Српскиот ас Никола Јокиќ веројатно ќе потпише максимален договор следната сезона, а челниците на тимот од Колорадо сакаат да го осигурат останувањето на играчи кои ќе му помогнат да и донесе на франшизата уште една титула. Во оваа група е и Кристијан Браун, кој ја одигра најдобрата кошарка во својот живот во сезоната 2024/25. Одличниот бек имаше 15,4 поени, 5,6 скока и 2,9 асистенции.

Неговите одлични игри ги принудија челниците на клубот да му понудат дури 140.000.000 долари за продолжување на соработката за следните пет години.

Се очекува 24-годишниот бек да ја прифати оваа понуда, иако прашањето е како челниците на Нагетс финансиски ќе ги испочитуваат останатите играчи во тимот.

Капитенот на кошаркарите на Олипијакос, Костас Папаниколау, во поразот на својот тим во Мадрид, од Реал (89-77), испиша нова страница во клупската историја.

Папаниколау, против Реал го одигра 748-от натпревар во дресот на Олимпијакос. Тој стана играч со најмногу одиграни натпревари во дресот на Олимпијакос. На вечната листа мина уште една клупска легенда, Јоргос Принтезис.

Папаниколау има 370 настапи за Олимпијакос во Евролигата, 339 во грчкото првенство, 31 во грчкиот куп и осум во Суперкупот.

За време на неговиот мандат, 35-годишникот му помогна на клубот да освои две титули во Евролигата, пет титули во грчкото првенство и куп и четири титули во Суперкупот.

Стеф и Сет станаа соиграчи во Голден Стејт, откако франшизата од Сан Франциско одлучи да го ангажира „помалку популарниот“ Кари пред почетокот на сезоната, кој на тој начин доби можност да игра со својот брат.

Сет кој во текот на кариерата бележи респектабилни 43,3 проценти во шутот за три поени, ќе го потпише таканаречениот договор „ Exhibit 9 “ што му овозможува да го помине тренинг кампот со Голден Стејт, а потоа ќе биде отпуштен и повторно ангажиран за еден месец.

Планот е да помине низ подготовки со Вориорс и да се избегнат понатамошни даноци, а потоа на почетокот на регуларната сезона повторно ќе биде на располагање на Голден Стејт.

Вориорс со овој потег добија дополнително решение на надворешните линии и докажан ветеран (34) кој може да направи разлика влегувајќи од клупата.

Станува збор за играч кој во текот на кариерата забележал 10 поени по натпревар во 550 настапи во НБА.

Светислав Пешиќ повеќе не е селектор на српската кошаркарска репрезентација. Кошаркарската федерација на Србија се збогува со Пешиќ, кој како тренер ја предводеше Србија до сребро на СП 2023 и бронза на Олимписките игри во Токио, со емотивна и сеопфатна изјава.

Недолго потоа, КСС ​​објави дека Душан Алимпијевиќ е новиот селектор на Србија. Станува збор за млад тренер, има само 39 години, но како што објавуваат медиумите во соседството, Алимпијевиќ веќе се докажа како енергичен и посветен стручњак кој се подобрува од сезона во сезона. Во својата кариера, тој ги водеше Војводина, Спартак Суботица, ФМП, Црвена звезда, Автодор, Бурсаспор и Бешикташ.

„Кошаркарската федерација на Србија со задоволство објавува дека е постигнат договор со Душан Алимпијевиќ, кој, според одлуката на Управниот одбор на КСС, денес е официјално назначен за главен тренер на српската машка сениорска репрезентација.

Договорот ќе биде потпишан за период од три години. Во овој период, Алимпијевиќ ќе ги преземе сите одговорности поврзани со подготовките на тимот за претстојните квалификации за Светското првенство („прозорци“ на ФИБА), како и меѓународните натпреварувања.

Кошаркарскиот клуб Партизан е блиску до наоѓање решение за позицијата центар, каде што имаше сериозен проблем на почетокот од Евролигата, поради повреди и скратена ротација.

„Црно-белите“ се насочени кон американскиот центар и поранешен шести пик на драфтот, Нерленс Ноел.

Во моментов, Жељко Обрадовиќ го има на располагање само Тајрик Џонс, кој не закрепнал сосема, додека неколкумина играчи може привремено да ја пополнат улогата на позицијата „пет“. Сепак, раководството го имаше доведувањето нов центар како приоритет.

Виртус, Жалгирис и Макаби, исто така, покажаа интерес за Ноел, поранешниот шести пик на драфтот на НБА во 2013 година.

Тој помина една деценија во најсилната лига во светот (2013–2023), каде што играше за Филаделфија, Далас, Оклахома, Њујорк, Детроит и за Бруклин. На 467 натпревари, тој имаше просек од седум поени и шест скока, а ја имаше својата најдобра сезона во дресот на Филаделфија со просек од 11 поени и осум скока.

Она што загрижува е тоа што Ноел е без клуб од летото 2023 година, па не се знае како ќе се покаже со толкаво отсуство од кошаркарските терени.

Со убедливи победи на дебитантите Дубаи и Хапоел започна новата сезона во Евролигата. Дубаи го победи Партизан со 89-76, а Хапоел славеше во дуелот со Барселона 103-87.

Поранешниот кошаркар на Партизан, Дејвис Бертанс, го предводеше Дубаи до историската прва победа во Евролигата. Летонецот го заврши натпреварот со 20 поени (11 во првата четвртина) , 3 скока и 4 асистенции.

Џанан Муса заврши со 19 поени, 4 скока и 5 асистенции, Мфионду Кабенгеле имаше 15 поени и 5 скока, Филип Петрушев имаше 14 поени и 8 скока.

Во тимот на Партизан, Тајрик Џонс беше најистакнат стрелец со 13 поени и 6 скока, а имаше и по 2 асистенции, блокади и украдени топки, како и 3 изгубени топки и 4 лични грешки.

Хапоел домашните натпревари ги игра во Софија. Актуелниот шампион во Еврокупот ја победи Барселона со 16 поени разлика. Василије Мициќ постигна 18 поени со три скока и две асистенции во својот прв натпревар во Евролигата во дресот на Хапоел.

Градскиот совет на Милано ја одобри продажбата на стадионот и околниот простор на клубовите за 197 милиони евра. Дваесет и четири члена на советот гласаа „за“, 20 беа „против“, а двајца не учествуваа во гласањето.

Се очекува договорот да биде завршен до 10 ноември, кога вториот ред на „Сан Сиро“ ќе биде доволно стар за да се квалификува за заштитен статус како историско обележје.

Милан и Интер планираат да го срушат стадионот, кој е отворен во 1926 година, и да изградат нов до 2031 година.

Со денешните седум натпревари стартува новата 26.та сезона од кошаркарската Евролига. „Први“ на теренот ќе се појават екипите на Дубаи и Партизан, а во исто време е почетокот и на дуелот Хапоел – Барселона. Екипите на Дубаи и Хапоел се дебитанти во најквалитетното кошаркарско натпреварување

Започнува новото, дваесет и шесто издание на Евролигата, а Дубаи и Партизан имаат чест да ја отворат новата сезона (18:00 часот). Во исто време кога се игра натпреварот Дубаи – Партизан, ќе се сретнат и Хапоел и Барселона. Покрај овие два натпревари на првиот ден од Евролигата, на програмата сè уште пет натпревари.

На местото на Алба, оваа сезона ќе настапува Валенсија и бројот на екипи од 18 е зголемен на 20. Тоа значи дека ќе бидат одиграни повеќе натпревари односно ќе има и повеќе двојни кола. Според новиот формат во регуларниот дел ќе бидат одиграни 38 натпревари место досегашните 34.

Завршницата продолжува како и последните две сезони – тоа значи дека првите шест екипи ќе имаат пласман во плејофот, додека екипите од 7-10 место ќе разигруваат за уште две места за четвртфиналето.

Фајнл-форот на програмата е да се одигра од 22 до 24.мај 2026 година во Атина.

Титулата ја брани екипата на Фенербахче.

Ал Хорфорд, 39-годишен кошаркар со 18 сезони во НБА зад себе, кариерата ќе ја продолжи во Голден Стејт Вориорс.

Според изјавата на агентот на Хорфорд, Џејсон Глушон, Вориорс чекаат одлука од Џонатан Куминга, кој е ограничен слободен агент, за да ги финализираат деталите од договорот на Хорфорд. Самиот играч се збогува со Бостон Селтикс, каде што помина седум од последните девет сезони и ја освои титулата во 2024 година.

Ал Хорфорд е само еден од четворицата играчи во НБА кои успеале да постигнат 900 или повеќе тројки и да поделат 1300 или повеќе блокади. Останатите тројца се Рашид Волас, Брук Лопез и Клифорд Робинсон.