Најдобриот кошаркар на Далас Маверикс, Лука Дончиќ заработи повреда на коленото и скочниот зглоб поради што нема да настапи на дуелот против тимот на Феникс Санс.

Својата повреда Дончиќ ја доби во финишот на натпреварот со Денвер Нагетс при еден дуел со Остин Риверс кој згазна на стапалото на кошаркарот од Словенија.

Од тимот на Далас сеуште нема информација за сериозноста на повредата но сигурно е дека Лука Дончиќ ќе го пропушти следниот натпревар во лигата.

Дончиќ сезонава бележи просек од 24,9 поени, 8,3 скока и 7,9 асистенции по натпревар.

Хрватот Невен Спахија е избран за нов тренер на кошаркарскиот клуб Басконија. Спахија на клупата на шпанскиот тим доаѓа на местото од Црногорецот,Душко Ивановиќ, кој по серијата на слаби резултати доби отказ од клубот.

Екипата на Басконија оваа сезона во Евролигата има скор од само 3 победи на 9 натпревари. 59-годишниот Спахија во Басконија доаѓа од тимот на Кинескиот Шангај Шаркс.

Спортскиот директор на Кошаркарската федерација на Северна Македонија, Тодор Гечевски очекува да продолжи напредокот во женскиот национален тим.

На 11 ноември македонските кошаркарки ги почнуваат квалификациите за Евробаскетот 2023 кој ќе се одржи во Словенија и Израел, против репрезентацијата на Германија на гостински терен во Хале.

„Ги стартувавме тренинзите за квалификациите за Европското првенство. Сите девојки кои се најквалитетни се тука. Имаме некои повреди, но се надевам дека сите работи ќе се санираат и дека со најсилниот состав ќе го стартуваме циклусот. Имаме мал напредок во женската кошарка. Имаме повеќе екипи, две екипи кои играат во ВАБА лигата каде имаат солидни и добри резултати. Се надевам дека тоа меѓународно искуство ќе се примени во репрезентацијата и се надеваме на некој позначителен успех. Најважно од сè е сите да се здрави, да играме најдобро што можеме, па да дојдеме до победа, па зошто да не и пласман на Европското првенство, ако ни се даде шанса“, рече Гечевски на прес-конференцијата одржана во пресрет на почетокот на натпреварите од групата А од квалификациите за Европскиот шампионат.

Александар Ашаданов против Германките ќе дебитира на селекторското место во женската сениорска репрезентација.

НБА лигата ги одреди казните за инцидентот кој се случи на натпреварот помеѓу Денвер Нагетс и Мајами Хит.

Играчот на Денвер, Никола Јокиќ, кој поради неспортски потег и удар над Маркиф Морис од Мајами доби забрана за настап на еден натпревар и ќе мора да плати парична казна од 210.417 долари.

Маркиф Морис од Мајами ќе треба да плати 5.000 долари поради неспортски фаул над Јокиќ кој беше и причина за почеток на инцидентот, а неговиот клубски колега Џими Батлер доби казна од 30.000 долари поради обид за ескалирање на инцидентот и искажување на навреди кон играчите.

Џоел Ембид е четвртиот кошаркар на Филаделфија кој има позитивен резултат на тестирањето за ковид-19.

Центарот на лидерот на Истокот им се придружи на Тобијас Харис, Матис Тибул и Ајзеа Џо, кои исто така се ставени во карантин.

Ембид кој има четири настапи на Ол-стар мечевите, е најдобриот кошаркар во Филаделфија во тековнава сезона. Тој има во просек 21.4 кошеви, 9.4 скокови и 4 асистенции.

Српскиот кошаркар и најдобар играч на Денвер,Никола Јокиќ,  доби исклучување за време на натпреварот против тимот на Мајами кој заврши со победа на Денвер 113:96.

Имено, на нешто повеќе од две минути пред завршетокот на натпреварот, Јокиќ имаше неспортски потег при што со удар во грбот го повреди играчот на Мајами Маркиз Морис кој заврши на паркетот и беше изнесен на носилки. 

Претходно и Морис имаше груб старт над Јокиќ кој очигледно не му го прости истиот  и му врати со иста мера.

.

Најдобриот играч во екипата на Лос Анџелес Лејкерс, Леброн Џејмс, ќе мора да паузира најмалку два месеци поради повреда на мускулот во пределот на абдоменот, пренесуваат медиумите од САД.

Популарниот Леброн, повредата ја заработил на натпреварот против Оклахома во кој ЛА Лејкерс загуби со 107:104.

 Џејмс оваа сезона има просек од 24,8 поени, 7 асистенции и 5,5 скока по натпревар.

Словенечкиот кошаркар Лука Дончиќ, повторно беше клучен играч за Далас, овојпат во победата над Бостон Селтикс.

Екипата на Далас Маверикс го доби натпреварот со 107:104 а победничкиот кош Дончиќ го постигна со звукот на сирената за крај на мечот и предизвика ерупција од задоволство во салата.

Веб порталот Спортико, кој е специјализиран за теми од спортот и бизнисот, објави ранг листа на  најплатените спортисти на сите времиња. 

Рангирањето го извршиле врз основа на добиените плати, наградните фондови, рекламните договори, исплатени бонуси и слични приходи.

Порталот ги пресметал само приходите од периодот кога спортистите имале активна играчка кариера и завршува на 1 јуни 2021 година.

Топ 10

1. Мајкл Џордан (кошарка) – 2,62 милијарди долари

2. Тајгер Вудс (голф) – 2,1 милијарди долари

3. Арнолд Палмер (голф) – 1,5 милијарди долари

4. Џек Никлаус (голф) – 1,38 милијарди долари

5. Кристијано Роналдо (фудбал) – 1,24 милијарди долари

6. Флојд Мејведер (бокс) – 1,2 милијарди долари

7. Леброн Џејмс (кошарка) – 1,17 милијарди долари

8. Лионел Меси (фудбал) – 1,14 милијарди долари

9. Михаел Шумахер (формула 1) – 1,13 милијарди долари

10. Роџер Федерер (тенис) – 1,12 милијарди долари

Извршниот директор на кошаркарската Евролига,Жорди Бертомеу, ќе ја напушти функцијата на крајот од сезоната. 

Одлуката за смена на Бертомеу ја донесоа 11 клубови кои се акционери на Евролигата. На одржаниот состанок, шест клубови гласаа за смена на досегашниот директор, додека пет клуба му дадоа поддршка за останување на функцијата. 

Жорди Бертомеу на местото извршен директор на Евролигата помина цели 22 години.