Ворнок: Миовски ќе постигне 30 гола, мило ми е што остана во Абердин

Откако синоќа го постигна и својот тринаесетти гол во шкотската Премиерлига, нашиот Бојан Миовски доби пофалби и од новиот тренер на тимот, Ник Ворнок. Миовски погоди во поразот на неговиот тим на тешкото гостување кај Глазгов Ренџерс со 2-1.

„Мило ми е што ниту еден друг клуб не го купи Миовски. Јасно е дека клубот ќе добие многу пари од него. Типувам дека ќе постигне 30 гола оваа сезона, му го кажав тоа по крајот на мечот. Тој ќе постигне уште десет погодоци, бидејќи ќе креираме многу повеќе шанси за него кога ќе врземе континуитет како тим. Сигурен сум дека ќе креираме шанси за него“, изјавил Ворнок.