За неколку дена Интер ќе стане сопственост на Саудискиот државен инвестициски фонд (PIF), кој веќе е сопственик на Њукасл. Ова го наведува популарниот американски сајт International Business Times. Арапите ќе му платат околу една милијарда долари (884 милиони евра) на Сунинг, кој моментално има најголем удел во италијанскиот шампион.

Во наредните денови се очекува во канцелариите на „нероаѕурите“ да пристигнат документите за промена на сопственоста. Зад фондот стои престолонаследникот на Саудиска Арабија, Мохамед бин Салман.

Англиските медиуми пренесуваат дека Ливерпул и Манчестер Јунајтед е силно заинтересиран за играчот за врска на Наполи, Фабиан Руиз.

25-годишниот Шпанец пристигна во Наполи од Бетис и веднаш се промовираше во клучен играч во тимот, па сега е стандарден и во шпанската репрезентација.

Англиските гиганти подолго време го следат Фабиан Руиз и сега се спремни да преземат конкретни чекори за негов ангажман.

Јунајтед бара наследник на Погба, кој најверојатно ќе замине од „Олд Трафорд“ на крајот на сезоната и верува дека Шпанецот би бил идеално решение.

Бразилскиот фудбалски репрезентативец, Габриел Барбоса, може да добие понуда да заигра за екипата на Њукасл.

Англискиот тим кој неодамна доби нови богати сопственици, ќе се обиде во јануари да го освежи драстично ростерот и да остане конкурентен во битката за опстанок.

Барбоса кој во минатото настапуваше за Интер и Бенфика, во моментов ги брани боите на Фламенго. Њукасл има намера да го ангажира на позајмица до крајот на сезоната.

Легендата на бразилскиот фудбал, Роберто Карлос, е тренерска опција за турскиот гигант Фенербахче.

Турските медиуми пишуваат дека пропаднале преговорите со Германецот Јоаким Лев кој ја одбил понудата за тренерското место во клубот. Поради оваа причина раководството на Фенербахче размислува за ангажирање на 48-годишниот Бразилец.

Роберто Карлос има искуство како тренер во турското првенство каде претходно ги водеше Сиваспор и Ахисарспор. 

Познато е дека беше и дел од играчкиот кадар на Фенербахче од 2007 до 2009 година.

Менаџерот на Ливерпул, Јирген Клоп, изрази разочарување од играта на неговите фудбалери во поразот од Лестер Сити со 0:1 и призна дека „лисиците“ ја заслужиле победата.

Ливерпул пропушти неколку шанси за постигнување гол на натпреварот, вклучувајчи го и промашениот пенал на Мохамед Салах.

Откако не ги искористија своите шанси, „црвените“ беа казнети примајќи гол од извонредниот Адемола Лукман и натпреварот заврши со победа на Лестер.

Со поразот екипата на Ливерпул се најде во лоша положба и сега заостанува шест бода зад лидерот Манчестер Сити.

„Немавме планови да дозволиме Манчестер Сити да се одлепи. Но, ако играме како вечерва, не треба да размислуваме дека ќе го стигнеме Сити. Ако повторно започнеме да ја играме нашата игра тогаш можеме да се надеваме на победи со што би останале конкурентни“ искоментира Клоп по поразот.

„Немам објаснување за нашиот настап денес, но ќе морам да го најдам, ова е мојата главна грижа во моментов, а не бодовната разлика со Сити. Дури и да победевме со 2:1, сепак немаше да бидам среќен со нашите перформанси. Многу работи не ми се допаднаа во нашата игра. Денес едноставно не бевме ние“, заврши германскиот тренер.

Ковид кризата која овој месец ги зафати клубовите од Премиер лигата, почнудва да зема свој замав и во Шпанија.

Голем број клубови од Ла Лига започнаа да пријавуваат се повеќе случаи на позитивни фудбалери. Натпреварите во шпанската лига продолжуваат идната недела после кратаката пауза за божиќните и новогодишните празници.

Барселона е една од екипите која е во незавидна положба. Тренерот Чави беше информиран дека во моментот има вкупно 7 заразени фудбалери во првиот тим.

Проблемите се уште поголеми ако на ова се додадат и повредените играчи како Педри, Фати, Депај, Брајтвајт, Серхио Роберто, Дест и Феран Торес кој штотуку пристигна како ново засилување во тимот.

Во овој момент Барса има на располагање само 10 фудбалери од кои двајца се голмани. Останува да се види каков тим ќе состави Чави  на натпреварот со Мајорка кој е закажан за 2.јануари.

Дефанзивецот на Олимпик Марсеј, Дуе Чалета Цар е меѓу трансфер целите на Њукасл за јануарскиот период.

„Црно-белите“ имаат потреба за засилување на одбраната, а 25-годишниот централен деганзивец од Олимпик Марсеј е издвоен како еден од  кандидате.

Њукасл ја има најлошата одбрана од почетокот на сезоната во англиското првенство, бидејќи тимот има примено 41 гол и се наоѓа на претпоследното место од табелата.

Токму поради оваа причина менаџерот Еди Хау инсистира на засилување на одбраната, а покрај Чалета-Цар посакувани трансфер цели се и Киран Трипие од Атлетико Мадрид, Џејмс Тарковски од Барнли и други.

Шпанските новинари тврдат дека капитенот на Челзи, Сезар Аспиликуета по завршувањето на сезонава ќе го напушти Лондон и ќе се пресели во екипата на Барселона.

Барселона и Аспиликуета веќе се согласиле на потпишување двегодишен договор и се очекува тој да биде еден од искусните столбови во екипата од „Камп Ноу“.

Аспиликуета оваа сезона има се помалку настапи во тимот со кој менаџира Томас Тухел и се очекува тој да ја прифати евентуалната понуда од Барселона.

Сезар Аспиликуета е член на Челзи од 2012 година, каде пристигна од Олимпик Марсеј. 

Милан е во потрага по замена за дефанзивецот Симон Кјаер, кој ќе го пропушти остатокот од сезоната поради повреда на коленото. Според новинарот Џанлука Ди Марцио, италијанскиот клуб ја разгледува можноста да го доведе дефанзивецот на ПСЖ, Абду Диало.

25-годишниот фудбалер е високо на листата на приоритети на „росонерите“ ценета, но многу работи ќе зависат од тоа дали ПСЖ е подготвен да се раздели со него за сума прифатлива за Италијанците.

Диало оваа сезона одигра 9 натпревари во француската Лига 1 и имаше една асистенција.

Челниците на Реал Мадрид ги прекинаа преговорите со менаџерот Мино Раиола за доведување на Пол Погба од Манчестер Јунајтед.

Реал Мадрид досега важеше за фаворит за потписот на 28-годишниот Французин, но сепак, клубот одлучи да се откаже од Погба.

Тренерот Карло Анчелоти не инсистира на овој трансфер. Тој верува дека Едуардо Камавинга и Федерико Валверде  се иднината на клубот и можат одлично да ја покријат позицијата на која настапува Пол Погба.

Како што е познато, актуелниот договор на Погба со „црвените ѓаволи“ истекува на крајот од сезоната и тој засега не дава никакви изјави дека сака да остане во Манчестер. За само неколку дена, играчот од средниот ред ќе има право да потпише пред договор со друг клуб, кој ќе стапи на сила ова лето.