Поради физички напад – Боатенг ќе плати скоро два милиони евра

Германскиот повремен репрезентативец, Џером Боатенг ќе мора да плати 1.8 милиони евра оштета за физички напад на својата поранешна девојка, одлучи судот во Минхен.

Сканадалот се случил пред три години, кога Боатенг беше обвинет од неговата поранешна девојка Шерин Сенлер дека физички ја нападнал.

Боатенг го загуби случајот на суд, па покрај финансиската казна може да заврши и во затвор најмногу до пет години.

Дефанзивецот јавно говореше дека Сенлер е ментално нестабилна, дека сакала да се самоубие и затоа ја прекинала врската со него, но сега приказната доби поинаков расплет.