Денвер Нагетс направи промени во играчкиот кадар во изминатиов период, ама клучните играчи останувааат па така Џамал Мареј прифатил да остане во Колорадо уште четири дополнителни години, верност за која ќе заработи 208 милиони долари.

Канаѓанецот беше меѓу најзаслужните што Нагетс во 2023 година станаа НБА шампиони, па организацијата се надева, верува дека комбинацијата со Јокиќ може да биде успешна, да донесе резултати и во следните сезони.

Мареј минатата сезона одигра 59 натпревари и имаше просек од 21,2 поени со 4,1 скок и 6,5 асистенции.

Стеф Кари има 36 години, но и понатаму е еден од најдобрите играчи во НБА лигата и светот.

Меѓутоа повеќе од јасно е дека полека влегува во една друга фаза, односно е на залезот на кариерата со тоа што останува да се види уште колку време ќе сака, продолжи да биде активен.

Плејмејкерот веќе размислува и за иднината, па сака еден ден да биде сопственик на клуб во НБА.

„Заинтересиран сум да бидам сопственик на клуб од НБА лигата. Видов како Џордан тоа го прави, а знам дека има играчи во НБА кои веќе имаат преземено чекори еден ден да станат сериозни кандидати  како косопственици да учествуваат во можното проширување на лигата (НБА многу размислува за ова идеја). Дефинитивно размислувам за тоа (да бидам сопственик). Секако, има уште многу што сакам да постигнам како играч пред да бидам во друга улога во НБА“, порача Стеф кој важи за најдобриот шутер во историјата на кошарката.

Во Арена Загреб синоќа беше одржан меморијален натпревар во чест на легендарниот хрватски кошаркар Дражен Петровиќ, кој оваа година би го прославил 60. роденден.

Спектаклот започна со краток филм за Дражен Петровиќ и неговото кошаркарско патување од родниот Шибеник низ Цибона, Реал, Портланд и Њу Џерси.

Централниот настан беше ревијалниот натпревар помеѓу репрезентацијата на Хрватска и тимот Дражен.

На настанот свое присуство имаа многубројни поранешни и актуелни кошаркари, тренери и пријатели на легендарниот кошаркар.

Летонскиот кошаркар Давид Бертанс ќе остане во НБА и следната сезона каде според информациите најверојатно ќе добие договор од екипата на Голден Стејт.

Покрај Партизан, за неговите услуги се интересираше и Реал Мадрид, но одличниот шутер реши да остане во НБА и најверојатно во составот на Вориорс со кои и тренира заедно.

Вориорс останаа без Клеј Томпсон и го доведоа Бади Хилд на позицијата шутер.

Чеди Осман е блиску до преселба во Реал Мадрид . Според – „Eurohoops“ двете страните напредувале во преговорите.

Турскиот кошаркар (29 години, 201 см) во претходната сезона имаше 72 натпревари за Сан Антонио со просек од 6,8 поени и 2,5 скока.

Чеди е слободен агент по истекот на неговиот четиригодишен договор.

Францускиот кошаркарски репрезентативец Еван Фурние размислува за враќање во Европа.

Според информациите Фурние е во преговори со повеќе клубови од Евролигата со грчки Олимпијакос.

Французинот бара плата од два милиони евра годишно.

Хрватскиот кошаркар Ивица Зубац потпиша нов договор со екипата на ЛА Клиперс и ќе игра во оваа екипа до 2028 година.

Новата соработка предвидува заработка од дури 70 милиони евра, а најголем дел од оваа сума ќе легнат на неговата сметка во последните три сезони од договорот (58 милиони евра).

Договорот за Ивица Зубац доаѓа во време кога за него беа заинтересирани повеќе клубови, но Хрватот реши да остане во САД и да ја продолжи авантурата во НБА лигата.

По петнаесет години Винсент Коле ќе ја препушти клупата на француската кошаркарска репрезентација.

Француската кошаркарска федерација одржа состанок на кој беше одлучено да не се продолжи договорот на Коле, кој заврпи по Олимписките игри.

Олимпиското сребро го заокружи петнаесетгодишниот мандат на клупата на Франција, за која за тоа време донесе осум медали од 14 натпреварувања.

Тој го водеше тимот на 253 натпревари, на кои оствари 179 победи.

Кошаркарскиот клуб Партизан подготвува вистинска „бомба“ на
крајот од преодниот рок, а станува збор за одличниот НБА играч и
турски репрезентативец, Џеди Осман.
Според информациите Чеди Осман има понуди од Партизан и
Анадолу Ефес.
„Црно-белите“ за кратко време го комплетираа составот и
единствено место им остана крилниот центар да ја довршат
приказната, а според споменатиот извор изборот паднал на
Турчинот
Интересно за Осман е тоа што е роден во Охрид, Македонија, а
веќе го носеше дресот на Анадолу Ефес и настапуваше за
Кливленд Кавалирс и Сан Антонио Спарс во НБА.

Македоскиот кошаркар Дарко Соколов е нов играч на Гостивар,
откако двете страни постигнаа договор.
Дарко Соколов во Гостивар доаѓа од редовите на Еуро Никел чив
член беше од 2019 година.
Претходно во кариерата ги бранеше боите и на: МЗТ Скопје,
Карпош Соколи, Работнички, Струмица, Амак СП, Балкан Стил, а
во странство беше дел од: Босна и Химик Јужни.