Легендарниот американски кошаркар Леброн Џејмс ги обелодени своите планови по пензионирањето, наведувајќи дека сака да биде сопственик на НБА клуб со седиште во Лас Вегас.    

„Би сакал да донесам тука клуб во догледно време, им изјави Џејмс на новинарите, откако постигна 23 поени во поразот на Лос Анџелес Лејкерс од Феникс во претсезонски натпревар одигран в Лас Вегас“, рече Леброн. 

Потоа преку медиумите испрати порака до комесарот на НБА лигата Адам Силвер. 

„Тој веројатно го гледа секое интервју кое доаѓа од НБА играчите. Адам, сакам да донесам клуб тука“. рече Џејмс. 

Ова не е прв пат Џејмс да се поврзува со потенцијално нов клуб во Лас Вегас, меѓутоа, според правилата на играта не може да има сопственички удел во НБА екипа додека не замине во пензија.

Кошаркарот на Мајами Хит, Тајлер Хиро, се согласи на повеќегодишно продолжување на договорот со клубот.     

Според претставниците на Хиро, новиот договор е дизајниран за четири години, за време на кои кошаркарот ќе заработи 130 милиони долари. Хиро беше избран од Мајами хит како тринаесетти пик на драфтот во 2019 година. 

Минатата сезона Хиро беше прогласен за најдобар шести играч во НБА-лигата.

Американските медиуми ја пренесуваат веста дека кошаркарот Блејк Грифин потпиша едногодишен договор со тимот на Бостон Селтикс.

Минатата година Грифин настапуваше за Бруклин Нетс, а во Бостон пристига како замена за Италијанецот Данило Галинари кој заработи посериозна повреда на коленото и поради тоа подолг период ќе биде надвор од терените.

Блејк Грифин во својата 12 годишна НБА кариера го има носено дресот на ЛА Лејкерс, ЛА Клиперс, Детроит и Бруклин.

Кошаркарот на НБА лигашот Далас, Лука Дончиќ, изјави оти уживал во секој момент додека настапувал за репрезентацијата на Словенија, пренесуваат денес американските медиуми.     

Дончиќ ова лето играше за Словенија во квалификациите за Светското првенство 2023, а потоа и на Европското првенство на кое неговата репрезентација не успеа да ја одбрани титулата откако загуби во четвртфиналето.

„Се чувствувам добро, но по завршувањето на ЕП дневно спиев 13-14 часови. Успеав да се одморам. Со репрезентацијата на Словенија минав два месеци. Во тој период многу тренирав и имаше многу емоции, им изјави Дончиќ на новинарите по враќањето во Далас. 

Настапите за репрезентацијата бараат многу одрекување. Понекогаш посакуваш да си на некоја плажа, а не на тренинг. Меѓутоа, уживав во секој момент играјќи за Словенија“, додаде Донќиќ. 

Новата сезона во НБА лигата стартува на 18 октомври.

Поранешниот капитен на кошаркарската репрезентација на Србија Мирослав Радуљица е ново засилување на Црвена Звезда.

34-годишниот центар со црвено-белите потпиша двегодишен договор. Негов последен ангажман беше во Кина, а претходно има настапувано и за Ефес, Партизан, Милвоки Бакс, Минесота.

Својот прв натпревар за новиот клуб, Радуљица ќе го има во сабота против екипата на МЗТ Скопје во АБА лигата.

Кошаркарот на Милвоки бакс, Јанис Адетокунбо, има клучен критериум што му овозможува да го одреди најдобриот кошаркар во светот.    

„Знам дека сум ефикасен и му помагам на тимот да успее, јас сум на листата на најдобрите. Имам доволно искуство и зрелост за да го разберам ова. Дали се сметам себеси за најдобар на светот? Според мене најдобар е оној кој со својот тим отиде до самиот крај и го направи шампион. Пред неколку години, кога го направивме ова, легнав во кревет и тивко реков: „Можеби јас сум најдобриот на светот“. Но, сега – не. Најдобриот е победникот. Најдобар во светот во моментов е Стеф Кари“, изјави Јанис. 

Адетокунбо заедно со Кари и со Леброн Џејмс се најголемите ѕвезди последните неколку сезони во НБА-лигата.

Центарот Марк Гасол оваа недела и официјално ќе почне да настапува во шпанското кошаркарско првенство како играч на Џирона.     

37-годишниот Шпанец ја основа Жирона во 2014 година и оттогаш е претседател на клубот. Правилата на шпанското првенство не му дозволија официјално да се пријави на турнирот како играч. Сепак, собранието на лигата ги одобри измените на правилата, објави „Марка“. 

Сега Гасол ќе може да ги извршува двете позиции: претседател и играч. Пред да ја започне кариерата во НБА, Шпанецот играше за Жирона од 2006 до 2008 година. Клубот се распадна во 2013 година, но Гасол основаше нова негова верзија.

Српскиот кошаркар Никола Јокиќ кој е двократен МВП на НБА лигата, изјави дека сака да биде во екипата тоа што некогаш во Сан Антонио беше легендарниот Тим Данкан.

„Сакам да бидам Тим Данкан на Денвер Нагетс, но за да бидам како него ќе мора да освојам неколку шампионски прстени“, изјави Јокиќ за американските медиуми.

Јокиќ потенцира и дека планот му е да го носи дресот на Денвер до крајот на кариерата, бидејќи се чувствува одлично во тимот и градот.

Кошаркарот на Далас Маверикс и репрезентативец на Словенија Лука Дончиќ во изјава за американските медиуми порачува дека сака да стане најкорисен играч во НБА лигата.

Дончиќ веќе неколку години е еден од кандидатите за МВП, но тој уште не успеал да го добие ова признание. Последниве две сезони наградата МВП му припадна на Србинот од Денвер, Никола Јокиќ.

„Пред се очекувам со Далас да се пласирам во финалето на НБА. Знам дека тоа ќе биде тешко но мора да веруваме. Огромен успех би бил доколку бидам прогласен за МВП.Тоа е огромно достигнување, и се надевам дека ќе добијам шанса за тоа“, изјави Дончиќ.

Славниот НБА клуб Бостон Селтикс го суспендира тренерот Име Удока на период од една година поради кршење на клупскиот правилник.

Удока имал љубовна афера со колешка од клубот што по статутот на Бостон е забрането, па така кога аферата се открила во јавноста било сосема јасно дека тренерот на Селтикс го очекува суспензија.

Тимот на Бостон во наредната сезона ќе го води Џо Мацула, кој беше асистент на главниот тренер.