е сигурно дека ќе се одлучи на тој потег. Ѓоковиќ изјави дека нема да дава изјави до крајот на Австралија опен, а дури во иднина ќе бидат познати неговите понатамошни планови.

Ѓоковиќ ќе се жали за изгубен приход од парични награди за спортски настап, плаќања за спонзорство, како и морална штета за незаконски притвор и малтретирање.

Точно, сè уште не е сосема јасно на кој суд ќе се обрати спортистот, бидејќи нема толку многу структури во светот што можат да ја повикаат целата држава на одговорност, особено надвор од Европа.

На 5 јануари, Ѓоковиќ беше приведен на аеродромот во Мелбурн поради прекршување на визните прописи и влез во Австралија без вакцинација против ковид. Новак беше сместен во хотел за оние кои чекаат депортација, но четири дена подоцна беше ослободен и му беше дозволено да тренира.

На 14 јануари повторно беше издадена наредба за негова депортација, во врска со фактот дека присуството на ѕвезда антиваксер во земјата се заканува со масовни немири. Обидите на тенисерот да ја оспори оваа одлука на суд беа неуспешни, тој ја напушти Австралија и не можеше да учествува на Грен слемот во Мелбурн.

Депортирањето на Новак Ѓоковиќ од Австралија може сериозно да се одрази на бројните спонзорства на најдобриот светски тенисер.

Ѓоковиќ долго време го брендира Лакост, а тоа е неговиот најисплатлив маркетиншки договор, кој неодамна беше обновен. По се што се случи во Мелбурн, компанијата најави дека ќе разговара со српскиот тенисер.

„Што е можно поскоро, ќе го контактираме Новак за да ги разгледаме настаните што го придружуваа неговото присуство во Австралија“, соопштила компанијата „Лакост“, а пренесува Бен Ротенберг.

Лакост му носи на Ѓоковиќ сериозна сума на годишно ниво, а во 2021 година од спонзори инкасирал близу 30 милиони долари, според информациите на Форбс.

Рафаел Надал лесно се пласираше во второто коло на Австралија опен, откако на првиот ден на првиот Грен Слем годинава го совлада Американецот Маркос Жирон со 6-1, 6-4, 6-2.

Во моментов шестиот тенисер во светот цели кон рекордната 21. Грен слем титула, а работата уште повеќе му е олеснета откако деветкратниот шампион на Австралија опен, Новак Ѓоковиќ, вчера беше депортиран од Австралија, откако му беше одбиена жалбата за визниот режим.

На стартот на турнирот, победа и за седмиот носител, Италијанецот Матео Беретини, кој го победи Американецот Брендон Накашима со 4-6, 6-2, 7-6, 6-3. Пласман во следното коло обезбедија и Французинот Гаел Монфис, кој беше подобар од Аргентинецот Федерико Корија и Шпанецот Пабло Карењо, кој славеше против Аргентинецот Томас Мартин Ечевери со 6-1, 6-2, 7-6.

Најдобриот светски тенисер Новак Ѓоковиќ кој го загуби случајот пред Федералниот суд на Австралија и беше депортиран од таа земја, пристигна во Дубаи.

Според австралискиот закон, Ѓоковиќ нема да може да добие виза за влез во земјата во следните три години, но премиерот Скот Морисон тврди дека казната може да биде скратена под „соодветни околности“.

„Казната е за период од три години, но постои можност тој да се врати под одредени околности, а таквото барање ќе биде разгледано кога ќе дојде време“, изјави Морисон за австралиското радио 2GB.

Според австралискиот закон, укинувањето на тригодишната забрана за виза е можно доколку „постојат убедливи причини или оние кои предизвикуваат сочувство. Ваквиот развој на настаните ќе му овозможи на Ѓоковиќ следната година да настапи на Австралија опен. Ѓоковиќ пристигна во Дубаи во понеделникот наутро по локално време, а на аеродромот беше фотографиран со маска на лицето, како носи две торби. Засега не е познато која е неговата крајна дестинација.

Најдобриот светски тенисер, Новак Ѓоковиќ, ноќеска го загуби спорот пред Федералниот суд на Австралија, со што и официјално влезната виза му е добиена и сега, што поскоро, мора да ја напушти земјата, соопштено е утринава по неколкучасовната судска расправа.

Одлуката на судскиот совет била едногласна, а во текот на денот или утре таа детално ќе биде образложена.

Ѓоковиќ дефинитивно нема да ја брани титулата на Австралија опен, а голема е веројатноста поради тоа да го загуби првото место на АТП листата.

Новак Ѓоковиќ ја чека разврската по новото укинување на визата од Министерот за емиграција на Австралија. Случајот сега е префрлен во Сојузниот суд на Австралија, а Ѓоковиќ вечерва од 22 часот по средноевропско време, сабота наутро по локално време во Мелбурн, ќе оди да дава исказ пред имиграционите власти.

Мислењата се поделени за случајот во светот на тенисот, а украинскиот тенисер Илја Марченко, вели дека другите тенисери се плашат да го поддржат Ѓоковиќ.

„Правилата се исти за сите, а потоа губат на сопствениот суд. Тука не запираат, па наоаѓаат причина за повторно да му ја поништат визата. Како да зборуваме за исти правила за сите? Заборавив, наскоро се ближат избори во Австралија. Држи се, Новак. Останатите тенисери се во страв да не им ја укинат визата, па затоа не го поддржуваат Ѓоковиќ“, кажа Марченко.

Австралискиот судија Ентони Кели изјави дека српскиот тенисер Новак Ѓоковиќ нема да биде депортиран од Мелбурн додека не се заврши жалбата за укинување на визата и оти случајот сега е префрлен на Сојузниот суд на Австралија.

Како што прецизираше судијата на рочиштето, Ѓоковиќ вечерва во 22 часот по средноевропско време (сабота наутро по локално време) во Мелбурн ќе разговара со имиграциските власти, а дотогаш нема да биде во миграциски притвор.

По сослушувањето Ѓоковиќ ќе биде одведен во миграциски притвор, до новото сослушување кое е закажано за недела.

Неговиот адвокат Ник Вуд изјави дека е загрижен за безбедноста на светскиот тенисер број еден доколку биде објавено местото каде што ќе биде во притвор, како и медиумскиот циркус што може да се случи.

Конечната одлука ќе биде позната во недела, 24 часа пред почетокот на Гренд слем турнирот во Мелбурн.

Португалскиот тенисер Жоао Соуса го нарече Новак Ѓоковиќ помалку себичен поради одлуката да пристигне на Австралија Опен невакциниран против коронавирусот и додаде оти тоа е тешко да се прифати.

Соуса наведе дека другите тенисери се лути бидејќи Ѓоковиќ ги избегнал правилата и оти се испраќа лоша порака што тој е единствениот невакциниран тенисер на Австралија Опен.

„Ја почитувам неговата борба за своите уверувања и имам емпатија за сè што минува во Австралија, но помалку е себичен таквиот однос кон колегите. Себично е од него да дојде тука како единствен невакциниран играч, Многумина од нас, не и јас, не сакавме да се вакцинираме, но моравме да го направиме тоа за да играме. Такви се правилата, а тој ги заобиколи правилата и е единствен, кој не се вакцинираше. За нас останатите играчи тоа е тешко да се прифати, иако разбирам дека тој ги брани своите идеали“, изјави Соуса.