Кошаркарската репрезентација на Србија се пласираше на Евробаскетот 2025 без пораз во квалификациите.

Србите беа неприкосновени во групата со Финска, Данска и Грузија, па со нетрпение ја очекуваат ждрепката за Евробаскетот на 27 март во Рига кога ќе видиме во која група ќе се најдат избраниците на селекторот Светислав Пешиќ.

Како и пред секое големо натпреварување, ФИБА почна да ги објавува своите прогнози за Евробаскетот, кој ќе се одржи од 27 август до 14 септември, а Србија ја гледа како носител на златниот медал.

Зад српската селекција е олимпискиотв вице- шампион Франција и еден од домаќините на ЕП, Летонија. Следува Грција, светскиот шампион Германија, потоа Литванија, Словенија, бранителот на титулата Шпанија, па Италија и Турција, кои ја затвораат првата десетка.

Поврзани теми

Кошаркарот на Минесота, Ентони Едвардс, најверојатно ќе биде суспендиран еден натпревар откако беше исклучен од натпреварот против Лос Анџелес Лејкерс и ја доби својата 16 техничка грешка сезонава во НБА лигата.

Минесота рано утрово загуби од Лос Анџелес Лејкерс (111-102), а Едвардс доби две технички грешки, поради што беше исклучен. Дополнително, Едвардс може да биде казнет и за фрлање на топката на трибините по исклучувањето.

Според правилата на НБА, играч добива суспензија од еден натпревар откако ќе ја направи 16 техничка грешка во тековната сезона, а на секои две дополнителни технички грешки, суспензијата ќе се зголемува за еден натпревар.

Тренерот на Сан Антонио, Грег Поповиќ потврди дека нема да го води тимот до крајот на сезоната, како што соопшти клубот пред неколку дена. Тој се уште се опоравува од последиците од благиот мозочен удар.

Оттогаш Сан Антонио го предводи неговиот помошник Мич Џонсон.

„Одлучив да не се враќам на клупата оваа сезона. Мич Џонсон и неговиот тим завршија прекрасна работа, а одлучноста и професионалноста што ја покажаа играчите беа извонредни. Сакам да се фокусирам на моето здравје со надеж дека ќе можам да продолжам да работам во иднина”, рече Поповиќ.

Грег е тренер на Сан Антонио од 1996 година и за тоа време освои пет шампионски титули во НБА.

Ѕвездата на Филаделфија, Џоел Ембид бара решенија за повредата на левото колено. Изворите велат дека центарот сè уште се надева на неинвазивна процедура која може целосно да го обнови неговиот повреден зглоб.

Сепак, тимските лекари и надворешните експерти консултирани деновиве, наводно, не веруваат дека постои такво решение.Ембид ќе мора редовно да добива инјекции во коленото за да игра. Во спротивно ќе мора што побргу на операција.

Најкорисниот играч на НБА од 2023 година оваа сезона одигра само 19 натпревари.

Кошаркарскиот репрезентативец на Босна и Херцеговина, Џанан Муса (25), би можел да го промени тимот и тоа во еден од главните конкуренти и лут ривал.

Да земеме предвид дека во текот на летото, поточно по 30 јуни, кога му истекува договорот, Муса би можел да го напушти Реал Мадрид.

Претходните информации што ги објави шпанска „Марка“ беа дека мадриѓани нема да му го продолжат договорот на Муса, што предизвика интерес кај тимовите од Евролигата. И Барселона внимателно следи како се развива ситуацијата, пишува каталонскиот весник „Спорт“.

Сезонава, за нешто повеќе од 21 минута на теренот, Муса има просек од 12,3 поени, 2,9 скока и 1,9 асистенции. Сепак, неговата последна сезона беше значително подобра, кога за исто толку време на паркетот забележа 13,9 поени, 2,8 скока и 2,2 асистенции.

Распродадени се сите билети за „фајнал-форот“ на Евролигата, кој годинава ќе се игра во Абу Даби, соопштија денеска од седиштето на најквалитетното европско кошаркарско натпреварување.

Билетите за фајналфорот во Абу Даби се распродадени. За сите што успеаја да обезбедат билет, се гледаме во Абу Даби“, стои во соопштението на Евролигата на социјалната мрежа „Х“.

Фајнл-форот на Евролигата ќе се игра од 23 до 25 мај во главниот град на Обединетите Арапски Емирати, што ќе биде првпат куп-натпреварите да се играат надвор од Европа, со исклучок на Тел Авив во 1994 година, бидејќи израелските клубови со децении играат во европските натпреварувања.

Натпреварите од фајналфорот ќе се играат на „Етихад арената“ која има капацитет од 18.000 седишта.

Американскиот кошаркар Сејбен Ли се врати во Евролигата, во последните часови од преодниот рок кој заврши во 18:00 часот потпиша за Олимпијакос. Грчкиот тим, реагираше на пазарот поради повредите на Томас Вокап и Лука Вилдоза.

Тимот од Пиреја го купи американскиот плејмејкер од турска Маниса за 550.000 евра. Ли потпиша две и пол годишен договор со Олимпијакос.

Ли на почетокот на сезоната настапуваше за Маниса, потоа накратко го облече дресот на Макаби, но реши да се врати во Турција.

Сепак, тој уште еднаш го привлече вниманието на евролигашите со своите добри игри. Претходно беше заинтересирана и Барселона, но Олимпијакос беше поконкретен.

Ли одигра осум натпревари за време на неговиот престој со Макаби, со просек од 12 поени, два скока и речиси три асистенции по натпревар.

Во Маниса, во турскиот шампионат, имаше просек од 18,7 поени, 3,8 скока и шест асистенции по натпревар.

Шесткратната олимписка шампионка и кошаркарка на американската репрезентација Дијана Таураси објави дека става крај на својата професионалната кариера.

Четириесет и двегодишната кошаркарка призна дека во јануари 2025 година почувствувала дека не и останала енергија да се подготви за новата сезона.

„Едноставно немав сила. Тогаш сфатив дека е време да заминам. Ментално и физички бев едноставно исполнета. Тоа се најдобрите зборови што можам да ги употребам за да го опишам чувството. Заситена сум и среќена“, изјави Таураси за американските медиуми.

Американката е единствена шесткратна олимписка шампионка во екипните спортови во историјата и најтрофејната спортистка во олимписката кошарка.

Германскиот кошаркар Тибор Плајс потпиша за актуелниот европски првак Панатинаикос.

Плајс потпишал договор со грчкиот клуб до крајот на сезоната, стои во објавата на Панатинаикос на социјалната мрежа „Х“.

Германскиот центар во досегашниот дел од сезоната настапуваше за италијанскиот тим Трапани, додека претходно мина осум последователни сезони во Евролигата, настапувајќи за Галатасарај, Валенсија и Ефес. Со Ефес двапати ја освои титулата во тоа натпреварување.

Во Евролигата играше и за Бамберг, Басконија и Барселона, од која се пресели во НБА лигата. Сезоната 2015/16 ја мина во Јута Џез.

Панатинаикос неодамна го напушти грчкиот центар Костас Адетокумбо, кој се пресели во Мурсија, а од претходно се повредени Омер Јурцевен и Матијас Лесор.

Панатинаикос во Евролигата, го зазема третото место во поредокот со 16 победи и 10 пораи.

Српскиот кошаркар од тимот на Мајами Хит, Никола Јовиќ подолго време ќе отсуствува од терените. Како што објавија од неговиот клуб, Јовиќ ќе пропушти најмалку четири недели поради фрактура на втората метакарпална коска на десната рака.

Јовиќ се повреди на натпреварот против Милвоки (113-120) во неделата.

Српскиот кошаркар сезонава на 46 натпревари има просек од 10,7 поени, 3,9 скока и 2,8 асистенции.