Грчкиот тенисер Стефанос Циципас објави дека ја прекинал соработката со тренерот Горан Иванишевиќ.

„Работата со Горан Иванишевиќ траеше кратко, но интензивно и навистина е вредно поглавје во мојот живот. Благодарен сум за времето, трудот и енергијата што ми ги посвети.

Нашите патишта се разделуваат и немам ништо друго освен почит кон Горан. Не само за неговите достигнувања во тенисот, туку и за неговите човечки квалитети“, напиша Циципас на социјалните мрежи.

Циципас и Иванишевиќ започнаа соработка на 29 мај.

Педесет и тригодишниот Иванишевиќ, работеше со Новак Ѓоковиќ од 2019 до 2024 година. Тој ги тренираше и Марин Чилиќ, Томаш Бердих, Милош Раониќ и Елена Рибакина.

Циципас е рангиран на 29. место на АТП ранг-листата.

Четири македонски тенисери и тенисерки (две девојчиња и две момчиња) се учесници на Европското првенство до 14 години што се одржува во Мост, Чешка. Во машка конкуренција настапуваат Марко Алексовски и Алексеј Стојановски, додека кај девочињата настап имаат: Деа Крстевска и Ивана Божиновска.

На стартот од шампионатот Марко Алексовски оствари победа против Ник Вирц од Лукесмбург со убедливи 2-0 (6-1, 6-2), додека во следната рунда во третото коло во неизвесен меч е елиминиран од петтиот носител Лоренс Драјвер од Холандија со 2-0 во сетови (6-2, 7-6). Алексеј Стојановски во првиот меч дожеа пораз од 2-0 во сетови од Алексндар Бисеров од Швајцарија.

Кај девојчињата Божиновска и Крстевска беа слободи на стартот, а во следната рунда претрпеа порази. Крстевска загуби со 2-0 во сетови од Марија Магро, додека Божиновска беше поразена од Викторија Хомутова од Летонија со истиот резултат.

Стојановски како и двете тенисерки Крстевски и Божиновска продолжуваат со мечевите на утешниот турнир. Од нив во првата рунда ќе настапи само Крстевска која за протвничка ја има тенисерката од Италија, Викторија Лантерни Монако, додека Стојановски и и Божиновска се слободни. Алексовски поради победата во второто коло нема право на настап на утешниот турнир.

Во конкуренција на двојки Алексовски и Стојановски ќе играат против тенисери од Грузија, додека Божиновска и Крстевска за противнички имаат тенисерки од Словачка. Двата меча во конкуренција на двојки се закажани за денеска, но подоцна на програмата, слично како и мечот на Крстевска на утешниот турнир.

Настапот на Европскиот шампионат е корисно за секој од младите македонски тенисери особено што имаат можност покрај мечевите на терен да добијат и меѓународно искуство со присуството на настанот, но и да почувствуваат настап во репрезентативниот дрес на Македонија. Но не е само тоаимаат и заеднчки дружби надвор од тениските терени и секако можност за нови пријателства.

Во улога на селектор со оваа генерација тенисери и тенисерки е Владимир Чубриновски.

Венус Вилијамс стана втората најстара тенисерка со победа на ВТА во историјата.

Американската тенисерка доби посебна покана за турнирот во Вашингтон и на 45-годишна возраст ја победи Пејтон Стернс, 35-та тенисерка во светот.

Вилијамс лесно ја победи својата сонародничка, резултатот беше 2:0 (6:3, 6:4).

Американската тенисерка стана втората најстара тенисерка со победа на ВТА. Рекордот сè уште го држи Мартина Навратилова, која на 47-годишна возраст забележа победа на Вимблдон во 2004 година.

Македонскиот тенисер Калин Ивановски со изборениот настап преку квалификациите на Челинџер 125 турнирот во Сан Марино успеа да напредува на АТП листата. Тој на денешното рангирање бележи скок од 60 места и се наоѓа на 793.то место на листата откако успеа да „впише“ пет нови поени и сега има вкупно 29. Горазд Србљак се наоѓа на 1442.то место и има пад од 96 позиции со 4 поени.

Во конкуренција на двојки Обрад Марковски со 12 поена се наоѓа на 1522.то место.

Кај жените Лина Ѓорческа има вкупно 215 поени и се наоѓа на 307.то место на ВТА листата што значи напредок за осум позиции, додека во конкуренција на двојки Ѓорческа е на 550.то место. Магдалена Стоилковска пак има пад за 15 позиции, со четири поени и се наоѓа на 1422.то место.

Светскиот рекет број 1, Јаник Синер, и 24-кратниот гренд-слем шампион Новак Ѓоковиќ се повлекоа од турнирот „Нешнел банк опен“ во Торонто, околу една недела пред неговиот почеток, соопштија организаторите во неделата. Двајцата тенисери како причина ги навеле своите повреди, објави Спортс илустрејтед.

Од турнирот се откажа и Џек Дрејпер, моментално петти на светската ранг-листа, кој во неделата ја објави својата одлука преку социјалните мрежи.

Синер, кој доаѓа со титула од Вимблдон, ја повредил десната подлактица за време на четвртото коло на турнирот, додека, пак, Ѓоковиќ се справува со проблем во препоните. Од друга страна, Дрејпер има проблем со левата рака, поради што ќе го пропушти и Мастерсот во Синсинати.

Ѓоковиќ досега четирипати го има освоено турнирот во Торонто, а Синер ја освои својата прва титула токму таму, во 2023 година.

Со откажувањето на Синер и на Ѓоковиќ, водечка улога кај мажите ќе имаат Карлос Алкараз од Шпанија и Александар Зверев од Германија. Кај жените, во Монтреал, главни ѕвезди ќе бидат Коко Гоф (број 2), Џесика Пегула (број 3) и Ига Швјонтек (број 4). Број 1, Арина Сабаленка, се повлече претходно оваа недела, наведувајќи дека сака да се одмори и да се подготви за УС Опен кон крајот на месецот.

Австралискиот тенисер Ник Кирјос се откажа од турнирот во Вашингтон. Триесетгодишниот Австралиец нема да игра во сингл.

Исто така на турнирот во американската престолнина нема да игра ниту Џордан Томпсон.

Тој и Кирјос ќе бидат заменети во главниот ждреб од Александар Ковачевиќ и Јошихито Нишиока.

Турнирот во Вашингтон ќе се одржи од 21 до 27 јули. Наградниот фонд е 2.4 милиони долари.

Хрватскиот тенисер Лауро Милановиќ беше суспендиран на осум години и казнет со 10.000 долари за сериозни прекршувања на Програмата за борба против корупцијата во тенисот (TACP), објави Меѓународната агенција за интегритет на тенисот (ITIA).

Милановиќ, кој моментално не е рангиран на АТП- листата, се најде во центарот на скандал откако ITIA откри дека уште во 2018 година тој ставил 15 добитни облози на тениски натпревар во кој бил вклучен негов близок соработник. Со тоа, тој директно го прекршил правилото D.1.a од TACP, кое забранува обложување на тениски натпревари.

Кон крајот на 2023 година, кога доби ITIA извештај за неговите постапки, тој негираше какво било местење во текот на сослушувањето, на почетокот од 2024 година. Сепак, тој не дозволи да биде анализиран неговиот мобилен уред, што дополнително ја комплицира истрагата.

Поради неговото континуирано одбивање да соработува, неговите суспензија и казна беа изречени како автоматски санкции. Сепак, тој поднесе жалба до независниот службеник за борба против корупцијата. Доколку не успее жалбата, тој ќе биде надвор од терените до 29 мај 2033 година.

Македонскиот тенисер Калин Ивановски загуби во мечот од првото коло на Челинџер 125 турнирот во Сан Марино. Поуспешен од него беше третиот носител Матео Гиганте од Италија, кој победи со 2-1 во сетови (6-7/10, 6-3 и 6-3) за 100 минути игра.

Ивановски по голема борба го доби првиот сет со 7-6 во тај брејкот 12-10 на поени, а притоа и двајцата тенисери имаа по неколку сет топки. Во вториот сет Гиганте успеа да дојде до предност со брејк, кој Ивановски го врати, но следуваше уште еден брејк и сетот Италијанецот го доби со 6-3 во гемови. Со истиот резултат Гиганте беше поуспешен и во решавачкиот сет за триумф од 2-1 во сетови.

Ивановски за победите во квалификациите и пласманот на главниот турнир ќе добие пет поени.

Турнирот се игра за награден фонд од 181.250 евра.

Германецот Александар Зверев имаше разочарувачки настап на Вимблдон, каде што беше поразен во првото коло, а германскиот телевизиски оператор Sky денеска објави дека 28-годишникот ќе се обиде да напредува во кариерата со помош на семејството Надал.

Новинарот на Sky, Пол Хојзер, објави на платформата X дека Тони Надал би можело да стане нов тренер на треторангираниот тенисер на АТП ранг-листата, а неговиот внук Рафаел Надал ќе учествува во улога на еден вид ментор.

Sky објави снимки од тренинзите што Зверев ги имал со Тони Надал во Академијата Рафаел Надал во Мајорка. Несомнено еден од најталентираните тенисери на својата генерација, 28-годишниот Германец го освои златниот олимписки медал во Токио 2021 година, но ги загуби сите три финалиња на Грен слем турнирите.

Македонската тенисерка Лина Ѓорческа имаше убедлив старт на Челинџер турнирот во Рим 125 што се игра за награден фонд од 100.000 евра. Таа вечерва во првото коло ја совлада Лаура Пигоси од Бразил со 2-0 во сетови (6-1 и 6-1) за 87 минути игра.

Македонската тенисерка во првиот сет имаше одличен почеток и поведе со 4-0 во гемови, а потоа ривалката освои еден гем, за Ѓорческа да го освои сетот со 6-1 и да поведе со 1-0. Во вториот сет по 1-1 во гемови Ѓорческа направи серија од пет гема стигна уште еднаш до 6-1 во гемови и 2-0 во сетови.

Македонската тенисерка во второто коло ќе игра со победничката од мечот меѓу Доминика Салкова (6.носителка, Чешка) и Петра Марчинко (Хрватска).