Лука Дончиќ синоќа ја мина границата од 12.000 поени во НБА. Словенечкиот ас во дресот на Далас ова го направи на мечот против Оклахома, кој стана негов 419-ти меч во кариерата.

Дончиќ до вакво постигнување стигна за најкус временски период, па од него побрзо до 12.000 поени стигнал само легендарниот Мајкл Џордан, кој ја стигна оваа граница на својот 368-ми натпревар.

На Леброн Џејмс претходно му беа потребни 438 натпревари за да дојде во клубот на кошаркари со 12.000 поени.

Голден стејт Вориорс го засилија ростерот со германскиот репрезентативец Денис Шрудер. Информацијата ја објави НБА инсајдерот, Шамс Чаранија.

Вориорс го зедоа Шрудер од Бруклин Нетс, а во спртивна насока замина бекот Диентони Мелтон и три пикови во втората драафт рунда. Исто така, тие ќе добијат и еден избор од вториот круг.

Шрудер игра одлично оваа година и е еден од најзаслужните што Нетс моментално се во се во плеј-оф зоната во Источната конференција.

Актуелниот светски шампион со Германија во просек бележи 18,4 поени и 6,6 асистенции по натпревар, за 33,6 минути поминати на теренот.

Мелтон, пак, оваа година нема да може да им помогне на Нетс, бидејќи неодамна ги скина вкрстените лигаменти на коленото и за него сезоната е завршена.

На Вориорс итно им беше потребна помош бидејќи по добриот старт загубија седум од последните девет натпревари, а се шпекулира дека ќе донесат уште еден или двајца играчи.

Милвоки и Оклахома се пласираа во финалето на НБА Купот чија завршница се игра во Лас Вегас. Милвоки славеше во дуелот со Атланта со 110-102.

Јанис Адетокунбо забелажа 32 поени, 14 скокови и 9 асистенции, додека Демиан Лилард застана на 25 поени.

На другата страна, кај поразената екипа Тре Јанг и овојпат беше најефикасен со 35 поени, додаде и 7 скокови и 10 асистенции.

Во второто полуфинале Оклахома со 111-96 ја го победи Хјустон и така се најде во големото финале во НБА Купот.

Шај Гилџeс-Александер блескаше со 32 поени, осум скокови и шест асистенции. На другата страна Томпсон со 19 поени беше најефикасен кај поразениот тим.

Финалето меѓу Милвоки и Оклахома е закажано за 18 јануари во 02:30 часот.

Американскиот кошаркар Ентони Рендолф официјално стави крај на неговата богата кариера и најави заминување во спортска пензија.

Играчот кој се прослави носејќи го дресот на словенечката репрезентација се заблагодари на сите навивачи за поддршката и рече дека зад себе остава многу прекрасни и успешни моменти.

Во најдобрите денови Рендолф важеше за еден од најдобрите крилни центри во Европа, но потоа доживеа многу повреди кои го натераа порано од предвиденото да ја заврши кариерата.

Најголемата слава ја доживеа во 2017 година, кога со репрезентацијата на Словенија стана европски шампион, а на клупски план ги бранеше боите на Локомотив Кубан и Реал Мадрид.

Виктор Вембањама потврди дека ќе игра за репрезентацијата на Франција на Евробаскет 2025 година.

Младиот кошаркар на Сан Антонио Спарс ги коментираше неговите планови за вонсезоната следната година.

„Сè уште не ги знам точните датуми, но сепак ќе имаме време да координираме сè со француската репрезентација. Ќе мораме малку да се жртвуваме во однос на физичката подготовка за следната сезона во НБА. Засега дефинитивно планирам секое лето да играм за репрезентацијата“, искрен е Вембањама.

Олимпија Милано ја продолжи извонредната серија на резултати во Евролигата каде оваа вечер дојде до шестото славје во низа и тоа во „Палау Блауграна“ кај Барселона.

„Манекените“ триумфираа со 94-81 и тоа во средба во која клучна беше третата четвртина која гостите од Италија ја добија со 36:17, се стекнаа со двоцифрена предност која потоа без проблеми ја одбранија за деветто славје во 15. натпревар во ова натпреварување.

Ледеј беше во фантастичен ритам и уфрли 33 поени, Митровиќ го следеше со 19 кошеви и 7 скока. Нашиот Ненад Димитријевиќ беше активен 12 минути за кои реализираше 5 поени со 1 асистенција.

Пантер и Андерсон кај поразените искоомбинираа 38 кошеви.

Многу се шпекулира за доаѓањето на НБА во Европа и создавање на нова лига која ќе ја загрози актуелната Евролига, а „Релево“ пишува дека првите чекори се веќе направени.

Шпанските медиуми пишуваат дека НБА веќе ги контактирала Панатинаикос, Реал Мадрид и Фенербахче за да го слушне нивното мислење за новиот проект.

Истиот весник наведува и дека НБА планира што поскоро да започне лига во Европа и дека новото натпреварување би можело да започне веќе во сезоната 2026/27.

Исто така, треба да се напомене дека генералниот секретар на ФИБА, Андреас Загклис, изјави дека НБА покажала интерес повеќе да се занимава со кошарката во Европа и дека деталите ќе бидат познати следниот месец.

Се очекува дел од преговорите да се водат за време на НБА натпреварот во Париз, кој ќе се одржи во јануари.

Она што е интересно е што се споменува името на Панатинаикос како потенцијален тим кој би ја напуштил Евролигата. Неодамна тренерот на „зелените“ Ергин Атаман изјави дека НБА може да им тропне на врата и дека „Евролигата треба да внимава“.

Се чини дека Атаман веќе знаел нешто што многумина не го знаеле, а дали ќе се оствари, останува да видиме.

Според извештаите на американскиот ЕСПН, Лос Анџелес Лејкерс се на пат да предизвикаат вистински земјотрес на НБА пазарот.

Имено, според добро упатениот Шамс Чаранија, четирикратниот МВП Леброн Џејмс и неговиот син Брони Џејмс, кој оваа сезона дебитираше во НБА, наводно се дел од сензационална размена со Голден Стејт Вориорс.

Во замена за Џејмс, Вориорс се согласија на неверојатни услови.

„Лос Анџелес Лејкерс наводно го менуваат четирикратниот МВП Леброн Џејмс, како и Брони Џејмс, со Голден Стејт Вориорс за Ендрју Вигинс, Кајл Андерсон и рекордни девет пикови од првата рунда драфт“., пренесува ЕСПН.

Ова е потег e без преседан во историјата на НБА, бидејќи досега не е забележана размена од ваков обем, ниту пак вклучување татко и син во ист пакет.

Официјална потврда на трејдот и првите коментари од играчите се уште се чекаат, но едно е сигурно, доколку се случи ова, ќе биде трејд за кој ќе се зборува.

Европскиот кошаркарски првак Панатинаикос уште некое време ќе биде без Мариус Григонис кој ќе мора да биде опериран.

Бекот веќе месец и половина е надвор од терените поради повреда на долниот дел од грбот.

Првичниот пристап во рехабилитацијата не вроди со плод и сега Литванецот ќе мора да биде опериран. Григонис имаше обид оваа седмица да тренира со тимот, меѓутоа имаше болка и потоа беше договорено дека мора „под нож“.

Засега непознато е колк долга ќе биде паузата за Григонис, меѓутоа јасно е дека нема набргу да заигра за грчкиот тим.

Кошаркарскиот клуб Олимпијакос донесе нов центар. Грчкиот клуб мораше да реагира на пазарот, бидејќи Мозес Рајт ја заврши сезната, а извезен период поради повреда ќе паузира и Мустафа Фал.

Нов играч на Олимпијакос, кој треба да му биде поддршка на Никола Милутинов во рекотот е Нејтан Менсах. Кошаркарот од Гана е висок 206 сантиметри, а има распон на има распон на рацете од 226 сантиметри.

Менсах договори соработка со тимот од Пиреја до крајот на сезоната, а во договорот има опција за продолжување на уште една година.

Кошаркарот од Гана ќе има можност да дебитира веќе во петок против Црвена звезда кога Олимпијакос гостува на „Белградска Арена“ во 15. коло од Евролигата.

Менсах досега главно играше во Развојната лига, каде што оваа сезона го носеше дресот на филијалата на Сан Антонио Спарс. Тој имаше просек од 5,4 поени, шест скока и две блокади по натпревар.