Во екипата на МЗТ Скопје Аеродром се враќа репрезентативецот
Андреј Магдевски, кој во минатата сезона настапуваше за
Пелистер..
Ова ќе биде по трет пар Магдевски да се врати во МЗТ, откако
претходно настапуваше за клубот од 2018 до 2021 и уште еднаш
во 2022 година, а потоа се пресели во Холандија,
МЗТ Скопје во следната сезона ќе ја брани двојната круна во мак-
баскетот, а ќе игра и во АБА-2 лигата. Првиот натпревар на „сино-
белите“ е закажан на 24 септември против Теодо Тиват во
јадранската конкуренција.

Европскиот кошаркарски шампион Панатинаикос само детали го
делат од промоција на второто големо засилување оваа лето, а
тоа е турскиот центар Омер Јуртсевен кој според информациите на грчките медиуми ќе потпише двегодишен договор со клубот од
Атина.
Според договорот 26-годишниот центар висок 213 сантиметри ќе
заработи еден милион евра за престојната сезона, но постои
можност и да го напушти клубот со откупна клаузула по крајот на
сезоната 2024/25.
Јуртсевен пристигнува во главниот град на Грција на желба на
тренерот Ергин Атаман кој со поранешниот кошаркар на Јута и
Мајами соработуваше во турската репрезентација.

Стеф Кари доби нов договор од НБА тимот на Голден Стејт
Вориорс откако дојде во НБА од Универзитетот Дејвидсон во 2009
година кога во првиот круг беше избран како седми пик.
Голден Стејт за една сезона на Кари ќе му плати 63 милиони
долари, под договор сп Вориорс ќе биде до 2027 година.
На овој начин Стеф Кари им се придружи на Леброн Џејмс и
Кевин Дурент, овие тројца од играње кошарка досега заработиле
над 500 милиони долари.

Американскиот кошаркар Леброн Џејмс сака да инвестира токму во Лас Вегас. Тој би бил дел од конзорциум составен од големи компании, пред се Ред Бул и уште неколку богати бизнисмени.

Лигата бара инвестиција од најмалку седум милијарди евра, а Вегас би добил нова сала. Градот во Невада има само 700.000 жители, но и огромна флуктуација на туристи.

Порано не беа познати по професионалните спортови, но по ред се појавија Рајдерс во НФЛ, Голден Кнајтс во хокеј и кошаркарките на Ејсис.

Кошаркарскиот клуб Цибона во новата сезона ќе ја водат двајца тренери, еден за АБА лигата и друг за домашното првенство.

Во АБА лигата ќе ја води Крис Томс, додека во првенството на Хрватска на клупата ќе биде Бариша Красиќ.

Крис Томас е форсиран од инвеститорите на клубот кои инсистираат тој да биде главен тренер, додека од друга страна Красиќ го мина целиот подготвителен период со екипата.

Босанскиот кошаркарски репрезентативец, Џанан Муса ќе добие нов договор од Реал Мадрид и ќе се задржи во „кралскиот клуб“ уште најмалку две сезони, објавија шпанските медиуми.

За Муса имаше голем интерес од неколку НБА екипи, но кошаркарот реши да остане во Европа и да продолжи во најтрофејниот клуб на стариот континент.

„Имав важечки договор со Реал, но управата сакаше да влеземе во нови преговори. Клубот ја искористи опцијата да ја продолжи соработката, а јас сум задоволен од понудата. Многумина мислеа дека сакам да заминам, но јас сум среќен во Мадрид. Продолжуваме понатаму“, изјави Муса.

Никола Јокиќ во Денвер Нагетс пред новата сезона ќе добие уште еден играч и тоа колега од репрезентацијата на Србија јавуваат американските медиуми.

Се работи за одличниот Василије Мициќ, кој во моментов е играч на Шарлот Хорнетс, но деновиве најверојатно ќе биде „трејдуван“ и ќе се пресели во Денвер, каде би можел да биде големо засилување за тимот.

Се претпоставува дека треба само да се договорат финасиите каде Мициќ следната сезона треба да заработи околу осум милиони долари, а Денвер во моментов може да си дозволи плата од 5,5 милиони.

Актуелниот шампион во НБА, Бостон Селтикс наскоро ќе има нов сопственик, откако актуелниот шеф Вик Грузбек одлучи да го стави клубот на продажба.

Во американските медиуми се споменуваат неколку можни купувачи, а еден од нив е еден од најбогатите луѓе во светот – Џеф Безос.

Сопственикот на „Амазон“, според информациите, ќе треба да даде „само“ 6 милијарди долари.
Според американските медиуми, Безос веќе ги започнал првичните преговори за купување на Бостон Селтикс, а се очекува разговорите да се интензивираат во блиска иднина.

Словенечкиот кошаркар Горан Драгиќ во голем стил ќе се збогува од кошарката, со меч со бројни кошаркарски ѕвезди, кои ќе ги донесе во Љубљана.

Прошталниот натпревар на Драгиќ ќе се одигра на 24 август во арената „Стожице“, каде ќе биде кошаркарскиот центар на светот.

„Ноќта на змејот“, како што ја нарекуваат средбата, ќе собере големи кошаркарски имиња од регионот, Европа и НБА лигата.

Доаѓањето на натпреварот го потврдија Стив Неш, Лука Дончиќ, Дирк Новицки, Никола Јокиќ Владимир Радмановиќ, Робин Лопез, Крис Бош, Бобан Марјановиќ, Бено Удрих,Богдан Богдановиќ, Марко Симоновиќ, Луис Скола, Дејан Бодирога, Предраг Даниловиќ , Саша Загорац, Небојша Јоксимовиќ, Леандро Барбоса, Зоран Драгиќ, Јака Лаковиќ, Мирослав Бериќ, Јака Блажиќ, Едо Муриќ, Домен Лорбек, Жига Димец, Никола Вучевиќ,, Алексеј Николиќ, Марко Милиќ, Матиќ Ребец, Гашпер Вилдмар, Александар Чапин, Влатко Чанчар, Урош Слокар, Рашо Нестеровиќ, Саша Павловиќ, Сани Бечировиќ, Боштјан Нахбар, Матјаж Смодиш, Примож Берец, Клемен Препелич, Миха Жупан и Саша Ѓорѓевиќ.

Натпреварот е од хуманитарен карактер. Заработката од гала вечерта, која ќе се организира претходната вечер, како и приходите од продажба на билети, ќе бидат распределени на словенечката хуманитарна организација „Ботрство в спроту“ и „Фондацијата Горан Драгиќ“.

Кошаркарскиот клуб на Пелистер работи на формирање на
ростерот за натпреварувачката 2024/2025, а нови имиња во
истиот се двајца македонски кошаркари.
Клубот од Битола ги обезбеди потписите на Петар Бошалески и
Дамјан Крстевски. Бошалески е младински репрезентативец на
Македонија кој во новата средина доаѓа од редовите на
Работнички.
Крстевски пак во минатата кампања беше дел од ТФТ каде на 29
средби во Првата лига имаше учинок од 5,3 поени, 4,6 скока и 1,2
асистенции, додека во АБА2 лигата на 13 средби реализираше
5,4 поени и 3,9 скокови.