Венус Вилијамс го објави своето враќање на теренот и настапот на Отвореното првенство на Вашингтон, кое започнува на 21 јули во главниот град на САД.

Tенисерка не одиграла официјален натпревар 16 месеци, а нејзиниот последен настап беше на минатогодишниот Мастерс во Мајами.

На официјалната веб-страница на ВТА турнејата, Венус беше означена како „неактивна“, но сега ќе се врати во градот за кој, вели таа, има посебно место во нејзиното срце.

„Вашингтон има нешто навистина посебно – енергијата, навивачите, историјата. Овој град отсекогаш ми давал толку многу љубов и едвај чекам повторно да се натпреварувам таму“, рече постарата сестра на Вилијамс.

Последен пат играше во Вашингтон во 2022 година.

Полската тенисерка Ига Швјонтек е новата шампионка на Вимблдон откако попладнево во финалето ја надигра Аманда Анисимова од САД со убедливи 2:0 во сетови (6-0 и 6-0).

На тој начин полската тенисерка со овој успех испиша дел од историјата на Вимблдон. Финалниот меч траеше 57 минути.

Во текот на мечот Швјонтек имаше шест брејка од девет можности, притоа ривалката ниту еднаш не успеа да дојде до брејк топка. Во вкупниот број поени скорот беше 55-24 за Швјонтек.

За Швјонтек ова е прва Грен слем титула на Вимблдон во првото финале, а вкупно шеста грен слем титула во кариерата.

Анисимова со солзи во очите во заврши мечот.

Финалето во машка конкуренција се игра утре со почетокот 17 часот, а ќе играат Јаник Синер и Карлос Алкараз.

Новак Ѓоковиќ, најдобриот српски тенисер, беше поразен во полуфиналето на Вимблдон од Јаник Синер со 6-3, 6-3, 6-4.

Синер се пласираше во своето прво финале на Вимблдон.

Новак никогаш претходно не доживеал нешто вакво на Вимблдон. Италијанецот играше на начин што ги натера сите да се прашуваат дали воопшто е повреден.

Синер, трикратен грен слем шампион, ќе се бори во недела против вториот тенисер во светот, Шпанецот Карлос Алкараз, за ​​својата прва титула на Вимблдон.

За италијанскиот играч, стигнувањето до финалето е неговиот најдобар резултат на единствениот Грен слем на трева.

Американската тенисерка Аманда Анисимова е првата финалистка на Вимблдон, откако ја победи најдобрата тенисерка во светот, Арина Сабаленко.

Во натпревар што траеше два часа и 38 минути, Анисимова славеше триумф со резултат од 2-1 (6-2, 4-6, 6-4).

Вториот полуфинален пар наскоро Белинда Бенчиќ од Швајцарија во два сета загуби од Ига Швионтек од Полска.

Италијанскиот тенисер Фабио Фоњини објави денеска дека ја завршува кариерата. Мечот од првото коло на Вимблдон годинава против Карлос Алкараз, за него беше последниот во кариерата.

Мечот по голема борба заврши со победа на Алкараз од 3-2 во сетови (7-5; 6-7; 7-5; 2-6 и 6-1) по нешто повеќе од четири часа игра.

Фоњини на прес конференција во Лондон објави крај на кариерата:

„Мислам дека ова е најдобар начин да соопштам дека заминува, кусо изјави Фоњини“.

Најдобриот светски тенисер без многу проблеми стигна до полуфиналето на Вимблдон. Тој во денешеното четвртфинале го победи Американецот Бен Шелтон со 3-0 во сетови (7-6(2), 6-4 и 6-4) и се избори за своето второ полуфинале на Вимблдон.

Неизвесност имаше само во првиот сет, кој Синер го доби во тај брејкот со 7:2 на поени, иако Шелтон водеше со 2:0, но тоа не беше пречка за Синер кој успеа да направи серија од седум поени. Во следните два сета италијанскиот тенисер имаше по еден брејк и тоа на идентичен начин во 10.тиот гем за да ги добие двата сета со 6:4 во гемови.

Победа во три сета покажува дека повредата од осминафиналето од понеделникот е веќе минато за Јаник Синер.

Синер во полуфиналето ќе игра со победникот од мечот меѓу Новак Ѓоковиќ и Флавио Коболи.

Седумкратниот победник на Вимблдон Новак Ѓоковиќ (Србија) со победата од 3-1 во сетови над Алекс Де Минор од Австралија се избори за 16-то четвртфинале на Вимблдон. Тој во денешното осминафинале направи пресврт во мечот и по негативата од 0-1 по загубениот прв сет на убедлив начин со 1-6 во гемови ги доби следните три со идентични 6-4 во гемови.

Во четвртиот сет Ѓоковиќ ја покажа својата доминација кога при резултат од 4-1 во гемови за противникот успеа да спаси брејк топка и притоа направи серија од пет освоени гемови.

Во четвртфиналето Ѓоковиќ ќе игра против Флавио Коболи од Италија, кој со 3-1 во сетови го совлада Марин Чилиќ од Хрватска.

Македонскиот тенисер Калин Ивановски го заврши настапот на Челинџер 100 во романскиот град Јаши што се игра за награден фонд од 145.250 евра. Поуспешен од Ивановски беше вториот носител од квалификациите Германецот Марко Торо, кој мечот го доби со 2-0 во сетови (6-3, 6-4) за 102 минути.

Во првиот сет Торо успеа да направи веднаш брејк и поведе со 2:0 во гемови, а Ивановски во следниот гем на сервис не ривалот не ја искористи брејк шансата. Предноста од 3-0 германскиот тенисер ја зачува до крајот на сетот што го доби со 6-3. Во вториот сет Торо во третиот гем направи брејк и поведе со 2-1 во семови. Сетот „се кршеше“ во осмиот гем кога Ивановски имаше три брејк топки, но германскиот тенисер ја задржа предноста од два гема предност (5-3). Таа предност ја зачува до крајот на сетот што забрши со 6-4 во гемови.

Ивановски следниот настап ќе го има на Челинџер турнир во Сан Марино.

Седумкратниот шампион на Вимблдон, Новак Ѓоковиќ на убедлив начин стигна до победа во мечот од второто коло на Вимблдон против Британецот Даниел Еванс. Српскиот тенисер со 3-0 во сетови (6-3; 6-2; 6-0) со само пет загубени гема успеа да го елиминира Еванс.

Во првиот сет Ѓоковиќ се мачеше со реализацијата на брејк топките и ја искористи дури 10.та за да поведе со 5:3 во гемови и да го добие првиот сет. Во вториот сет реализацијата му беше стопроцентна и од две прилики имаше два брејка, додека во третиот сет на ривалот не му дозволи да освои ниту еден гем

Во третото коло противник на Ѓоковиќ ќе му биде сонародникот Миомир Кецмановиќ.

Од фаворитите од денешната програма кај мажите Григор Димитров од Бугарија со 3:1 во сетови го победи Корентин Муте од Франција, додека Алекс де Минуар од Австралија го совлада Артур Казо од Франција со 3:1 во сетови.

Двократниот победник на Вимблдон Карлос Алкараз од Шпанија без поголеми проблеми оствари победа во мечот од второто коло. Тој го совлада домашниот тенисер Британецот Оливер Тарвет со 3-0 во сетови (6-1, 6-4 и 6-4).

По доминацијата во првиот сет Британецот Тарвет (733.место АТП) на моменти бодрен од домашните навивачи поведе со 2:0 во гемови на стартот од вториот сет, а потоа и водеше и со 4:3, но Алкараз освои три гема и го доби сетот со 6:4. Во третиот сет беше нерешено до 3:3, но до крајот шпанскиот тенисер без многу напори го потврди сетот.

Во следната рунда Карлос Алкараз ќе игра со победникот од мечот Феликс Оже Алиасиме (Канада) и Јан – Ленар Штруф (Германија).