Според италијанските медиуми, напаѓачот на Париз Сен Жермен е многу блиску до премин во Јувентус.

Менаџерот на Икарди, Ванда Нара, која воедно е и негова сопруга, веќе некое време води интензивни преговори со челните луѓе на „Старата дама“.

Икарди би пристигнал во јануари како позајмен играч со опција за негово купување на крајот од сезоната.

28-годишниот Аргентинец има договор со ПСЖ до 2024 година, а оваа сезона успеа да постигне само 3 гола на 17 натпревари.

Милан се спаси од пораз на гостувањето кај Удинезе со голот на Ибрахимовиќ во последните минути „Росонерите“ влегоа во серија на лоши резултати, а тренерот Пиоли го посочи главниот проблем на тимот.

„Примаме навистина глупави голови, тоа е така бидејќи ја губиме топката, бидејќи носиме погрешни одлуки и играме премногу централно наместо да ја шириме. Не знам дали тоа е од недостаток на самодоверба, мора да бидеме повнимателни кога ја имаме топката во нозе“, изјави Пиоли.

„Мислам дека паднавме малку во дефанзивата во последните неколку натпревари, не сме паметни кога ги почнуваме акциите од дефанзивата, оставаме простор. Тоа е тактичко прашање на кое треба да работиме. Потребен ни е повеќе фокус и квалитет, во спротивно нашиот стил е ставен под ризик“, додаде Пиоли.

Новиот тренер на Манчестер Јунајтед, Ралф Рангник, изјави дека нема намера да го убедува Пол Погба да потпише нов договор и да остане во клубот доколку тој самиот не одлучи така.  

Рангник е на мислење дека секој фудбалер треба да сака да настапува за клуб каков што е Манчестер Јунајтед и дека за тоа не треба посебно убедување.

„Моите фудбалери треба да сакаат да играат и да останат во клубот, особено во ваков голем клуб како Манчестер Јунајтед. Ако некој играч не сака да игра за својот клуб, немојте да мислите дека имам намера и смисла да го убедувам да остане “, вели Рангник.

Договорот на Погба со клубот од „Олд Трафорд“ истекува на крајот од сезоната,  но тој уште не дава дефинитивен одговор дали има намера да го продолжи истиот.

Шпанските медиуми објавија дека ветеранот, Единсон Кавани, сака да го напушти Манчестер Јунајтед и да се пресели во Барселона.

Уругваецот е подготвен да прифати помала плата од таа што ја добива на „Олд Трафорд“ само за да го облече дресот на Каталонците. Новиот тренер на фудбалерите на Барса, Чави Ернандез, сака да купи најмалку еден нов голгетер во јануарскиот преоден рок.

Сепак, конечниот збор околу Кавани кој е во процес на рехабилитација ќе го има новиот тренер на Манчестер Јунајтед, Ралф Рангник.

Менаџментот на Ливерпул е заинтересиран за екстра талентот на Барселона, Пабло Гави. 

Клубот од „Енфилд“ е спремен да ја активира откупната клаузула која стои во неговиот договор, а изнесува 50 милиони евра. 17-годишниот Гави веќе има одиграно 20 натпревари во дресот на Барса и на него се гледа како иднина на тимот од „Камп Ноу“.

Ливерпул сеуште е во потрага на играч од средината на теренот кој би го заменил Џини Вајналдум кој го напушти клубот минатото лето. Барселона од друга страна нема така лесно да се откаже од својот играч, меѓутоа клаузулата во неговиот договор може да направи проблеми поради спремноста на други клубови да ја платат бараната сума.

Тренерот на Реал Мадрид, Карло Анчелоти не го криеше своето задоволство од победата со 2:0 во дерби натпреварот против градскиот ривал Атлетико Мадрид.

„Во голема мера ја подобривме нашата игра во одбраната. Реал Мадрид е силен како тим, а не збир од квалитетни играчи. Тоа е разликата оваа сезона. Дали сме фаворити за титулата? да, мислам дека во моментов сме фаворити, но сепак мора да останеме фокусирани на следните натпревари, бидејќи ароганцијата не е добра работа“, изјави Италијанскиот стручњак.

Со оваа победа, екипата на Реал Мадрид останува на водечката позиција во Ла Лига со освоени 42 бода.

Искусниот фудбалер на Барселона, Жерард Пике, изрази незадоволство после нерешениот резултат од 2:2 на гостински терен со Осасуна.

Барса на два пати имаше водство на натпреварот, меѓутоа домаќинот Осасуна во самиот финиш успеа да постигне гол за израмнување и каталонците мораше да се задоволат само со еден бод.

По завршувањето на средбата свое видување за истата даде Пике.

„Потребна ни е итна победа бидејќи свесни сме дека тимот се наоѓа во критична ситуација. Одигравме добар натпревар, но конечниот резултат не ни оди во прилог. Мислам дека нашите млади играчи ќе се докажат и ќе започнат да носат успеси на клубот. Сега треба само да почнеме да победуваме. Постои голема желба и секој поединец се труди да го даде својот максимум на теренот. Убеден сум дека резултатите ќе дојдат наскоро“, изјави дефанзивецот на Барса.

 Поради акумулирани жолти картони,  Жерард Пике ќе го пропушти натпреварот против Елче на „Ноу Камп“. 

Екипата на Барселона се наоѓа  на 8-то место во Ла Лига со освоени 24 бодови.

Екипата на Бодо/Глимт во последното коло од првенството, забележа победа од 3:0 над Мондален со што стана шампион на Норвешка.

Бодо сезоната ја заврши со предност од три бода пред второпласираниот Молде и ја одбрани титулата од минатата година.

Ова со сигурност е најуспешната фудбалска година на Бодо /Глимт, кој освен шампионската титула во домашното првенство, успеа да се пласира и во елиминационата фаза од Лигата на конференциите.

Грег Попович е минато за селекцијата во кошарка на САД.

Стратегот на Голден Стејт, Стив Кер и официјално е новиот селектор на американскиот „дрим-тим“ кој на секое натпреварување е со највисоки амбиции. Попович неодамна го освои златото на Летните олимписки игри во Токио.

Според актуелниот договор Кер ќе ги води Американците на Мундобаскетот во 2023 и следните Олимписки игри во Париз 2024 година.

Во кариерата Стив Кер е осумкратен освојувач на шампионскиот НБА прстен, петпати како играч и трипати како тренер.

Екипата на Њујорк сити ја освои шампионската титулата во американската фудбалска МЛС лига, откако во синоќешното финале по подобро изведување пенали го совладаа домаќинот Портланд (1-1, 5-3).

Гостите од Њујорк поведоа во 41 минута преку Аргентинецот Кастељанос, а обидите на домаќините да го израмнат резултатот вродија со плод во судиското продолжение, кога Мора со гол во 94. минута го однесе финалето на пенали.

Голманот Шон Џонсон ги одбраните првите два удари од белата точка на Портланд и на крајот беше најзаслужен за премиерната МЛС титулата во клупската историја на Њујорк.

Портланд остана на една титула (2015), а за нив ова беше пораз во финалните дуели.