Тудор загрижен, Бремер се жали на повреда на мускулот

Јувентус одигра само нерешено против Верона (1:1), а информациите од Италија велат дека дефанзивецот на тимот од Торино, Бремер заработил повреда.

Бразилскиот дефанзивец беше одморен од тренерот Игор Тудор за натпреварот, но како што е вообичаена практика, играчите кои не учествуваа во натпреварот добија вежби на теренот под надзор на тренери и физиотерапевти.

За време на една од тие вежби, Бремер се струполи на тревата, жалејќи се на мускулен проблем. Ова е нов удар за Бразилецот, кој ја пропушти речиси целата минатата сезона поради сериозна повреда.

Во текот на денот медицинскиот персонал на Јувентус ќе ја процени состојбата на дефанзивецот, а Тудор се надева дека повредата не е сериозна.