Пешиќ промовиран како српски селектор на местото на Кокошков

Она што долго време се шпекулираше во медиумите денеска доби официјална потврда од кошаркарскиот сојуз на Србија. По неуспехот на домашен терен во Олимписките квалификации, и новиот ангажман во САД, Кокошков си замина од жешката селекторска клупа на Србија.

Пешиќ или популарниот карие се враќа на местотона успехот, на клупата на селекцијата на Србија со која во минатото освојувал многу медали.

Со сениорската репрезентација на Србија Пешиќ освои европско злато на првенството во Турција во 2001 година и светска круна со славниот тим од Индијанаполис во 2002 година.

Пешиќ има титули и со младинските селекции. Искусниот тренер е творец на шампионската генерација од далечната 1987 година, кога во Борнио со екипата во која играа Дивац, Кукоч, Раѓа, Ѓорѓевиќ, Алибеговиќ… стана младински светски шампион. Две години претходно има и златен медал од Европското прветсво со кошаркари до 16 години.