Видовме бизарни сцени во четвртифиналето на Роланд Гарос во текот на мечот помеѓу Ѓоковиќ и Беретини. Ѓоковиќ славеше со 3:1 и така избори полуфинале со Надал, но необична ситуација се случи во четвртиот сет, кога судијата го прекина мечот откако навивачите на трибините одбија да го напуштат стадионот.

Причина поради која организаторите бараа празнење на трибините е полицискиот час, кој во Париз поради пандемијата на коронавирусот стапува на сила од 23 часот.

Половина час пред стапувањето на полицискиот час, службениот спикер побара од гледачите да ги напуштат трибините, на што тие одговорија со песна. Ни по десетина минути не сакаа да заминат, па мечот беше прекинат во 22.47 часот, додека трибините не се испразнат.

Полицискиот час во Париз стапи на сила, но синоќа во текот на полуфиналето помеѓу Ѓоковиќ и Надал организаторите сепак се одлучија да „замижат“ и да ги прекршат правилата и законите. Одлучија да ги задржат гледачите на трибините, како до крај би можеле да уживаат во еден од најголемите тениски натпревари на земја одигран било кога.

Во моментот кога еден од главните лица на Роланд Гарос прогласи дека нема да мораат да заминат навивачите, низ целиот стадион се слушна громогласно воодушевување.

Руската тенисерка Јана Сизикова е уапсена на Ролан Гарос под сомнение дека местела натпревари.

Полицијата во Париз синоќа ја уапсила Сизикова и русинката е задржана во притвор. Обезбедување на турнирот се обидело да го спречи апсењето на тенисерката кое се случило додека одела на масажа по натпревар.

Истрагата против неа е покрената во октомври минатата година поради тврдења дека натпреварот од првото коло од женската пресметка во двојки е наместен.

Локалните медиуми јавуваат дека Сизикова ги негирала наводите, а нејзиниот адвокат Фредерик Бело за „АП“ истакнал дека 26-годишната тенисерка сака да поднесе жалба поради клевета.

„Ставена е во притвор како криминалец. Таа истакна дека е невина и не сакаше да и помагам за време на испитувањето бидејќи се смета за жртва.“ – истакнал адвокатот на руската тенисерка.

Искусната тенисерка од Чешка, Петра Квитова мораше да го откаже понатамошното учество на францускиот грен слем турнир Ролан Гарос, како последица од повреда добиена од пад на прес-конференција.

Квитова на заминување од средбата со медиумите паднала и го повредила глуждот, а деталните прегледи покажале сериозна повреда, која се санира со мирување и терапија.

Чехињата која славеше во првата рунда од Ролан Гарос ќе влезе во рубриката од „верувале или не“, бидејќи во модерниот спорт прв пат се случува тенисер или спортист посериозно да се повреди на официјална прес-конференција.

Казахстанскиот тенисер Роман Хасанов е суспендиран денеска на десет години поради корупција. Како што соопшти Меѓународниот одбор за интегритет во тенисот (ITA), Хасанов во истрагата се изјаснил за виновен по обвинението за местење или обид за местење тениски натпревари. Одборот не обелодени за колку наместени натпревари од страна на Хасанов и за кои турнири станува збор, наведувајќи само дека тие биле одиграни во периодот од 2014 до 2018 година, кога Казахстанецот го имаше најдобриот пласман на АТП листата како 671 светски тенисер.

Дајана Јастремска е една од најголемите надежи на украинскиот тенис, но нејзината кариера во моментот не напредува, бидејќи на почетокот од годинава беше суспендирана поради позитивен тест на допинг.
Тенисерката која наскоро ќе наполни 21 година во досегашната кариера освои три турнири, а годинава требаше да биде година во која ќе се пробие во самиот тениски врв.
На почетокот од минатата година го оствари највисокиот ранкинг во кариерата, беше 21. тенисерка на светот, но почетокот од годинава и донесе големи неволји, откако беше позитивна на местеролон.
Откако беше суспендирана, изјави дека ќе се бори да ја спаси својата чест, бидејќи знае дека не користела ништо недозволено.
„Кај мене е пронајдено ниско ниво на месторолон. Со оглед на ниската концентрација и негативниот примерок две недели претходно, добив потврда дека позитивниот резултат е опција да биде како резултат на некоја врста на контаминација. Со тоа, известена сум дека оваа супстанција ја користат мажите како лек, односно не се препорачува кај жените поради штетни влијанија.“ – изјави пред пет месеци, а сега тврди дека знае и како недозволената супстанца стигнала до нејзиното тело.
Јастремска е уверена дека е позитивна поради нејзиниот поранешен партнер, кој супстанцата и ја пренел за време на полов однос. Тој тврди дека тоа не е вистина, а напиша и изјава за комисијата која е задолжена за овој случај.
Таткото на украинската тенисерка замоли да се предаде примерок од косата за анализа, но тоа беше одбиено и веќе не се соработува со одбраната на тенисерката. Расплетот на случајот треба да биде познат до крајот на месецот.

Чешката тенисерка, 35-годишната Барбора Стрицова, најави дека си заминува во спортска пензија, додавајќи дека се надева последниот натпревар да го одигра пред публика, но по нејзиното породување во 2022. година.
„Би сакала тоа да биде на Вимблдон, но доколку тоа не е можно, тогаш тоа ќе биде во мојата татковина Чешка.“ – вели Стрицова, која во 2019. година на Вимблдон ја освои титулата во женски парови, а во сингл стигна до полуфинале.
Во кариерата има две титули во сингл конкуренција и 31 титула во парови, додека во 2016. година ја освои бронзата во парови на Олимписките игри во Рио.
Во моментот се наоѓа на 52. место на ВТА листата, а најдобар ранкинг имаше во 2017. година, кога беше 16.

Американката Гејл Фалкенберг испиша историја на ИТФ Фјучрс турнирот во Наполи на Флорида, каде со 75 години заигра професионален тенис.
Фалкенберг се врати на професионалниот тенис по три години пауза, а во првото коло беше поразена од 20-годишната французинка Тифани Пике. Резултатот беше очекуван, два пати по 6:0.
„Играњето тенис ме држи здрава. Играм пет до шест пати неделно и немам тренер. Младите играчи денес се доста подобри од порано, нивото на тенисот страшно напредуваше. Порано, со тенис не се занимаваа толку рано, а сега децата влегуваат во тој свет со пет години.“ – вели Фалкенберг.
Таа на Фјучрс турнири играше и во 2018. години, кога како 71-годишна, успеа да и земе два гејма на 52 години помладата Софи Кернет. Во ветеранските години настапува само на турнири во САД, а најдобриот ранкинг во кариерата го оствари во 1987. година, кога беше на 360. место на ВТА листата.

Организаторите на тенискиот гренд-слем турнир Роланд Гарос излегоа со одлични вести, односно со одлука овогодинешното издание на турнирот да се игра со публика.
„Донесовме одлука капацитетот на трибините да биде исполнет до 35 отсто, или најмногу 1.000 луѓе“, соопшти францускиот министер за спорт Жан Мишел Бланке.
Постои можност Бројката да се зголеми до пет илјади гледачи во четвртфиналните натпревари, но сето тоа зависи од ситуацијата со КОВИД-19 и дали истата ќе биде поволна.
Овогодинешниогт Роланд Гарос треба да стартува на 30. мај, една недела подоцна од првично утврдениот термин.

Организаторите на тенискиот турнир Вимблдон излегоа со неколку информации во врска со организацијата на Грен Слем турнирот оваа година. Најпрво, Вимблдон е планиран да се одржи од 28. јуни до 11. јули.
Капацитетот за седење на трибините ќе биде најмалку 25% и ќе зависи од препораките на Владата, како и од можното олеснување на ограничувањата по 21 јуни.
„Се надеваме дека 25 отсто е минималниот процент што можеме да си го дозволиме. Што повеќе љубители на тенисот треба да присуствуваат на нашите натпревари. Финансиската страна на турнирот е исто така важна“, вели Сали Болтон, извршен директор на турнирот.
Минатата година натпреварот не се одржа за првпат од 1945. година, а титулите последен пат во 2019-тата ги освоија Новак Ѓоковиќ и Симона Халеп.

Македонската тенисерка, Лина Ѓорческа, продолжува да бележи одлични настапи во игра на двојки на турнирот во Калви кој се реалзира на тврда подлога за награден фонд од 25.000 американски долари. Таа и домашната претставничка Французинката, Амандин Ес, како први носителки, ги совладаа Флави Бруњон и Обан Дрог во два сета со идентичен резултат 6-2. Лина и Амандин во последниот филтер пред финалето ќе се сретнат со Жад Сувреј и Луси Нгујен Тан откако нивните противнички, Марго Јеролимо и Анџелика Моратели го предадоа мечот.