Во Париз е извршен грабеж на тенискиот комплекс „Ролан Гарос“.

Француските медиуми објавија дека инцидентот се случил ноќта четврток кон петок. Сторителите на делото влегле во комплексот, и упаднале во неколку канцеларии. Украле 11 илјади евра готовина и накит од 20 илјади евра.

Француската тениска федерација соопшти дека полицијата во моментов го истражува грабежот.

Комплексот „Ролан Гарос“ се наоѓа во 16. округ на Париз. Секоја година таму се одржува еден од четирите Грен слема во светот – Отвореното првенство на Франција.

Агентот на Роџер Феререр, Тод Годсик, најави дека славниот швајцарски тенисер би можел после две години од пензионирањето пак да се врати на терен.

Федерер би играл на егзибициски меч против Рафаел Надал, што би било простување на Шпанецот од активното играње тенис.

„Мислам дека нема дилеми околу тоа. Роџер и Рафа сакаат да соработуваат, тоа би било одлична приказна“, изјави Годсик.

Извлечена е жрепката за пласман во финалната фаза од Дејвис Купот што ќе се одржи во Малага од 19 и 24 ноември.

Бранителот на титулата Италија во четвртфиналето ќе се соочи со Аргентина, а според најавите, актуелните шампиони ќе бидат засилени со светскиот рекет број 1 Јаник Синер и Лоренцо Музети, кои ја прескокнаа групната фаза во Болоња.

Победникот од овој натпревар во полуфиналето ќе игра против победникот од пресметката меѓу САД и Австралија.

Германија за пласман во полуфиналето ќе игра против Канада, а домаќинот Шпанија ќе се соочи со селекцијата на Холандија.

Поранешната број еден во женскиот тенис Наоми Осака објави дека соработката со тренерот Вим Фисет заврши.

„Четири години, две Гренд слем титули и многу спомени. Благодарам на Вим што беше одличен тренер и уште попрекрасна личност. Ти посакувам се најдобро!“, напиша Јапонката на социјалните мрежи.

Фисет беше тренер на Осака од 2019 до 2022 година и продолжи да работи со неа откако таа се врати на терените во јули 2023 година по породилното отсуство.

Под водство на белгискиот тренер, Осака освои две од нејзините четири Гренд слем титули – Отвореното првенство на САД во 2020 година и Австралија опен во 2021 година.

Томаш Бердих е новиот селектор на Дејвис куп репрезентацијата на Чешка, соопшти денеска Тенискиот сојуз на оваа земја.

Бердих го замени Јарослав Навратил како селектор на Чешка.

Чешка не успеа да се пласира на завршниот турнир од Дејвис купот, откако на турнирот во Валенсија забележа порази од Австралија, Франција и Шпанија.

-Во Дејвис купот доживеав незаборавни моменти од мојата тениска кариера. Ниту еден момент не се двоумев да ја прифатам понудата, изјави Бердих по тој повод.

Италијанскиот тенисер Јаник Синер успеа да дојде до трофејот на последниот грен-слем оваа сезона, САД опен, откако во финалето го совлада домашниот тенисер, Тејлор Фриц, со 3-0 во сетови.

Италијанскиот тенисер се чини дека го искористи раното испаѓање на Карлос Алкарас во второто коло и на Новак Ѓоковиќ во третото, па многу лесно дојде до трофејот.

Тој во интервју за АТП одговараше на прашања, а едно од нив беше кој е најдобриот тенисер на сите времиња.

„За мене најдобар на сите времиња е Роџер!“, рече Јаник Синер.

Фудбалерот, Рахим Стерлинг, кој му се приклучи на Арсенал во текот на летово, вели дека се наоѓа на вистинското место.

„За мене е идеално да бидам во фудбалски клуб во кој сите се гладни за победа. Сакам да се подобрувам секоја сезона“, вели напаѓачот за официјалниот веб-портал на клубот од Лондон.  

Стерлинг кој се наоѓа на платниот список на Челзи, дојде кај „топчиите“ на едногодишна позајмица.

Српскиот тенисер пристигнува во Њујорк со голема доза на самодоверба по случувањата во Париз, но поволна околност за него ќе биде и тоа што на стартот има доста лесен старт на Флешинг Медоус.

Ѓоковиќ во првото коло ќе игра против квалификант, во второто против победникот од Ѓере и Штруф, додека во третата рунда проектирано е да ги одмери силите со Алексеј Попирин. Во четврата рунда оди на Шелтон или Тиафо, додека потенцијални четвртфинални противници му се Рубљов или Димитров.

Пред да дојде ред за големото финале, главен фаворит за полуфинале во ждребот на Новак е Александер Зверев, тенисер против кого би требало да игра Србинот ако се остварат сите очекувања. Доста потешко на дешениот ждреб минаат Синер и Алкарас, кои уште во раните фази ќе имаат потешки предизвици на патот до големото финале.

Светскиот ретек број еден отвора против МекДоналд, во второто оди на Микелсен, додека во третото коло оди на Вавринка или Џари. Во четвртата рунда може да вкрсти со незгодниот Томи Пол, а во четвртфиналето би имал сериозен тест против Медведев или Циципас. Потенцијален полуфинален ривал му е Карлос Алкарас, кој исто така има тежок пат пред себе. Шпанецот во првото коло отвора против квалификант, но веќе во втората рунда ќе игра со подобриот од Шаповалов и Ван Де Зандшулп, Проектиран за третото коло му е Дрејпер, додека во четвртото Табило или Корда.

Во четвртфиналето ќе вкрсти со еден од Хуркач и Де Минор, додека во полуфинале против Синер или Медведев.

Најдобрата македонската тенисерка Лина Ѓорческа, не успеа да го мине првото квалификациско коло на Отвореното првенство на САД (УС Опен), иако одиграбдоста добро против Аргентинката Хулија Риера која е на 122 место на ВТА листата односно 71 место подобро рангирана од Лина Ѓорческа. Хулија Риера победи со 7-6 и 6-3 во меч кој траеше 196 минути игра.

Ѓорческа почна одлично, поведе со 4-1 во првиот сет, а имаше и предност од 5-3 и гејм на свој сервис. Но, не успеа да го добие решавачкиот гејм за водство и дозволи противничката да направи престврт и тајбрејкот Риера беше подобра со 7-4, за водство од 1-0.

Во вториот сет немаше толку многу брејкови како во првиот, Лина загуби само еден гејм на свој сервис, но тоа беше доволно за да го загуби сетот со 3:6, и да го заврши својот настап во квалификациите на последниот Грен-слем турнир оваа сезона.

В среда на 21 август на теренот ќе излезат четири од најголемите имиња во историјата на тенисот, Андре Агаси и Карлос Алкараз во пар против Џон Мекинро и Новак Ѓоковиќ.

Ова се тенисери кои заедно имаат 43 гренслем титули. Составот ветува незаборавен спектакл, комбинирајќи искуство и младешки ентузијазам.

Отвореното првенство на САД започнува на 26 август, а овој егзибициски натпревар ќе биде совршена увертира за последниот гренслем турнир годинава, предизвикувајќи интерес и возбуда кај навивачите.