Српскиот центар во редовите на Денвер, Никола Јокиќ нема да биде суспендиран од страна на НБА лигата.

Според информациите од медиумите специјализирани за вести од најдобрата кошаркарска лига во Светот, Никола Јокиќ ја избегна можната суспензија од НБА и тој ќе биде во составот на Денвер Нагетс за дуелот со Феникс Санс.

На Јокиќ му претеше суспензија поради учество во помал инцидент со сопственикот на тимот од Феникс. На крајот дусциплинската комисија на НБА реши да го казни српскиот играч само парична казна од 25 илјади долари.

Грчкиот шампион Олимпијакос ќе има огромна поддршка од трибините на „мајсторката“ од четвртфиналето на Евролигата, против Фенербахче.

Денеска клубот ги пушти во продажба билетите за петтиот меч од серијата, а тие се продадени за само девет минути што е нов светски рекорд за кошаркарски натпревар. За 4.000 влезници биле испратени дури 85 илјади барања.

„Немаме зборови да ја искажеме нашата благодарност за вашата континуирана поддршка. Заедно да се бориме и вторпат во низа да се пласираме на Ф4 од Евролигата“, напиша Олимпијакос во официјалното соопштение на Твитер.

Петтиот натпревар меѓу Олимпијакос и Фенербахче се игра во вторник од 20:30 часот, а победникот, во полуфиналето ќе игра со подобриот од серијата меѓу Макаби и Монако.

Џоел Ембид од Филаделфија и официјално е прогласен за најкорисен играч во НБА лигата (МВП), пред центарот на Денвер, Никола Јокиќ и Јанис Антетокунбо од Милвоки.

Ембид беше прв во изборот со 73 гласови, Јокиќ добил 15, а гркот од Милвоки – 12.

Ембид беше двапати најдобар стрелец во лигата, со просек од 33,1 поени. Тој оваа сезона одигра 66 натпревари и во моментов се бори со повреда на коленото во плеј-офот серијата.

Ембид е првиот кошаркар на Филаделфија кој ја освоил наградата за МВП по Алан Ајверсон во 2001 година и само вториот Африканец кој е прогласен за најкорисен играч, по Хаким Олајџувон, кој ја освои наградата во 1994 година додека играше за Хјустон.

Од 12 до 20 август во Естонија и Полска, ФИБА предвиде два од трите турнири на европскиот континент, последниот ќе се игра во Истанбул

Машката сениорска репрезентација на Македонија ќе биде дел од осумте европски селекции кои ќе играат во Талин, на еден од трите предвидени  турнири во европската зона на ФИБА. Поточно во Талин, односно Гливице и Истанбул, вкупно 32. национални селекции од Европа ќе се поделат во четири групи (по осум учесници).

Согласно со предвидениот план, групите „А“ и „Б“ (првата фаза) ќе се играат во Естонија односно Полска (завршната во полскиот град), а групите „Ц“ и „Д“ во Турција.

Како осми носител, Македонија заедно со Португалија, за противници во првата, групна фаза, може да ги добие селекциите кои се во првата група на носители (Чешка или Полска), во четврттата (Израел или БиХ),односно петтата (Унгарија или Естонија).

Турнирите ќе се играат во периодот од 12 до 20 август, а само победниците ќе се стекнат со право да играат во олимписките квалификации за настап на Олимпијадата во Париз во 2025 година. 

Нешто подоцна е предвидено да се формираат и натпреварувачките групи на турнирните кои освен Европа, ќе се играат и во Лагос (Африка), во Аргентина ќе се игра во американската зона (градот ќе биде подоцна потврден), исто како што се очекува и потврдата за организаторот на турнирот во Азија.

Аргентинскиот плејмејкер Факундо Кампацо од следната сеозна ќе биде нов/стар играч на Реал Мадрид, пишува шпански „Релево“.

Како што пренесува мадридскиот весник, се било договорено на 17 март во Барселона, кога Звезда и гостувала на истоимениот тим во Евролигата. Во текстот се вели дека Хуан Карлос Санчез, директорот на кошаркарската секција на Реал Мадрид и Алберто Хереро, спортскиот директор, отпатувале во Барселона за да постигнат договор со поранешниот играч.

Враќањето во Реал беше првата желба на Кампацо кога Далас Маверикс го ослободи на крајот на минатата година, но тогаш тоа не беше остварливо поради клаузулата од шест милиони евра. „Релево“ наведува дека понудата на Реал до Кампацо изнесува 1,6 милиони евра.

Ергин Атаман во следните две сезони ќе го води најуспешниот клуб во Грција, Панатинаикос, соопштија вечерва медиумите кај нашиот јужен сосед.

Неколку часа порано беше соопштено дека менаџерот на Атаман ќе има средба со раководството на ПАО на која ќе се разговара за тренерското место, а очигледно состанокот вродил со плод. Атаман ќе има задача да го извади Панатинаикос од тешката криза во која се наоѓа последните три сезони и да го врати на врвот не само на грчката, туку и на европската кошарка.

За почеток, постигнат е договор на две сезони, но постои надеж дека соработката ќе трае многу подолго. Наводно, Турчинот барал тригодишен договор, но на крајот двете страни се согласиле тоа да биде на две.

Интересно е тоа што Атаман ќе биде прв Турчин тренер во историјата на Панатинаикос, а само втор државјанин на оваа земја во екипата од Атина, по Ибрахим Кутлај кој го носеше зелениот дрес од 2001 до 2003 година, плус уште еден краток престој во 2005. Прв пик за нов тренер на ПАО беше Пабло Ласо за кого минатиот месец имаше информација дека е постигнат договор, но очигледно такво нешто не се случило. Во моментов, шеф на стручниот штаб на Панатинаикос е Христос Серелис, но тој е само привремено решение до крајот на сезоната.

НБА лигата за тренер на годината го прогласи предводникот на Сакраменто, Мајк Браун.

Две од трите досега доделени награди му припаднаа на некој од редовите на Сакраменто Кингс. Диерон Фокс е најдобар „клач“ играч, а сега неговиот „командант“ од клупата Мајк Браун е прогласен за најдобар тренер. Браун веќе доби признание за овогодинешните резултати, но од Здружението на тренери во НБА, додека ова е гласање на новинарите.

Инаку, ова не е првпат Браун да добива награда. Првиот пат беше во 2009 година на клупата на Кливленд Кавалирс во првиот мандат на Леброн.

Емил Рајковиќ вторпат во својата кариера е прогласен за тренер на сезоната во регионалната ВТБ лига.

Рајковиќ признанието го доби пред вчерашниот натпревар во полуфиналната серија против Локомотив Кубан кој неговиот тим го загуби со 83-84.

Со ЦСКА, Рајковиќ собори дури пет рекорди: Најдобар старт на сезоната (24-0), најдолга низа победи (24), 30 победи во основниот дел од сезоната (30), 14 натпревари со 100 или повеќе поени и најдобар напад во историјата со просек од 95,6 поени по натпревар.

Во регуларниот дел од првенството ЦСКА стигна до 30 победи во 32 натпревари, додека во првата рунда од плеј-офот го елиминираа Саратов со 3-0.

Треба да се истакне дека Рајковиќ е само втор тренер во историјата на ВТБ лигата кој повеќе од еднаш бил тренер на сезоната, рекордер со четири сезони е Димитрис Итудис. Рајковиќ ова признание претходно го доби во 2019 година.

Пол Џорџ, веројатно нема да му помогне на својот тим во серијата од првото коло на НБА-плејофот против Феникс. Ова го објави инсајдерот на „ESPN“, Адријан Војнаровски.

Џорџ продолжува да минува низ процесот на закрепнување, но тимот не смета на помошта од играчот во серијата со Санс.

„Се чувствувам подобро. Работам напорно секој ден. Тренирам шест дена во неделата и одам на рехабилитација. Ќе ја искористам секоја шанса. Сè ќе биде решено во последен момент“, рече Џорџ неодамна на својот поткаст. Напаѓачот е надвор од натпреварите од 21 март кога ги истегна лигаментите на коленото на натпреварот против Оклахома.

Претходно, друг угледен инсајдер, Шамс Чаранија, објави дека играчот постигнал значителен напредок во закрепнувањето и може да учествува во серијата со Феникс.

Наместо да се бори за последното плеј-ин место, Далас реши намерно да загуби од Чикаго и го одигра мечот без своите најдобри играчи, што резултираше со отворена истрага од страна на раководните структури на НБА лигата.

„Маверикси ги прекриша правилата за одморање на играчи во НБА лигата, а тоа го покажаа и со изјавите кои ги дадоа во јавноста и кои покажаа желба тимот да загуби со цел да биде во што подобра позиција на драфтот во 2023-та година. Лигата не утврди дека во ова учествувале и играчите кои беа на теренот. Одлуката на Далас да ги одмора клучните играчи во одлучувачкиот меч со Чикаго го загрози интегритетот на нашиот спорт. Постапката на Далас ги изневери навивачите и лигата„, се вели во соопштението во кое се нагласува дека казната изнесува 750.000 долари.