Карабатиќ останува во ПСЖ до 2023

Еден од најдобрите светски ракометари на сите времиња, Никола Карабатиќ, го продолжи договорот со својот сегашен клуб Париз Сен Жермен. Од францускиот клуб потврдија дека Карабатиќ ќе остане во Париз до 2023 година со цел да се освои трофејот во Лигата на шампионите.

„Многу сум среќен што ќе продолжам да го носам дресот на ПСЖ и во иднина. Се надевам дека ќе освоиме што е можно повеќе титули заедно“, изјави Карабатиќ, кој е трикратен олимписки шампион со Франција.