Клара Таусон го направи најголемото изненадување на турнирот во Дубаи, откако ја елиминираше светската тенисерка број 1, Арина Сабаленка со 6-3, 6-2.

22-годишната тенисерка од Данска доминираше на натпреварот и се пласираше во четвртфиналето на турнирот од серијата 1000 за првпат во кариерата.

Таусон, која е рангирана на 38. место во светот, имаше шест брејка во мечот, водејќи речиси цело време. Победата ја однесе за час и 23 минути игра, а ова и е прв успех во кариерата против најдобрата тенисерка на ВТА листата.

Таа во четвртфиналето ќе се сретне со Линда Носкова (Чешка) која со 6:3, 7:6 (8) ја совлада Џесика Пегула.

Новак Ѓоковиќ и Фернандо Вердаско го завршија учеството во двојки на турнирот во Доха. Овој меч беше последен во кариерата на Вердаско.

Подобри од српско-шпанската комбинација беа Хари Хеливар и Хенри Патен, инаку втори носители и актуелни шампиони на Австралија опен. Ѓоковиќ и Вердаско загубија со 2-0 (7-5, 6-4).

Вообичаено Ѓоковиќ е во центарот на вниманието на тениските мечеви, но овојпат не беше така. Ова беше збогување на Вердаско со професионалниот тенис.

Во првиот сет Ѓоковиќ и Вердаско немаа многу шанси, ниту една брејк топка. Хелиовара и Патен одиграа многу искусно и во 11. гем ја искористија четвртата брејк топка за водство од 1:0.

Тие веднаш направија брејк во вториот сет, а Ѓоковиќ и Вердаско не успеаја да ги искористат единствените брејк топки кои ги имаа во шестиот и осмиот гем.

На крајот по 81 минута турнирот заврши за Ѓоковиќ и во двојки, а кариерата заврши за Фернандо Вердаско.

Најдобриот тенисер на сите времиња Новак Ѓоковиќ е елиминиран на стартот од турнирот во Доха.

Ѓоковиќ успеа да се опорави од повредата на бутниот мускул поради која се предаде на полуфиналниот меч на Австралија опен, но во Катар беше далеку под вообичаеното ниво.

Тоа го искористи Италијанецот Матео Беретини кој победи со 2:0, во сетови 7-6/4, 6-2.

Натпреварот траеше час и 35 минути игра.

Противник на поранешниот финалист на Вимблдон во следната рунда ќе биде Холанѓанецот Талон Грикспор.

Хамад Меџедовиќ, кој го одигра турнирот на кариерата и беше на прагот на прва титула, во финалето доживеа пораз од домашниот тенисер Уго Умбер кој беше подобар со 0-2 во сетови (6-7 ,4-6).

Првиот сет го реши тај-брејкот, а иако Меџедовиќ се држеше во вториот и спаси дури три брејк-топки, сепак, концентрацијата во десеттиот гем кој воедно беше и клучен дозволи брејк за победа на Французинот.

Умбер ја одбрани титулата во Марсеј, а воедно дојде до седмиот АТП-трофеј во кариерата.

Данил Медведев испрати саркастична порака во врска со суспензијата на Јаник Синер поради допинг.

„Се надевам дека отсега сите ќе можат да разговараат со ВАДА и ако кажат: „Го најдовме ова за тебе, ќе биде двегодишна (суспензија)“, ќе речеш: „Не, суспендирај ме на еден месец“. Се надевам дека тоа ќе биде преседан. Во спротивно, ќе биде чудно“, изјави Медведев.

За потсетување, во август беше објавено дека Синер бил позитивен на допинг, поточно нелегалната супстанца клостебол.

Меѓутоа, Меѓународната агенција за интегритет во тенисот (ИТИА) го ослободи од обвиненијата.

Светската антидопинг агенција (ВАДА) ја обжали таа одлука пред Судот за спортска арбитража (КАС).

Аманда Анисимова многу полесно од очекувањата ја совлада Јелена Остапенко во финалето на турнирот во Доха со резултат 2:0 во сетови (6-4, 6-3).

Шест пати Американката влегуваше на теренот како аутсајдер и победи во шест наврати. Никој досега не постигнал таков подвиг во Доха.

Можеби на Остапенко, која сака агресивна игра, донекаде и пречеше тоа што финалето беше прекинато поради дожд, што секако ги успори условите, но причината пред се треба да се бара во нејзиниот многу послаб настап од претходните денови.

Ова е трета титула на Анисимова во кариерата, убедливо најголема.

ВТА турнирот во Доха се играше за награден фонд од 3.654.963 долари.

Италијанскиот тенисер Јаник Синер се огласи по изречената тримесечна суспензија поради допинг-скандалот кој се случи уште минатата година и изјави дека ја прифаќа одлуката, иако знае дека тој самиот не е виновен.

„Овој случај висеше над мене скоро цела година и беше долг процес. Секогаш прифаќав одговорност и знам дека строгите правила на ВАДА не постојат бадијала.

Мојот тим погреши, но погрешив и јас, иако знам дека не сум директно виновен. Ја прифатив понудата од ВАДА и заеднички решивме да добијам санкција во траење од три месеци“, рече Синер.

Јаник Синер, светскиот број 1 е суспендиран на три месеци.

Како што пренесоа странските медиуми и потврдија од Светската антидопинг агенција (ВАДА), најдобриот тенисер на светот ја прифатил суспензијата.

„Ова е резултат на договорот што тој постигна договор со Светската антидопинг агенција за неговите два позитивни допинг тестови минатата година, а суспензијата трае од 9. февруари до 4. мај“, објави Би-Би-Си.

23-годишниот Италијанец, кој минатиот месец го освои Австралија опен, е суспендиран на три месеци.

Тој ќе има право да игра на следниот Грен слем турнир оваа година, Ролан Гарос, кој започнува на 19 мај.

Елена Остапенко уште еднаш ја совлада Ига Швјонтек. Летонката во меѓусебните дуели води 5:0 против Швјонтек откако во полуфиналето победи убедливо со 6-3, 6-1.

Остапенко избори пласман во финалето на ВТА турнирот во Доха.

Летонката, 73. на ВТА листата, од стартот покажа во која насока ќе се движи мечот. Направи два брејка во првиот сет, три во вториот во кој Швјонтек, втора на ВТА листата, го искрши својот рекет.

Остапенко за трофејот ќе се бори против победничката од дуелот меѓу Екатерина Александрова и Аманда Анисимова.

Диего Шварцман, еден од најдобрите аргентински тенисери во последната деценија, го одигра последниот меч во кариерата.

Во второто коло на АТП 250 турнирот на земјена подлога во Буенос Аирес, Шпанецот Педро Мартинез го надигра Шварцман и го совлада со 6:2, 6:2. Шварцман претходно најави дека оваа недела ќе биде последна во неговата професионална кариера.

Аргентинските навивачи целосно го исполнија стадионот во Буенос Аирес, а последниот гем траеше десетина минути поради постојаните овации и пеењето на домашните навивачи кои на овој начин му се заблагодарија на Шварцман.

32-годишниот Аргентинец се повлече како 386. играч на АТП-листата. Во кариерата има освоено четири АТП турнири. Тој победи три пати на земјена подлога, во 2016 година во Истанбул, 2018 година во Рио де Жанеиро и 2021 година во Буенос Аирес, додека го освои и Лос Кабос на тврда подлога во 2019 година. Десет пати играше во финалето.

Пред пет години, Шварцман беше меѓу првите десет во светот, а осмото место беше неговото најдобро достигнување во кариерата. Тој играше во полуфиналето на Ролан Гарос во 2020 година, кога беше поразен од Рафаел Надал, додека двапати беше во четвртфиналето на Ју-ес опен, во 2017 и 2019 година.