Формула 1 караванот се враќа во Африка

Формула 1 објави дека е постигнат десетгодишен договор за домаќинство на Големата награда на Африка во Руанда, која треба да влезе во календарот на почетокот на следната деценија.

Тоа ќе биде враќање на шампионатот на африканскиот континент за прв пат од 1993 година и трка на патеката Кјалами во Јужна Африка.

Првата трка ќе се одржи по завршувањето на новата патека во Бугесера, приближно 40 километри јужно од Кигали, веднаш до новиот меѓународен аеродром.

Точната година на премиерното издание сè уште не е потврдена, објави Формула 1.

Патеката ќе биде изградена според највисоките стандарди на ФИА, а природните промени на надморската височина треба да придонесат за бараната конфигурација.

Проектот вклучува и развој на туристичка, спортска и деловна инфраструктура.

„Денес е историски момент за Формула 1“, рече претседателот и извршен директор на шампионатот, Стефано Доменикали.