Исаксен добива нов договор во Лацио

Данскиот фудбалер Густав Исаксен го игра можеби најдобриот период од досегашниот престој во Рим, а раководството на Лацио сака да го награди со нов договор. Планот е соработката да биде продолжена најмалку до 2030 година, со значително подобри финансиски услови.

По репрезентативната пауза, Исаксен одигра пет натпревари во кои забележа четири гола и една асистенција. Дополнително, му беше поништен и гол против Парма поради минимален офсајд. Во Лацио сакаат да ја обезбедат неговата иднина затоа што актуелниот договор на Данецот истекува во јуни 2028 година, но клубот веќе работи на продолжување на соработката најмалку до 2030 година.