Откако пред неколку дена ја раскинаа соработката со тренерот Дарко Радуловиќ, од екипата на МЗТ СКопје Аеродром денес го објавија името на новиот тренер кој ќе го предводи тимот во наредниот период.

„Еден од најпрепознатливите тренери поврзани со МЗТ Скопје Аеродром во првата деценија од 21. век, Александар Петровиќ, се враќа на клупата на нашиот клуб, откако од денеска и официјално е нов предводник на плаво-белата чета.

Тој доаѓа на местото на Дарко Радуловиќ, со кого беше прекината соработката по неуспехот во финалето од Купот на Македонија пред една недела. За Петровиќ ова ќе биде трето преземање на нашиот клуб, со оглед што претходно седеше на клупата на актуелниот шампион во периодот помеѓу 2001 и 2007 односно 2009 и 2011 година. Има работено уште и во Пелистер, Карпош Соколи и Куманово, а во „Јане Сандански“ се враќа од местото шеф на стручниот штаб на Академија ФМП, каде што работеше изминативе две сезони.

Петровиќ е и поранешен селектор на јуниорската репрезентација на Македонија и секако еден од тие кои беа со МЗТ Скопје во најтешкиот период на клубот, а без кои немаше да следува ниту деценијата со осум освоени титули (една сезона немаше шампион)“ се вели во информацијата објавена на веб-страната на МЗТ Скопје Аеродром.

Една од првите ѕвезди на ЛА Лејкерс, Ентони Дејвис, најверојатно ќе пропушти уште 4-5 недели поради истегнувањето на десниот зглоб.

По петочниот пораз од ЛА Клиперс, Лејкерси имаат скор од 27 победи и  32 порази и се најдоа на 9-тото место во Западната конференција.

Дејвис се повреди во првото полувреме на мечот со Јута минатата среда.

Руските евролигашки клубови ќе продолжат да играат во натпреварувањето, но на неутрални терени, беше објавено во петокот. Евролигата во петокот одржа состанок на кој разговараше за кризната ситуација во Украина со рускиот напад врз таа земја.

Се сретнаа претставниците на 18 клубови и првата точка на одлуката е натпреварите да се играат надвор од Русија.

„Евролигата ќе ги анализира алтернативите за спроведување на одлуките и ќе му даде одобрение на Извршниот одбор на акционери за одобрување, заштита на интегритетот на натпреварувањето, заштита на правото на клубовите да се натпреваруваат на теренот и да го изолираат спортот од политичко дејствување. Сето ова е во согласност со највисокиот приоритет на Евролигата, а тоа е заштита на играчите, тренерите, навивачите и персонал, без никаков ризик“, се наведува во соопштението на Евролигата.

Од натпреварувањето порачаа дека ќе ја следат состојбата и прописите што ги донесуваат поединечни земји.

Дополнително, Евролигата го осуди секој чин на војна, вклучително и оној што се случува во Украина. Генералниот директор на Жалгирис, Паулиус Мотијунас предложи бојкот на сите руски клубови, но не доби поддршка од другите.

18-те клубови членки на кошаркарската Евролига се обединија во мерките по руската инвазија на Украина. Челниците на екипите во најсилното европско клубско натпреварување решија да им ги одземат домаќинствата до крајот на сезоната на трите руски екипи – ЦСКА Москва, Зенит Санкт Петерсбург и УНИКС Казан. 

Натпреварите на овие екипи кои требаше да се одржат во Русија, во наредните недели ќе се играат на неутрален терен. 

Дополнително, одлучено е да се одложи и натпреварот помеѓу ЦСКА Москва и Барселона, кој требаше да се одигра оваа недела.

Поранешниот македонски селектор, Марин Докузовски доби нов предизвик и во наредниот период ќе биде работи во Косово.

Нов клуб на Докузовски ќе биде Пеќ. Одреден период Докузовски беше без клуб, меѓутоа сега ја заврши паузата и седнува на клупата на клубот кој е трет на табелата.

За Докузовски ова е враќање во оваа земја со оглед на тоа што претходно работеше во Сигал Приштина. Во Македонија Докузовски водеше неколку клубови, а најуспешен беше во Работнички.

Кошаркатите на Барселона го одложија своето патување во Русија, каде во петок требаше да играат против Зенит од Санкт Петерсбург а во недела со ЦСКА Москва, во рамките на кошаркарската Евролига.

Иако од Евролигата претходно соопштија дека сите претходно закажани натпревари ќе се играат според планот, екипата на Барселона останала на аеродромот и не планира да патува за Русија.

Словенечкиот кошаркар, Горан Драгиќ,потпиша договор со НБА тимот Бруклин Нетс каде ќе игра    до крајот на сезоната.

35-годишниот играч му се приклучи на тимот на тренерот Стив Неш, со кого во минатото беа соиграчи во Феникс Санс.

Словенецот одигра само пет натпревари за Торонто, но кон крајот на ноември минатата година го напушти тимот од лични причини.

Во својата НБА кариера, Драгиќ има просек од 13,9 поени, 4,8 скока и 3,1 асистенции во вкупно 872 натпревари за екипите на Феникс, Мајами, Хјустон и Торонто.

Тренерот на Филаделфија, Док Риверс се надева дека неговиот тим ќе може да се бори за шампионската титула во НБА-лигата оваа сезона. Пред истекот на рокот за размена, клубот потпиша со Џејмс Харден.

„Мислам дека дојде време тоа да го направиме сега. Долго време сум во оваа лига. Секогаш се сеќавам на шампионскиот Бостон од 2008 година. Знам дека имаме малку време, дека нема да биде лесно да го достигнеме врвното ниво за кратко време. Но, ние треба да се бориме за титулата токму сега“, изјави Риверс.

Филаделфија по 58 одиграни натпревари во НБА-лигата оваа сезона има 35 победи и 23 порази и се наоѓа на четвртото место во Источната конференција.

НБА Ол-стар спектаклот кој се одржа во Кливленд и овој пат предизвика голем интерес кај пошироката јавноста.

Покрај кошаркарските ѕвезди на теренот, на трибините можеа да се забележат и голем број на НБА легенди.

Лука Дончиќ кој беше дел од победничкиот тим на Леброн Џејмс, пред почетокот на средбата имаше изненадувачка средба со најдобриот кошаркар на сите времиња, Мајкл Џордан.

Џордан за време на загревањето му пријде на Дончиќ и го изненади со прегратка и пријателски однос.

После натпреварот, Лука Дончиќ изјави дека останал трогнат од средбата.

„Тоа беше неверојатно, незнам како да го објаснам моментот. Ем Џеј го знае моето име и тоа е доволно за мене“, изјави Дончиќ.

Тренерот на Сан Антонио, Грег Попович, изби на второто место во НБА по остварени победи во регуларниот дел од сезоната.

Спарси предводени од Попович синоќа извојуваа победа на гости против Оклахома со 114:106 што беше 1.333-та за Поповиќ.

73-годишниот кошаркарски стручњак го помина Лени Вилкенс (1332).

Во моментов, Дон Нелсон е лидер по победи меѓу тренерите на НБА (1335). Попович започна да работи како главен тренер на Сан Антонио во 1996 година.