Легендата на Далас Маверикс и германската кошарка Дирк Новицки откри вознемирувачки детали за неговото здравје. Шампионот на НБА од 2011 година во интервју со фудбалската ѕвезда Тони Крос изјави дека има денови кога не може да се движи поради болки во стапалото. Како што е познато, Новицки е еден од играчите со најмногу сезони поминати во НБА – 21 година помеѓу 1998 и 2019 година.

„Враќајќи се назад, се прашувам дали требаше да ги одиграм моите последни две сезони во НБА. Можеби ако не ги одиграв, мојата нога немаше да ми прави такви проблеми сега. Ќе можам да шутнам топка со децата, што е невозможно во моментов. Моето стапало е во лоша состојба. Има денови кога не можам доволно да се движам поради болки. Не знам дали моите последни две години вредеа затоа што не постигнавме што било како тим. Ме тера да размислувам одвреме-навреме“, изјави Германецот.

Во последните две сезони, на кои Новицки се фокусираше во своето интервју, тимот не постигна никаков успех, па дури и не успеа да се пласира во плеј-офот. Во 2017/18 година тимот заврши со биланс од 24 победи и 58 порази, што пак му овозможи на тимот да ја добие сензацијата Лука Дончиќ од драфтот, а во 2018/19 година Маверикс заврши со скор од 33 победи и 49 порази.

Потполно заслужено, како награда за доминацијата на терените во НБА лигата во јануари, Никола Јокиќ е прогласен за најдобар играч на месецот во Западната конференција.

Српскиот центар од Денвер Нагетс кој е актуелен МВП играч во НБА лигата, по трет пат во кариерата е именован за играч на месецот. Во првиот месец од 2022 година Јокиќ забележа седум трипл-дабл, и оствари просек од 26,6 поени, 13,3 скока и 9 асистенции.

Некои од добро информираните новинари околу збиднувањата во кошаркарската НБА лига, веќе ги објавија имињата на учесниците на натпреварот во забивање за време на Ол-стар викендот.

Како сигурни учесници се наведуваат Оби Топин од Њујорк , Кол Ентони од Орландо , Џејлен Грин од Хјустон и Хуан Тоскано Андесон од Голден Стејт.

Од овие четворица играчи само Оби Топин беше учесник и на минатогодишното натпреварување. Натпреварот во забивање ќе се одржи на 19. февруари, а Ол-стар натпреварот е закажан еден ден подоцна во Кливленд.

Големо засилување за МЗТ Скопје – потпишаа со Војдан Стојановски!

Војдан Стојановски во МЗТ Скопје ќе настапува заедно со неговиот брат Дамјан и во клубот очекуваат да биде еден од клучните играчи во одбраната на титулата во домашното првенство, но промоција во јадранската лига преку АБА2 лигата.

За Војдан Стојановски ова ќе биде враќање во македонската клупска кошарка по повеќе од една деценија, со оглед што интернационалната авантура ја почна во 2011 година, кога замина за Украина.

Од тогашниот настап за Черкасеи мавпи, македонскиот репрезентацивец настапуваше за Доњецк, Алба Берлин, Андора, Реал Бетис, Бујукчекмече, Олденбург, По Ортез и Гравелин. Кариерата ја почна во Вардар, а има играно уште и за АМА-СП, Напредак Крушевац и за Фени Индустри.

Договорот на Војдан е до крајот на сезоната, со можност за евентуално понатамошно продолжување на соработката ако двете страни најдат заеднички јазик по одигрувањето на последниот меч.

МЗТ Скопје Аеродром поднел официјална пријава за организација на завршниот турнир од АБА2.

„Станува збор за добивање можност да се биде домаќин на најдобрите осум екипи од ова натпреварување, што и тоа како би било добро за нашите кошаркари, кои на патот кон АБА-елитата би ја имале поддршката од трибините. Според нашите информации, предводниците на регионалното натпреварување се уште ги прибираат понудите за овој настан, за кој, неофицијално, интерес досега пројавиле и два босански града, Сараево и Бања Лука“, соопштија од клубот.

Фајналејт-турнирот од АБА2 начелно е планиран за месец април, кога екипите, засега според неофицијални информации, би играле според класичен куп-систем односно само по еден натпревар, наместо по два како што беше лани, по кои решаваше вкупниот кош-количник.

По повод две годишнината од трагичната хеликоптерска несреќа во која животот го загуби легендарниот кошаркар Коби Брајант и неговата ќерка Џиана, на местото каде се случи трагедијата,во нивна чест беше откриена статуа. Споменикот се наоѓа на периферијата од Лос Анџелес.

Кошаркарот Никола Јокиќ, продолжува со своите одлични партии за тимот на Денвер Нагетс кој го совлада Детроит Пистонс со резултат 110:105.

Актуелниот МВП на лигата, на овој натпревар успеа да постигне 28 поени, 21 скока и 9 асистенции со што влезе во историјата на НБА.

Имено, Србинот Јокиќ стана првиот играч кој успеа да забележи најмалку 5 илјади поени и 3 илјади скокови на помалку од 500 НБА натпревари.

Јокиќ овој скор го запиша  на вкупно 494 натпревари.

Хрватската кошаркарска федерација го назначи денеска Дамир Мулаомеровиќ за нов селектор на националниот тим, на местото на Вељко Мршиќ со кого изминатиот викенд спогодбено ја раскина соработката.

Новиот селектор Мулаомеровиќ е поранешен хрватски репрезентативец и поранешен селектор на селекциите на Босна и Херцеговина и на Косово.

Мулаомеровиќ во февруари 2022 година беше избран за помошник селектор и тесно соработуваше со својот претходник Мршиќ во стручниот штаб на хрватската репрезентација.

Во својата долга кошаркарска кариера, Мулаомеровиќ има една титула во Евролигата, која ја освои во сезоната 2001/02 со атински Панатинаикос.

Кошаркарот на Детроит Џерaми Грeнт им е интересен на челниците на Лос Анџелес Лејкерс. Според доверливиот Марк Стајн, тие дури подготвиле понуда која Пистонс ќе ја испратат.

„Езерџиите“ би ги испратиле Тејлон Хортон-Такер, Кендрик Нан и пик од првата рунда на драфтот во 2027 година во замена за Грент.

Тој е барана „роба“ во НБА во последните неколку недели, што не е изненадувачки со оглед на игрите што ги пружа откако пристигна во Детроит, дури и оваа сезона.

Крилниот центар има просек од 20,1 поени и 4,8 скока за 33 минути по натпревар.

Кога станува збор за оние кои би тргнале во спротивна насока, Кендрик Нан се уште не дебитирал поради повреда на коленото, додека Хортон-Такер е редовно во трејд приказните.

Неодамна американскиот новинар на „Атлетик“, Џон Холингер, ја анализираше ситуацијата на Тален Хортон-Такер и истакна дека постои шанса тој да биде разменет за Богдан Богдановиќ во Атланта и дека тоа би бил одличен потег во кој сите би профитирале.