feature

Гарначо конечно зборува, што навистина се случи во Јунајтед?

Алехандро Гарначо конечно проговори за тешките околности околу неговото заминување од Манчестер Јунајтед, откако имаше одличен настап во победата на Челси од 1-0 против Бенфика во Лигата на Шампионите.

Аргентинецот одигра клучна улога на Стемфорд Бриџ, испраќајќи опасен центаршут кој доведе до автогол на Ричард Риос од Бенфика, единствениот погодок на натпреварот што му донесе важни три поени на Челси.

Преселбата на Гарначо во Лондон следеше по турбулентен период во Јунајтед, каде што, според извештаите, односите со Рубен Аморим биле затегнати. 21-годишниот бил меѓу неколкуте играчи кои биле тргнати од првиот тим откако побарале трансфер, иако не сите детали се целосно познати.

По натпреварот, Гарначо го опиша своето крајно време на Олд Трафорд како „лош момент“, но истакна дека не чувствува лутина кон клубот. Напротив, изрази благодарност за годините таму и рече дека е целосно фокусиран на новиот почеток во Челси.

Лондонскиот клуб го ангажираше Гарначо во летниот преоден рок за сума од околу 40 милиони фунти, обезбедувајќи го со долгорочен договор до јуни 2032 година. Младиот офанзивец веќе остави добар впечаток кај Ензо Мареска, кој го пофали неговиот настап против Бенфика како охрабрувачки за амбициите на клубот во Лигата на Шампионите.

Навивачите му свртеа грб на Слот по серијата неуспеси

Тренерот на Ливерпул, Арне Слот, се соочува со сè поголем притисок по вториот последователен пораз, откако неговиот тим загуби со 1-0 од Галатасарај во Лигата на Шампионите, само неколку дена по поразот од Кристал Палас во Премиер Лигата.

Навивачите сè поотворено го критикуваат тактичкиот пристап на Слот, но и како се искористени огромните средства од летниот трансфер период, кои достигнаа до 500 милиони фунти. И покрај славните засилувања, тимот покажува недоволна поврзаност и слаб напаѓачки учинок.

Многумина сметаат дека новите играчи не ги оправдале очекувањата, а одлуките на Слот, особено во изборот на состав и реакциите за време на натпреварите, се нарекуваат збунувачки и штетни. Тимот делува нестабилно, со бројни грешки, ограничена креативност и загрижувачки недостаток на офанзивна закана.

Иако Слот јавно останува смирен и ја признава разочараноста, тој повикува на трпение и потенцира дека стратегијата на клубот е долгорочна. Но резултатите ја разнишуваат довербата, а навивачите бараат итна тактичка промена пред сезоната целосно да излета од контрола.

Повреда за Алисон, ќе го пропушти натпреварот со Челси

Ливерпул се соочува со сериозен удар пред клучниот натпревар против Челси, откако беше потврдено дека голманот Алисон Бекер ќе го пропушти мечот поради повреда.

Бразилецот се повреди во раниот дел од второто полувреме на претходниот натпревар против Галатасарај и мораше да го напушти теренот. Медицинските прегледи покажаа дека нема да биде подготвен за следниот дуел, оставајќи го Ливерпул без својот стандарден чувар на мрежата.

Оваа загуба претставува голем проблем за одбраната на тимот, особено со оглед на тежината на претстојниот натпревар. Алисон е клучен дел од дефанзивниот систем.

Иако клубот изрази надеж за брзо заздравување, засега нема официјален рок за негово враќање. Сите очи сега се вперени во втората опција, Мамардашвили, и како тој ќе се справи на својот премиерлигашки дебитантски настап.

Пешиќ се повлече, Алимпијевиќ нов селектор на Србија

Светислав Пешиќ повеќе не е селектор на српската кошаркарска репрезентација. Кошаркарската федерација на Србија се збогува со Пешиќ, кој како тренер ја предводеше Србија до сребро на СП 2023 и бронза на Олимписките игри во Токио, со емотивна и сеопфатна изјава.

Недолго потоа, КСС објави дека Душан Алимпијевиќ е новиот селектор на Србија. Станува збор за млад тренер, има само 39 години, но како што објавуваат медиумите во соседството, Алимпијевиќ веќе се докажа како енергичен и посветен стручњак кој се подобрува од сезона во сезона. Во својата кариера, тој ги водеше Војводина, Спартак Суботица, ФМП, Црвена звезда, Автодор, Бурсаспор и Бешикташ.

„Кошаркарската федерација на Србија со задоволство објавува дека е постигнат договор со Душан Алимпијевиќ, кој, според одлуката на Управниот одбор на КСС, денес е официјално назначен за главен тренер на српската машка сениорска репрезентација.

Договорот ќе биде потпишан за период од три години. Во овој период, Алимпијевиќ ќе ги преземе сите одговорности поврзани со подготовките на тимот за претстојните квалификации за Светското првенство („прозорци“ на ФИБА), како и меѓународните натпреварувања.

Американецот Ноел пред потпис со Партизан

Кошаркарскиот клуб Партизан е блиску до наоѓање решение за позицијата центар, каде што имаше сериозен проблем на почетокот од Евролигата, поради повреди и скратена ротација.

„Црно-белите“ се насочени кон американскиот центар и поранешен шести пик на драфтот, Нерленс Ноел.

Во моментов, Жељко Обрадовиќ го има на располагање само Тајрик Џонс, кој не закрепнал сосема, додека неколкумина играчи може привремено да ја пополнат улогата на позицијата „пет“. Сепак, раководството го имаше доведувањето нов центар како приоритет.

Виртус, Жалгирис и Макаби, исто така, покажаа интерес за Ноел, поранешниот шести пик на драфтот на НБА во 2013 година.

Тој помина една деценија во најсилната лига во светот (2013–2023), каде што играше за Филаделфија, Далас, Оклахома, Њујорк, Детроит и за Бруклин. На 467 натпревари, тој имаше просек од седум поени и шест скока, а ја имаше својата најдобра сезона во дресот на Филаделфија со просек од 11 поени и осум скока.

Она што загрижува е тоа што Ноел е без клуб од летото 2023 година, па не се знае како ќе се покаже со толкаво отсуство од кошаркарските терени.

Сериозна повреда за Смарасон од ПИК Сегед

Исландскиот ракометен велемајстор, Јанус Смарасон, доживеа посериозна повреда и ќе мора да биде надвор од терените, а засега уште не е познато колку долго ќе трае процесот на рехабилитација.

Во поразот на унгарскиот вицешампион против Татабања од 30-34, средниот бек на ПИК Сегед заработи повреда на коленото, за која првичните проценки велат дека е од сериозна природа. Доколку се потврди дека сезоната е завршена за Исланѓанецот, тренерот Апелгрин ќе мора сериозно да ја скрати ротацијата и да се потпре на дуото Готфридсон-Кукиќ.

Но, тука има уште еден проблем, затоа што Србинот Лазар Кукиќ сè уште не ја залечил целосно повредата и уште не е во добар натпреварувачки ритам.

ПИК Сегед во моментов е третопласиран тим во групата Б од Лигата на шампионите, каде се натпреварува и македонскиот шампион,Е.Пелистер.

Ролан Гарос им верува на судиите и не ги прифаќа електронските методи

Единствениот тениски турнир Грен Слем на земјена подлога, кој се одржува секоја година на Ролан Гарос во Париз, ќе користи линиски судии следната година, соопшти Француската тениска федерација, која го управува турнирот. Другите три Грен Слем турнири – Австралија Опен, Вимблдон и САД Опен – се префрлија на електронски методи за утврдување дали топката слетала во или надвор од теренот.

Системот за прв пат беше експериментално користен во 2017 година на финалето на Next Gen ATP во Милано, каде што се натпреваруваа осумте најдобри играчи под 21 година, и се користи на сите настани на ATP Tour од оваа сезона.

Француската тениска федерација (FFT) изјави дека ќе се држи до употребата на линиски судии бидејќи тие покажаа висок стандард за време на овогодинешниот турнир.

„На следниот Ролан Гарос, FFT ќе продолжи да ја истакнува извонредноста на француските судии, признати низ целиот свет, од чии услуги организаторите на турнирот се целосно задоволни“, беше објавено во понеделник.

На овогодинешното издание на турнирот учествуваа 404 судии, од кои 284 беа од Франција. Специфичноста на Ролан Гарос е што судиите можат да ја видат трагата оставена од топката на црвената глинена површина, што придонесува за подобро донесување одлуки, но сепак има простор за таканаречена „човечка грешка“.

Електронскиот систем, кој е развиен за да ги препознава разликите во зависност од тоа дали станува збор за тревна, бетонска или глинена површина, веќе се користи на турнири од пониско ниво. Неговата точност не е 100%, но е многу висока.

Сепак, оваа година имаше ситуации во кои играчите беа зашеметени кога системот откажа, како што можеше да се види за време на Вимблдон или на турнирите во Мадрид и Штутгарт, каде што тенисот се играше на глина.

Она што најмногу ги збуни беше фактот дека во случаи на очигледни грешки, кои беа потврдени и со снимки во забавена снимка за време на телевизиските преноси, судиите на столот немаа можност да ја променат одлуката на електронскиот систем.

Интер Мајами загуби од Чикаго во меч со осум гола

Чикаго ја прекина серијата од пет победи на Интер Мајами. Меси и неговите соиграчи загубија со 3-5 од Чикаго во натпревар од регуларната сезона на МЛС лигата.

Аргентинската мегаѕвезда имаше лоша вечер откако не успеа да постигне гол, постигнувајќи барем по еден гол во секој од претходните четири натпревари.

Џеј Д’Авила (11) и Џонатан Дин (39) му донесоа на Чикаго убедливо водство пред Томас Авилес (39) да ја врати неизвесноста во натпреварот. Кратко пред крајот на првото полувреме, сепак, Роминиг Н’Гесан ја врати предноста на Чикаго од два гола. Во второто полувреме, на сцената излезе Луис Суарез (57, 74), кој постигна два гола за израмнување на резултатот.

На крајот, сепак, Чикаго ги освои сите три бода со двата гола на Џастин Рејнолдс (80) и Брајан Гутиерез (83).

Мајами е на четвртото место на табелата во Источната конференција со 56 бода од 31 натпревар, додека Чикаго има 51 бод и е на 8-то место. Лидер е Филаделфија со 63 бода.

Ангел Петрушев на 57. место на СП во кајак во Сиднеј

Во Сиднеј се одржува Светското првенство во кајак слалом, најголемиот и најпрестижен настан за оваа година во овој воден спорт.

На првенството учествуваат најдобрите кајакари од целиот свет, а Македонија на ова СП го имаше како свој преставник велешанецот Ангел Петрушев. Тој настапи во дисциплината K1 (кајак едносед) и со својот настап го освои 57-то место од вкупно 75 натпреварувачи кои се појавија наљ стартот, а 74 ја завршија трката.

Ангел Петрушев во квалификациите имаше време од 99.59 секунди или +12.65 од најдоброто време во овие квалификации. Самото учеството на Петрушев е значаен чекор за развојот и промоцијата на кајак слаломот во Македонија.

Дубаи демонстрираше сила на дебито во Евролигата

Со убедливи победи на дебитантите Дубаи и Хапоел започна новата сезона во Евролигата. Дубаи го победи Партизан со 89-76, а Хапоел славеше во дуелот со Барселона 103-87.

Поранешниот кошаркар на Партизан, Дејвис Бертанс, го предводеше Дубаи до историската прва победа во Евролигата. Летонецот го заврши натпреварот со 20 поени (11 во првата четвртина) , 3 скока и 4 асистенции.

Џанан Муса заврши со 19 поени, 4 скока и 5 асистенции, Мфионду Кабенгеле имаше 15 поени и 5 скока, Филип Петрушев имаше 14 поени и 8 скока.

Во тимот на Партизан, Тајрик Џонс беше најистакнат стрелец со 13 поени и 6 скока, а имаше и по 2 асистенции, блокади и украдени топки, како и 3 изгубени топки и 4 лични грешки.

Хапоел домашните натпревари ги игра во Софија. Актуелниот шампион во Еврокупот ја победи Барселона со 16 поени разлика. Василије Мициќ постигна 18 поени со три скока и две асистенции во својот прв натпревар во Евролигата во дресот на Хапоел.

«< 104 105 106 107 108 >»