Јанис Адетокумбо остана без конкретен резултат во плејофотод НБА лигата втора година по ред и покрај фактот што ја заврши регуларната сезона како еден од најдобрите играчи.

Заедно со Никола Јокиќ и Шеј Гилџис-Александар, Јанис е кандидат за МВП со 30,4 поени, 11,9 скока и 6,3 асистенции.

Како што објави инсајдерот од НБА, Хауард Бек, во подкастот на Зак Ло на „Рингер“, Јанис Антетокумпо ќе може да избира ова лето и тоа помеѓу тимовите на Њујорк, Мајами или Лос Анџелес.

Кошаркарите на Панатинаикос се пласираа во завршниот турнир од Евролигата, откако го победија Ефес, во петтиот натпревар од серијата со 75-67. Панатинаикос на завршниот турнир во Абу Даби ќе ја брани титулата.

Панатинаикос до победата го предводеше Чеди Осман со 28 поени и осум скока. Двоцифрени беа и Кендрик Нан со 12 поени, четири скока и пет асистенции, односно Џериен Грант со 11 поени, осум скока и три асистенции.

Кај Ефес се истакна Елајџа Брајант со 16 поени со четири скока и асистенции, а го следеше Шејн Ларкин со 11 поени, еден скок и четири асистенции.

Тренерот на Кливленд, Кени Аткинсон ја доби наградата за најдобар тренер на сезоната во НБА.

Во својата прва сезона во Кливленд, а во својата петта сезона во НБА, Аткинсон за прв пат стана освојувач на трофејот „Ред Оербах“. Тој ја освои наградата со 401 поен.

Второто место го освои Џеј-Би Бикерстаф од Детроит со 305 поени, а третото место го освои Име Удока од Хјустон со 113 поени.

Аткинсон ги предводеше Кавалирс со 15 последователни победи на почетокот на сезоната, што беше една од трите низи со најмалку 12 победи.

Тимот направи серија од 16 победи, од 5. февруари до 14. март, што е клупски рекорд.

Кливленд имаше најдобар резултат во Источната конференција со 64 победи и 18 порази.

Тоа е втор најдобар резултат во историјата на франшизата, а Аткинсон стана третиот тренер на Кавалирс кој ја освоил наградата, по Били Фич (1975/1976) и Мајк Браун (2008/2009).

Кошаркарите на Денвер Нагетс, во спектакуларен натпревар, се вратија по негативата од 14 поени и ги победија Оклахома Сити Тандер со 121-119 во првиот натпревар од полуфиналето на Западната конференција.

Херои на Нагетсите, во победата во Оклахома се Никола Јокиќ и Арон Гордон. Јокиќ одигра брутален натпревар, постигнува 42 поени, со 22 скока и шест асистенции, а Гордон на помалку од три секунди до крајот постигна тројка за победа.

Денвер имаше негатива во речиси целиот натпревар, на полувреме Оклахома водеше со 10 поени, во третиот период предноста измесуваше 82:68, а во последниот период Тандер влегоа со 90:85.

Трагичар на Оклахома е Чет Холмгрен кој ги промаши двете слободни фрлања за при резултат 119:118 на девет и пол секунди до крајот. Потоа следеше напад на Денвер, кој со тројка го заврши Гордон.

Лука Дончиќ ќе игра за Словенија на Евробаскетот, објавуваат американските медиуми. Сепак, се чини дека играчот на Лос Анџелес Лејкерс сè уште не информирал никого во клубот за своите планови, но го информирал селекторот.

Европското првенство во кошарка започнува на 27 август и трае до 14 септември, а Словенија во првата фаза ќе игра во полскиот град Катовице,, во група со Исланд, Франција, Белгија, Израел и домаќинот.

За да се пласира понатаму, Словенија мора да биде меѓу првите четири селекции, што нема да биде лесна мисија.

Третиот натпревар од четвртфиналето на плејофот на Евролигата по се изгледа беше последен за Ти-Џеј Шортц во Париз.

Порталот „Eurodevotion“, наведува дека Американецот со македонски пасош, во моментов има премногу профитабилни понуди за да остане во тимот на Париз.

Леворакиот плејмејкер играл за (наводно) 450.000 евра оваа сезона, а овој извор најавува дека лесно би можел да потпише за четири до пет пати поголема сума ова лето.

Истиот портал објавува дека во моментов Фенербахче води конкретни преговори со менаџерот на Шортс.

Покрај Фенербахче. заинтересирани за Шортс се: Олимпија Милано, Барселона, Панатинаикос и Анадолу Ефес.

Патникот на завршниот турнир од пресметката меѓу Ефес и Панатинаикос ќе го реши петтиот меч. Вечерва, Ефес успеа да го изедначи резултатото во серијата на 2-2 откако победи со 85-82.

Брајант го предводеше Ефес до победата со 19 поени, Шмитс уфрли 15, а Османи 14. Ларкин имаше девет поени и девет асистенции.

Од другата страна, најдобри беа Осман со 22 поени, Ернангомез со 15 и седум скока, Слукс со 14 поени и шест асистенции и Нан со 12 поени.

Кошаркарите на Барселона го победија Монако во „Блауграна“ со 79:72, во четвртиот натпревар од плејофот на Евролигата.

Барселона го израмни резултатот во плејоф серијата на 2-2, што значи дека „мајсторката“ во кнежевството ќе го патникот на завршниот турнир.

Џабари Паркер ги предводеше Каталонците до победата со 22 поени и два скока, а го следеше Дарио Брисуела со 17 поени. Двоцифрен број на поени во редовите на Барселона постигна уште само Кевин Пантер 11, три скока и две асистенции.

За Монако се истакна Мајк Џејмс со 16 поени, четири скока и пет асистенции, а двоцифрен број на поени постигнаа и Алфа Дијало (3 поени, пет скока и две асистенции), Метју Стразел (10 поени и четири асистенции).

Претодно вечерва, Ефес го победи Панатинаикос по драмата во Истанбул со 85:82 и го израмни резултатот во плејоф серијата на 2-2.

Пласмна на завршниот турнир во Абуд Даби веќе изборија Олимпијакос и Фенербахче.

Грег Попович, еден од најтрофејните тренери во историјата на НБА и долгогодишен стратег на Сан Антонио Спарс, официјално повеќе нема да биде главен тренер на оваа франшиза.

Веста денес ја потврди новинарот Шамс Чаранија. Тој нагласи дека Попович останува во клубот, но во улогата на претседател на Спарс. Со ова завршува неговата импресивна тренерска ера која траеше дури 29 сезони.

Попович веќе некое време отсуствува од клупата поради здравствени проблеми, а во последните месеци тимот го водеше неговиот долгогодишен помошник Мич Џонсон.

Одлуката да се пензионира Попович од тренерската позиција и да се посвети на позицијата претседател на клубот означува почеток на нова ера за Спарс, но и продолжување на влијанието на Попович врз иднината на франшизата преку стратешко лидерство.

Грег Попович е еден од најуспешните и највлијателните тренери во историјата на НБА.

Тој седна на клупата на Сан Антонио Спарс во декември 1996 година и остана таму цели 29 сезони, до мај 2025 година. Во тој период, тој ги предводеше Спарс низ 2.265 натпревари од регуларната сезона, остварувајќи 1.412 победи со 853 порази, што го прави најуспешен тренер според бројот на победи во историјата на НБА.

Под негово водство, Спарс играа во плејофот 22 последователни сезони (1998-2019), а пет пати ја освоија титулата во НБА (1999, 2003, 2005, 2007 и 2014 година).

Тој е познат по својата исклучителна способност за адаптација и развој на играчи. Во неговата ера, тој успеа да изгради династија околу ѕвезди како Тим Данкан, Дејвид Робинсон, Тони Паркер, Ману Џинобили, а подоцна и Каваи Леонард.

Попович беше прогласен за тренер на годината во НБА три пати (2003, 2012, 2014), а во 2023 година беше примен во Куќата на славните.

Покрај клупските успеси, тој ја предводеше и американската репрезентација, со која освои златен медал на Олимписките игри во Токио во 2021 година.

Олимпијакос, тимот со најдобра резулта во регуларниот дел од сезоната во Евролигата, обезбеди пласман на завршниот турнир во Абу Даби. Грчкиот тим ја доби серијата против Реал со 3-1. Вечерва во драматичен натпревар, Олимпијакос победи во Мадрид со 86-84.

Во полуфиналето на завршниот турнир, Олимпијакос ќе игра со победникот од серијата меѓу Барселона и Монако. Четвртиот меч се игра во петок во Барселона, Монако има водство во серијата 2-1.