Кошаркарската репрезентацција на Србија деновиве во Белград се обидува да избори виза за Игрите во Токио. Меѓутоа, селекторот Игор Кокошков не може да смета на најдобриот играч на светот, Никола Јокиќ ниту дури доколку Србија се пласира на Олимписките игри.

МВП играчот на НБА лигата одби да настапи за Србија поради замор. Кога тој објави дека се откажува, цела Србија се подигна на нозе, а многумина центарот на Денвер го прогласија за предавник.

Но, Јокиќ не беше многу вознемирен од тоа. Во родниот Сомбор тој беше на трки со коњи, а потоа се одлучи одморот да го продолжи во природа. Отпатува во Црна Гора, каде беше сместен на Трновачко езеро, до кое се стигнува по два часа планинарење, и тоа во правец од Босна и Херцеговина, бидејќи делот од црногорската страна е непристапен.

Таму, тој заедно со домаќините уживаше и во домашна ракија.

Кевин Дурант, двократниот освојувач на златен олимписки медал, ќе ја предводи американската кошаркарска репрезентација на Олимписките игри во Токио.

Заедно со ѕвездата на Бруклин Нетс, на списокот играчи кои ќе настап за репрезентацијата се и Бам Адебајо (Мајами), Бредли Бил (Вашингтон), Девин Букер (Феникс), Џерами Грант (Детроит), Дрејмонд Грин (Голден Стејт), Џру Холидеј (Милвоки), Зек Лавин (Чикаго), Демијан Лилард (Портланд), Кевин Лав (Кливленд), Крис Мидлтон (Милвоки) и Џејсон Тејтум (Бостон).

Америчкиот дримтим ќе го предводи тренерот на Сан Антонио, Грег Попович, а ќе му асистираат Стив Кер, Џеј Рајт и Лојд Пирс.

Џери Коланџело ќе биде менаџер на репрезентацијата.

Кошаркарската репрезентација на САД досега освоила 15 златни олимписки медали, славејќи на последните шест Олимписки игри.

Во големото финале кое се играше во Валенсија, Србинките ја совладаа Франција со (63:54) и го повторија успехот од 2015. година, кога против истиот ривал дојдоа до својата прва круна.

Иако „триколорките“ беа фаворити пред натпреварот, Србија водеше во најголемиот дел од мечот и заслужено стигна до победата и титулата.

Првата „опиплива“ предност ја направи во втората четвртина кога по серијата од 13-0 поведе со 31-18. Франција врати со осум поени во низа, но Србија во третиот период стигна до највисоките +18 (46-28).

Повторно противникот постигна девет поени во низа, но тоа беше се што успеа да направи. Србинките мирно го одиграа последниот квартал и стигнаа до титулата.

Српската репрезентативка Соња Васиќ е прогласена за најкорисна кошаркарка на Европското првенство.

Во финалето против Франција постигна 12 поени, а шампионатот го заврши со просечен индекс 15 и и 18,6 поени по меч.

Заедно со неа, во идеалната петорка се најдоа уште Ема Месеман и Џули Олеман од Белгија, Џонкел Џоунс од БиХ и Енди Мијем од Франција.

Стеф Кари, за многумина најдобриот шутер на сите времиња, би можел да го напушти тимот на Голден Стејт Вориорс. За тоа се зборува уште од Ол-Стар викендот, кога како што се тврди, Леброн Џејмс тргнал во мисија да го наговара својот добар пријател да се пресели во Лос Анџелес Лејкерс.

Навивачите на Вориорс почнаа да стравуваат што ќе се случи во 2022. година, кога на Кари ќе му истече договорот, а би можеле да стравуваат уште повеќе по зборовите на сопственикот на клубот Џо Лакоб.

„Ако сака да замине по истекот на договорот, може да го направи тоа. Ќе биде слободен играч и го заслужил“- изјави Лакоб.

Сепак, тој е сигурен дека Кари ќе ја продолжи верноста со Вориорс.

„Не ме загрижува играчот за кого говорат дека сакаат да го доведат. Не мислам дека тоа ќе се случи. Се надевам дека Стеф ќе остане со нас до крајот на кариерата, а мислам дека тоа е и негова желба.“

Милош Теодосиќ следната сезона би можел да го носи дресот на Анадолу Ефес, актуелниот освојувач на Евролигата.

Според најавите на италијанските медиуми, српскиот играч би го заменил својот сонародник Василије Мициќ во тимот на турскиот шампион, затоа што Мициќ планира да се испроба во НБА лигата.

Доколку сака да го донесе Теодосиќ, Ефес ќе треба да му плати на Виртус клаузула од 250.000 евра до 10 јули. Тоа е цената што тимот од Болоња ја одреди за трансфер на Србинот во Евролигата.

Кошаркарскиот состав на Партизан, по 28 години го врати на кормилото најтрофејниот европски тренер, Жељко Обрадовиќ.

„Црно-белите“ токму под диригентската палка на темпераментниот стратег ја освоија единствената титула во Евро-лигата во сезоната 1991/92. Обрадовиќ со 9 шампионски пехари во Евро-лигата освоени со различни клубови, стана и апсолутен рекордер.

61-годишниот тренер потпиша соработка со белгардскиот клуб за три сезони. Тој играше за Партизан од 1984 до 1991 а потоа две години седеше на тренерското место. Обрадовиќ во неговата тренерска кариера ги водели  екипите на: Борац Чачак, Хувентуд, Реал Мадрид, Бенетон Тревизо, Панатинаикос и Фенербахче.

Селекциите на Белорусија, Белгија, Франција и Србија обезбедија место во полуфиналните среди од Евробаскетот во женска конкуренција кој овие денови се одвива во Франција и во Шпанија.

Неверојатно возбудлив меч во Валенсија одиграа кошаркарките на Србија и на Шпанија. И покрај голем број на судиски грешки, особено во финалните минути, Србинките успеаја да се одбранат, и во продолжението од пет минути да слават со (71:64).

За жал, тоа не им појде од рака на сензационалните Босанки. Не им беше лесно, играа против еден од ко-домаќините на еврошампионатот, Франција, која и пред да почне првенството важеше за еден од топ фаворитите за освојување на златниот медал.

Славеа Французинките со убедливи (80:67), па во полуфиналето ќе играат против уште едно големо изненадување – Белорусија.

Полесно од предвидувањата Белоруските кошаркарки го добија четвртфиналето против Шведска. Најмногу поради одличната игра во одбраната, за конечни (58:46).

А во вториот драматичен меч од четвртфиналната програма, кошаркарките на Белгија со минимални (85:83), ја совладаа Русија, па ќе и излезат на мегдан на Србија во обид да стигнат до големото финале.

Овие четири селекции обезбедија и дкректен пласман на олимписките квалификции, додека пак поразените селекции на БиХ, Шпанија, Шведска и Русија ќе се борат за уште две места на квалификацискито турнир за Олимпијадата.

Класификациските мечеви, како и оние во полуфиналето ќе се играат утре.

Големото финале и натпреварот за трето место ќе се играат еден ден подоцна, 27.јуни, исто така во Валенсија. 

Олег Мелешченко, селекторот на репрезентацијата на Словачка, еден од нашите противници на претквалифиакцискиот турнир за Светскиот Куп 2023 година, го објави поширокиот список на кандидати за средбите во „балонот“ кој од 12. до 18.август ќе се одржи во Скопје.

На поширокиот список на играчи, се најдоа и искусни, но и нешто помлади кошаркари кои ќе ја бараат својата шанса за настап на претквалификацискиот турнир.

Менаџерот на тимот на Словачка, Мирослав Паленик го претстави изборот:

„После неодамнешниот камп на кој беа поканети 21.играч, селекторот Олег Мелешченко одлучи да направи поширока листа на  кандидати за активностите каи ќе ги имаме во текот на ова лето. На списокот има 24. кошаркари. Поради здравствени проблеми, испаднаа три имиња: Борис Бојановски, Михал Чековски и Виктор Јуришек. По паузата, на 6 јули ќе поканиме само шеснаесет играчи на собирот. А конечните 12 играчи кои ќе патуваат во Скопје, ќе го имаме на 9 август“ – појасни Паленик.

Во групата на кошаркари на која сметаат селекторот Мелешченко и неговите помошници Михал Мадзин и Марош Хелмеси, го нема најзвучното име, играчот кој беше составен дел од тимот во изминатиот период, Кајл Кјурик.  

Натурализираниот Словак со американски пасош, кој настапува за шпанскиот првак Барселона, нема да биде дел од овој летен циклус на претквалификации за Мундобаскетот. 

Кајл Лаури одби да настапи за американскиот тим на Олимписките игри во Токио, Јапонија. 35-годишниот кошаркар ќе стане слободен агент на крајот на сезоната. Се очекува да биде еден од најбараните играчи на пазарот.

Лаури во просек постигнуваше 17,2 поени оваа сезона, остварувајќи 7,3 асистенции и 5,4 скока.

Досега 11 имиња најавија дека сакаат да одат на Олимпијадата во дресот на САД, а тоа се: Девин Букер, Џејмс Харден, Кевин Дурент, Бам Адебајо, Демиен Лилард, Бредли Бил, Џејсон Тејтум, Кевин Лав, Дру Холидеј, Дрејмонд Грин и Крис Мидлтон.

Атланта во првиот натпревар од финалето во доигрувањето во Источната конференција на НБА лигата го победи Милвоки во гости со резултат 116:113 и поведе со 1:0 во серијата на четири победи.

Хокси стигнаа до победата благодарение на Тре Јанг, кој постигна 48 поени со седум скокови и 11 асистенции. Голема помош имаше и во Џон Колинс, кој со 23 поени запиша и 15 скокови, а Клинт Капела постигна 12 поени со дури 19 скокови.

Кај поразената екипа, најдобар беше Јанис Антетокумбо со 34 поени, 12 скокови и девет асистенции.

Наредниот натпревар се игра ноќта петок кон сабота, повторно на паркетот во Милвоки.