Оваа одлука беше донесена на генералното собрание на
акционерите на кошаркарската Евролига. Покрај Бодирога, своето
место го задржа и Паулиус Мотијејунас.
Евролигата го одреди натпреварувачкиот календар за следната
сезона, како и правилата на натпреварувањето и списокот на
учесници.
Даниел Херазуело, презентираше извештај за минатата сезона,
кој вклучуваше предложени подобрувања во регрутирањето,
образованието, надзорот и технолошките протоколи за судиите.

Кошаркарот на Бостон селтикс, Дерик Вајт ќе го продолжи
договорот со клубот, објави инсајдерот на „ESPN“, Адријан
Војнаровски. Новиот договор ќе биде за четити години и 125,9
милиони долари.
Дваесет и деветгодишниот Американец минатата сезона имаше
просек од 15,2 поени, 4,2 скока и 5,2 асистенции на 73
натпревари.
Вајт со Бостон годинава стана шампион во НБА-лигата.

Литванскиот центар Јонас Валанчиунас веќе реши каде ќе ја продолжи кариерата, Според инсајдерот Адријан Војнаровски, тој ќе се пресели во клубот од главниот град.

Валанчиунас ќе потпише договор со екипата на Вашингтон Визардс, според кој ќе заработи 30 милиони за 3 години. За неговите услуги беа заинтересирани и Лејкерси, особено леброн Џејмс, кој посакуваше да го види Валанчиунас во составот од Калифорнија.

Валанчиунас последните години ги помина во Њу Орлеанс, а минатата сезона ја заврши со просек од 12,2 поени и 8,8 скока.

Селекторот на кошаркарската репрезентација на Шпанија, Серхио
Скариоло објави на кои 12 кошаркари ќе смета за време на
претстојните квалификациите за настап на Олимписки игри во
Париз.
„Фуријата“ ќе биде домаќин на турнирот во Валенсија, на кој
учествуваат и Либан, Ангола, Финска, Полска и Бахамите.
Во списокот на Шпанија се следните играчи: Руди Фернандез
(Реал Мадрид), Серхио Љуљ (Реал Мадрид), Вили Ернангомез
(Барселона), Хуанчо Ернангомез (Панатинаикос), Дарио Бризуела
(Барселона), Чаби Лопез-Арестеги (Валенсија), Алберто Дијаз
(Уникаха), Усман Гаруба ( Голден Стејт Вориорс), Хамес Прадиља
(Валенсија), Хуан Нуњез (Сан Антонио Спарс), Лоренцо Браун
(Панатинаикос) и Санти Алдама (Мемфис Гризлис).

Германскиот евролигаш Баерн Минхен неочекувано е принуден да бара нов тренер откако го раскина договорот со Пабло Ласо на барање на шпанскиот стручњак и покрај тоа што двете страни имаа договорена соработка и за сезоната 2024/25.

Само неколку часа откако се огласи германскиот тим, грчките медуми пласираа и информација за неговата замена.

Тоа се очекува да биде легендарниот грчки кошаркар кој неодамна заплива и во тренерските води, Василис Спанулис со кој се водат активни преговори.

Како што пренесува секогаш добро упатениот НБА новинар Андријан Војнаровски, во најсилната кошаркарска лига претстои сериозна детонација, бидејќи 35-годишниот крилен кошаркар би потпишал за Хјустон.

„Ракетите“ имаат мошне млад тим, а со доаѓањето на искусен шампион како Дурант ќе придонесат во издигнувањето на франшизата на едно повисоко ниво.

Феникс сака да го задржи американскиот репрезентативец, но на крајот одлуката е на самиот Дурант.

Брони Џејмс, синот на Леброн Џејмс, и официјално е нов кошаркар на Лос Анџелес Лејкерс.

Она што се шпекулираше во последните денови, на вториот дел од НБА драфтот беше потврдено – Брони Џејмс, како 55-ти пик беше избран од клубот каде што настапува неговиот татко. Историјата е испишана, затоа што за првпат ќе видиме татко и син во ист НБА тим во исто време.

Како што рече Боб Мајерс, поранешен генерален директор на Голден Стејт Вориорс, Рич Пол, агентот на Леброн и Брони Џејмс, им се заканувал на тимовите дека Брони ќе игра во Австралија доколку го избере друг тим освен Лос Анџелес Лејкерс.

Никој не го зеде Брони, кој пред овој драфт беше рангиран како 72. потенцијал во оваа класа, а потсетуваме дека има 60 пикови на НБА драфтот.

Во НБА лигата изминатата вечер се одржа НБА драфтот во кој како прв пик се избра Закари Ризаше од редовите на Атланта.

Ризаше прикажуваше одлични настапи во Еврокупот и се најавува како нов суперталент на француската кошаркар.

По неговиот сонародник, Виктор Вембанјама минатата година, Андреа Барњани во 2006 и Кинезот Јао Минг во 2002 тој стана само четвртиот странец кој е избран како прв пик на НБА драфтот.

Вториот пик на драфтот исто така беше Французин бидејќи Вашингтон се одлучи за Алекс Сар.

Српскиот кошаркар Никола Топиќ кој се најавува како нова голема надеж на српската кошаркар како 12 пик беше избран од Оклахома.

Сепак, засега не е сигурно дека тој следната сезона ќе биде дел од НБА бидејќи неодамна заработи тешка повреда на коленото.

Хрватскиот кошаркар Бојан Богдановиќ е трејдуван во Бруклин Нетс во пакет за Микел Бриџис.

Покрај него во тимот од „Глемата јаболка“ се испратени пет пикови од првата рунда, а имаат можност и за замена на пиковите во првиот круг и избор во втората рунда.

Никси го добиваат Бриџис кој минатата сезона беше на просек од 19.6 поени, 4.5 скокови и 3.6 асистенции со нив и вториот избор на драфтот 2026 година. Кон Бруклин ќе тргне Богдановиќ и седморица играчи кои ќе бидат драфтувани од 2025 до 2031 година.

Леброн Џејмс и во наредните три сезони ќе го носи дресот на Лејкерс.Постоеа шпекулации дека Леброн може да ја промени средината, но според последните информации тој ќе ја продолжи соработката за договор вреден 162 милиони долари.

Во првата година од договорот 39-годишниот кошаркар ќе добие 50 милиони долари, во втората 54, додека во сезоната кога ќе има 41 година ќе добие уште четири повеќе, односно 58.

Дресот на Лејкерс, Леброн го носи веќе шест сезони откако во 2018 година од Кливленд се пресели тимот од Лос Анџелес. Претходно беше дел и од Мајами.