Ти Џеј Шортс, еден од најдобрите кошаркари во Европа, наводно ја одбил понудата од Барселона од 2,5 милиони евра.

Шортс, годинава „ведри и облачи“ од европската кошарка, а заедно со неговиот Париз е најубавата приказна сезонава во Евролигата.

Американецот со македонски пасош статистички доминираше, па регуларниот дел од сезоната во Евролигата го заврши со 18,8 поени и 7,5 асистенции,а со Париз избори место во плеј-офот.

Со оглед на тоа што неговиот договор со францускиот тим истекува на крајот од сезоната, јасно е дека најголемите европски клубови ќе направат се за да го доведат, а меѓу првите се обиде Барселона.

Според „Планета баскет“, Барса на Шортс му понудила договор вреден 2,5 милиони евра годишно, но тој го одбил.

Се шпекулира дека репрезентативецот на Македонија се уште не сака да донесе одлука за својата иднина, односно дека сака по завршувањето на сезоната да ги разгледа сите понуди од заинтересираните клубови.

Ефес успеа да направи брејк во Атина, на теренот на европскиот шампион Панатинаикос, додека Фенербахче со убедливата победа над Париз дојде на чекор до пласман на завршниот турнир.

Кошаркарите на Ефес го совладаа Панатинаикос во вториот натпревар од четвртфиналната серија од плејофот во Евролигата со резултат 79-76 и го изедначи резултатот во серијата на 1-1.

Ларкин натпреварот го заврши со 20 поени, пет асистенции и три скока, Пи Џеј Дожер постигна 14, а Венсан Поаире забележа дабл-дабл со 16 поени и 10 скока.

Нaјефикасен кај ПАО беше Чеди Осман со 16 поени, Нан забележа 14 поени и шест асистенции.

Третиот натпревар се игра во Истанбул на 29. април.

Фенербахче го победи Париз со 89-72. Екипата на Шарунас Јасикевичиус одигра брилијантно прво полувреме во кое постигна 61 поен и стекна преност од 23 поени, која во овој натпревар ниту Ти Џеј Шортс не успеа да достигне.

Најефикасен во победничкиот тим беше Тарик Биберовиќ со 20 поени (4/4 за два), Најџел Хејс-Дејвис постигна 16 поени, а Марко Гудуриќ 13.

На спротивната страна единствен расположен беше Ти Џеј Шорц со 18 поени, Надир Ифи имаше 15 поени (6/17 од поле), а Тајсон Варди 10 поени.

Третиот натпревар е закажан за 29 април во Париз.

НБА го објави името на добитникот на наградата „Џери Вест“ која се доделува во последните три години.

ауреат е Џејлен Брансон од Њујорк Никс, која доби најмногу гласови, веднаш пред второпласираниот Никола Јокиќ.

Станува збор за награда наречена „NBA Clutch Player of the Year“, односно за најдобриот играч во одлучувачките моменти од натпреварот.

Брансон навистина се истакна оваа сезона во неизвесните завршници и беше фаворит за освојување на овој трофеј, па немаше големо изненадување.

Јокиќ беше и втор фаворит, кој го доби местото што се очекуваше пред објавувањето на конечните резултати. Трет по бројот на гласови заврши Ентони Едвардс од Минесота Тимбервулфс.

Загрепска Цибона, еден од основачите на АБА кошаркарската лига, според информациите кои пристигнуваат од највисокото раководство на клубот, сериозно размислува за повлекување од регионалното натпреварување.

Долгогодишното незадоволство од статусот и третманот се прелеа на последниот состанок.

„Сè кулминираше со последните одлуки на Собранието на АБА-лигата, кои тргнаа кон укинување на националниот клуч со можност за проширување на лигата на 20 клубови, поделени во две конференции“, се вели во клупската реакција на загрепчани.

Како што стојат работите во моментов, Цибона како претпоследен тим и според постоечките правила треба да игра за опстанок во лигата со финалистот од АБА 2 лигата.

Тешки порази доживеаја шпанските великани Барселона и Реал, во првите четвртфинални натпревари во Евролигата. Монако ја победи Барселона со 97:81, а Олимпијакос со 84:72 славеше против Реал.

Кошаркарите на Монако во третиот период го решија мечот кога се одлепија од противникот на +17 и успеаја да сочуваат голема предност и до крајот да го одбранат домашниот терен.

Монако го предводеа Мајк Џејмс и Даниел Теис со по 22 поени, а одличен беше и Ели Окобо со 19 поени и седум асистенции.

Кај Барселона, Кевин Пантер беше најдобар со 16 поени и два скока, Дарио Бризуела додаде 13, колку што постигна и Фал кои имаше и 14 скокови.

Олимпијакос, за разлика од Монако, во првата четвртина ја најави победата, а практично го реши натпреварот до полувремето кое го доби со 47:29.

Саша Везенков беше најефикасен со 23 поени и седум скока.

Го следеа Еван Фурние со 13 поени и Никола Милутинов со 11 поени и осум скока. Најдобар во тимот на Реал беше Серхио Љуљ со 16 поени, додека двоцифрен беше само уште Марио Хезоња со 13 поени.

Тренерот на кошаркарите на Олимпијакос, Јоргос Барцокас, проговори за пресметките со Реал Мадрид во плеј-офот во Евролигата.

„Работевме напорно за да бидеме на првото место и да добиеме полесен противник. Сега се фокусираме на првиот натпревар. Имаме на располагање повеќе играчи и ќе ги одбереме најдобрите“ – рече Барцокас.

„Годинава ги победивме сите, не сакам да правам споредби. Реал одмораше дел од клучните играчи“ – рече тренерот на грчкиот состав.

Кошаркарот на Бостон Селтикс, Пејтон Причард е прогласен за најдобар шести играч во НБА лигата.

Споменатата награда се доделува на кошаркарот кој дава најголем придонес од клупата. Очекувано, Причард славеше пред Малик Бисли од Детроит и Тај Џером од Кливленд.

Бекот на франшизата од Масачусетс имаше просек од 14,3 поени, со 40 отсто реализција во шутот за три поени, што е и негово главно оружје. Во регуларниот дел погоди 255 тројки.

Во лигата е од 2020 година, кога Селтикси го избраа како 26-ти пик во првата рунда на драфтот, а студираше на универзитетот Орегон.

Кошаркарската федерација ја информира јавноста дека деновиве ќе бидат подмирени долговите кон судиите што значи дека ќе може да продолжи натпреварувањето во машка и женска конкуренција.

Раководството на КФСМ одржа состаноци со претставниците на клубовите од Првата МТЕЛ лига (мажи) каде беше унифициран ставот дека во моментов како и останатите спортски клубови во државата, не се во можност да ги подмират своите долгови поради неисплатените финансиски субвенции од соодветниот надлежен орган.

Во очекување на исплатата на државните субвенции, а во интерес на кошарката, соодветните канцеларии за натпреварување при КФСМ, за младински и за сениорски лиги, ќе извршат делегирање на натпреварите за тековната седмица за продолжување на првенството“ -се вели во соопштението на КФСМ.

Македонскиот репрезентативец Ненад Димитријевиќ веројатно ќе го напушти Милано по само една сезона.

Димитријевиќ пристигна во Милано претходното лето, зад себе има солидна сезона (7,6 п, 2,9 ас) и неколку забележителни натпревари (на Реал му даде 22 поени, на Панатинаикос 15, на Фенербахче 15…), но тренерот Еторе Месина во моментов не смета на него.

Последниот меч за Милано Димитријевиќ го одигра на почетокот на април, против Реџана во лигата (9 мин, 4 п.).

Тој отсуствуваше на следните три натпревари, а италијанските медиуми пренесуваат дека Македонецот ќе го напушти тимот на крајот од сезоната иако има уште една година од договорот со клубот.

Неговиот поранешен клуб Уникс, каде Димитријевиќ ги одигра најдобрите натпревари во кариерата, сака да го врати во своите редови.

„Проблемот е што тој има договор со Милано и за следната сезона. Ненад сака да игра, а ние се обидовме да го доведеме пред почетокот на плеј-офот, но Месина беше тврдоглав. Очигледно, Месина не ја сака Русија иако работеше тука долги години со голем успех”, изјави долгогодишениот функционер во клубот, Евгениј Богачев.

Оваа година во трката за најкорисен кошаркар (МВП) во НБА лигата се Никола Јокиќ, Шеј Гилџис-Александер и Јанис Адетокумбо.

Никола Јокиќ ја заврши регуларната сезона со просек на трипл-дабл, Гилџис-Александер беше најдобар стрелец во лигата како лидер на Оклахома Сити Тандер, додека Јанис Адетокумбо беше веднаш зад него според индивидуален учинок.

Кај тренерите најголемото изненадување го предизвика отсуството на тренерот на Оклахома, Марк Дењолт, кој со својот тим забележа дури 68 победи и го имаше најдобриот биланс во регуларниот дел од сезоната.

Наместо него, за тренер на годината се номинирани Кени Аткинсон (Кливленд), Џеј Би Бикерстаф (Детроит) и Име Удока (Хјустон).

Во конкуренција за „Дебитант на годината“ се Закај Рисашер од Атланта, Џејлен Велс од Мемфис и Стефон Кестл од Сан Антонио.

НБА објави и финалисти за наградата за најдобар шести играч – Пејтон Причард (Бостон), Малик Бизли (Детроит) и Тај Џером (Кливленд).

За најдобар дефанзивец, пак, номинирани се Дрејмонд Грин (Голден Стејт), Дејсон Даниелс (Атланта) и Еван Мобли (Кливленд). Даниелс се најде и во конкуренција за играч кој најмногу напредувал оваа сезона, заедно со Ивица Зубац (ЛА Клиперс) и Кејд Канингем (Детроит).