Ристовски: Благодарност до селекторот и Пандев што ја добив капитенската должност

Стефан Ристовски кој ја презеде капитенската лента по заминувањето на Горан Пандев, вели дека тоа е за него голема чест.

„Сакам уште еднаш јавно да се заблагодарам на капитенот Горан Пандев. Тој треба да биде пример како да се продолжи репрезентативниот пат. Секако, голема благодарност и до селекторот што ми дава доверба да бидам предводник. Имаме промени, нема многу време, доволно сме професионални за да продолжиме каде што застанавме. Се надевам на позитивен резултат и убав нов почеток“, изјави Ристовски.