Словенецот Јозе Урх работи со македонските пинг-понг таленти на камп во Битола

Светски познат стручњак за пинг-пинг деновиве е во Битола. Словенецот Јозе Урх веќе два дена работи на тренинг камп со македонските надежи.

Од 28 октомври до 1 ноември шеснаесет млади пинг-понг таленти се пријавија на тренинг камп со експертот и организатор на тренинг-кампови ширум светот.

„Со оваа акција продолжуваме со вложување во младите таленти, но и истовремено помагаме на клубовите во подигнување на нивото на тренинг“, велат од федерацијата.

Тренерот од Словенија е светски познат стручњак кој во соработка со Меѓународната пинг-понг федерација (ИТТФ) организираат тренинг кампови во Европа и низ светот.