Капитенот на Челзи, Рис Џејмс се повреди на тренинг и според
„Гардијан“ станува збор за мускулен проблем во задниот дел на бутот,
повреда која е сериозна и дефанзивецот нема да игра со месеци.
Поради ваквата повреда Џејмс ги пропушти последните седум
натпревари од минатата сезона, а неговото потенцијално долго
отсуство сега ќе биде многу сериозен проблем за менаџерот
Маурисио Покетино.
Засега нема точни информации за должината на отсуството на Џејмс,
но прогнозите не се оптимистички.

Интер е силно заинтересиран за младиот дефанзивец на Челзи,
Тревор Чалоба, пренесуваат италијанските медиуми.
Интер во летниот преоден рок сака да доведе дефанзивец кој ќе го
замени Милан Скриниар.„Нероаѕурите“ веќе ја почнаа потрагата, а
најново име на списокот е дефанзивецот на Челзи, Тревор Чалоба.
Чалоба е младински репрезентативец на Англија, може да игра на
повеќе позиции во одбраната и поради тоа е голема желба на Инзаги.
Цената на Чалоба во моментов изнесува помеѓу 20 и 25 милиони евра,
но Интер сака да го доведе на позајмица со право на откуп. Како
алтернатива се споменува стоперот на Тотенхем, Танганга.

Ливерпул и Манчестер Јунајтед се силно заинтересирани за играчот
за врска на од Баерн Минхен, Рајан Гравенберх.
Клоп сака да донесе уште еден играч за врска после заминувањето на
Хендерсон, а откако ја загуби битката за Каиседо сега се насочува кон
Гравенберх. Тен Хаг бара засилување за средниот ред, а одлично го
познава Гравенберх од времето кога двајцата беа во Ајакс.
21-годишниот холандски талент блесна во дресот на Ајакс и направи
трансфер во Баерн, каде не добива голема минутажа и е спремен да ја
промени средината.
Самиот играч јавно го изрази незадоволствот од малата минутажа и
сака да направи трансфер ова лето, а Баерн за неговара слобода бара
30 милиони евра.

Бенџамин Павард е голема желба на милански Интер, пренесуваат италијанските медиуми.

24-годишниот Французин има договор со Баерн до 2024 година, но одби да го продолжи договорот, па е мета на многу европски клубови.

Интер е во потрага по дефанзивец, а Павард може да игра и како десен бек и како стопер, па е најголема желба на Инзаги.

„Нероаѕурите“ се спремни да понудат 25 милиони фунти за Французинот, но Баерн тешко дека ќе се согласи да го пушти за таа сума.

Јасин Боно веднаш по завршувањето на обврските во Суперкупот на Европа со Севиља го комплетираше трансферот во Саудиска Арабија.

Голманот кој блескаше на Мундијалот во Катар така им се придружи на Нејмар, Савиќ, Кулибали и Рубен Невеш кои претходно потпишаа за овој саудиски клуб.

Севиља како оштета за Боно ќе добие сума од 21 милион евра. Боно со Ал Хилал стави потпис на договор до 2026 година.

Ѕвездата на Манчестер Сити, Кевин де Брујне ќе биде опериран во својата татковина во наредните денови, по што се очекува да паузира околу четири месеци или речиси до Нова година.

Играчот од средниот ред заработи повреда на тетивата на средината на првото полувреме против Барнли минатиот петок и се чинеше дека проблемот е ист како оној од финалето на Лигата на шампионите.

„Граѓаните“ оценија дека оперативната интервенција е императив и во овој случај ќе биде извршена во Антверпен, по што Де Брујне ќе започне со закрепнување.

Доаѓањето на Деко на местото на Матео Алемани, заедно со непродолжувањето на договорот на Жорди Кројф по негова одлука, ќе предизвика промени во целата спортска структура на Барселона.

Деко сега е спортски директор и има апсолутна контрола врз одделот кој досега го имаше Алемани и назначува луѓе за кои верува дека покрај него ќе почнат да прават добри работи за Барселона.

Еден од нив ќе биде Бојан Кркиќ. Поранешниот играч на Барселона ќе работи рамо до рамо со Деко. Неговата главна мисија ќе биде да ги следи тренинзите на играчите и да биде еден вид врска помеѓу тимот и раководството

Кркиќ своевремено во минатото го носеше дресот на Барселона, но никогаш не ги исполни големите очекувања кои ги имаше фудбалската јавност од него, а настапуваше и во познатата „Ла Масија“.

Поранешниот фудбалер ќе има задача и да ги следи фудбалерите на Барселона кои се на позајмица и на оние од помладите категории кои можат да добијат место во првиот тим.

Кркиќ играше за Барселона од 2007 до 2011 година и постигна 26 гола на 104 натпревари.

Италијанскиот „Кориере дело Спорт“ вчера објави дека УЕФА донела одлука следната сезона еден арапски тим да игра во Лигата на шампионите, но денес Звонимир Бобан кој е еден од главните оперативци во европската куќа на фудбалот ги демантираше овие најави.

Во изјава за „Вечерњи лист“, Бобан истакна дека станувало збор за глупости и измислици кои немаат врска со реалноста.

„Тоа се глупости и измислици од наводно сериозен весник од Италија. Сериозни новинари или новински куќи прашуваат дали е нешто вистина или не, не пишуваат глупости.

Во Лигата на шампионите, како и сите други натпреварувања на УЕФА ќе играат само европски клубови, тоа го повторил и претседателот Чеферин повеќе пати“, изјавил Бобан.

УЕФА ја објави листата на тројца финалисти за изборот на „Фудбалер на годината“ на церемонијата која ќе биде одржана на 31. август за време на ждрепката за групната фаза за Лигата на шампионите.

Лионел Меси кој ја предводеше Аргентина до освојување на Светското првенство ќе води битка со Ерлинг Халанд и Кевин Де Брујн од Манчестер Сити.

Покрај тројцата финалисти гласови добиле уште: Илкај Гундоган (129), Родри (110), Килијан Мбапе (82), Лука Модриќ (33), Марсело Брозовиќ (20-), Деклан Рајс (14), Алексис Мекалистер (12) и Хесус Навас (6).

УЕФА ќе избира и тренер на годината, а за ова признание ќе се борат Пеп Гвардиола, Лучијано Спалети и Симоне Инзаги. Нема дилеми дека Гвардиола кој го водеше Сити до европската и англиската титула е главен фаворит.