Антонио Кордеро, попознат како Антоњито е на мета на Реал Мадрид и Барселона, пишуваат шпанските медиуми.
Талентираниот 18-годишен играч на Малага, кој е еден од предводниците на младинскиот тим на „Црвената фурија“, веќе подолго време е цел на гигантите од Шпанија, а неодамна го презеде Пини Захави, менаџер кој е многу близок со Барселона, со оглед на тоа што ги застапува Флик, Левандовски и други.
Барселона веќе направи некои потези ова лето, но Малага не беше заинтересирана за соработка. Но, со оглед на тоа што договорот на Кордер истекува во јуни следната година, Марка пишува дека челниците на Малага подготвуваат трансфер веќе во зимскиот преоден рок.
Понуда пристигна и од „Сантијаго Бернабеу“, но се чини дека Антонио во моментов е поблиску до Барселона, судејќи по поврзаноста на менаџерот Захави со каталонскиот клуб.
Реми во меч полн со емоции на Еурофарм Пелистер и Фредериција
Ракометарите на Еурофарм Пелистер одиграа крајно драматичен и неизвесен натпревар против Фредериција во рамките на 8.коло од Лигата на шампионите. Натпреварот во Битола донесе многу возбудувања, а на крајот немаше победник и средбата заврши со 29-29.
Во прво полувреме домашната екипа не успеваше да ја пронајде својата игра и во текот на првиот дел гостите беа во константна предност за на одмор да се замине со 13-16.
Во второто полувреме многу подобра игра на Еурофарм Пелистер и успеа да ја анулира предноста на Фредериција и а дојде и до предност, но за жал не и да победи пред домашната публика. Домашните ракметари го имаа последниот напад при резултат 29-29 и цела минута за да постигнат гол, но не успеаа во таа акција и средбата заврши без победник.
Барса ќе се врати на „Камп Ноу“ во февруари 2025 година
Барселона денес се огласи по повод потенцијалното враќање на „Камп Ноу“.
Како што е познато веќе година ипол најголемиот стадион во Европа е во реконструкција и ќе биде еден од најубаите на стариот континент.
Првобитиот план беше Барселона да се врати на „Камп Ноу“ на 29 ноември на прославата на 125. роденден, но такво нешто не се случи.
Враќањето е поместено за јануари, а Барса сега потврди дека натпреварите со Валенсија и Алавес на 26 јануари и 2 февруари ќе ги игра на „Монжуик“. На официјалниот профил Барселона потврди дека последниот натпревар од групната фаза ќе се игра на „Монжуик“ поради правилата на УЕФА да не се менува домаќинството пред крајот на групната фаза.
Иако Барселона не потврди кога точно ќе се врати, медиумите започнаа да шпекулираат дека тоа може да биде на 15 или 16 февруари во натпреварот против Рајо Ваљекано.
Гереро: Меси е заштитен, не можете да го допрете со прст
Aргентинската репрезентација славеше победа од 1-0 против Перу во рамките од квалификациите за Светското првенство, а голот го постигна Лионел Меси.
По овој дуел внимание привлече изјавата која ја даде репрезентативецот на Перу, Пабло Гереро. Како што вели тој Меси е премногу заштитен и судиите реагираат на секој контакт.
„Ако Меси го допрете со прст, судијата веднаш суди прекршок. Премногу е заштитен“, изјави Гереро по поразот.
Аргентина е блиску да го потврди пласманот на Мундијалот бидејќи по 12 одиграни кола е прва со 25 бодови.
„Комити“: Ни рекоа дека Вардар нема да постои ако не дојде Неделковски
По промената на во раководството Вардар денеска ја одржа првата прес-конференција која беше организирана од навивачката група „Комити“.
Додека се чека новиот сопственик, Атила Бижен Жалили „Комити“ повторно застанаа пред медиумите согласно најавената транспарентност. Во овој момент навивачката група со 15% е малцински акционер преку здружението „35 години Вардарци Скопје“.
За случувањата во клубот информираше Милорад Миленковсски.
„Согласно нашата транспарентност сакавме јавно да излеземе и да презентираме како стојат работите. Сакавме тука да се присутни новиот извршен директор и сите од одборот директори, затоа што станува збор за „клуб на народот“ и сакаме така да остане. Би било во ред и господинот Атила Бижен Жалили кога се уште не сме го виделе да се појави во јавноста и објасни какви се плановите со клубот. Како и да е ние сме тука како бранители и искрени поддржувачи на Вардар.
Средба со владата имавме на 10 јуни и ни кажаа дека имаат решение за Вардар, но треба да им ги предадеме акциите. Инсистираа Миленко Неделковски да биде извршен директор. Прво не прифативме, но на 3 јули бевме принудени да му пружиме рака на Миленко и постигнавме договор да задржиме 15% од акциите за да реагираме ако следи лош тек на настаните.
Договорот со Атила Жалили се завери на 10 октомвори и на 11 ноември како што Миленко милува да каже во 11 часот и 11 минути се одржани Собрание на кое се потврдија промените. Еден извршен член е поставен од Атила Жилали и тоа е Миленко Неделковски, тука се уште три неизвршени членови од нивна страна и еден неизвршен член од наша страна.
За неизвршни членови на Одборот на директори на Вардар се избрани Владо Петровски, Александар Кузмановски и Борче Крстоски Илиоски, а за неизвршен член од наша страна е предложен и избран Мартин Гелев.
Немаме стереотипи кон одредени луѓе, само кажавме дека Миленко не е достоен да биде во Вардар, нашиот став е дека на чело на Вардар треба да биде човек кој не го поларизира општеството и не ги политизира работите во спортот. владата се појави и ни даде гарант дека работите ќе бидат во ред.
Претставник на Владата во разговорите беше Владимир Неловски и во тие разговори јасно ни беше кажано: Или Миленко ќе биде во Вардар или клубот нема да постои. Знаевме дека немаме некои силни преговарачки опции и единствено што можевме е да прифатиме“, разјасни Миленковски.
Чави главен фаворит за наследник на Тата Мартино
Тата Мартино поднесе оставка на функцијата во Интер Мајами и како причина за заминувањето ги наведе личните причини. Мартино освои најмногу бодови со тимот во кој играат Лионел Меси, Луис Суарез, Џорди Алба и Серхио Бускетс во регуларниот дел од сезоната, но сензационално по три натпревари испадна во првото коло од плеј-офот од Атланта јунајтед.
Откако во тимот донесе неколку поранешни ѕвезди на Барселона, МЛС клубот од Мајами ќе се обиде да доведе уште еден поранешен ас на каталонскиот тим и да го стави на тренерската позиција, пренесуваат шпанските медиуми.
Станува збор за Чави, кој како играч освои 25 титули со Барселона, а како тренер ги предводеше до титулата шпански шампион во сезоната 2022/2023. Моментално е без работа откако во мај годинава доби отказ од Барса.
Тогаш најави дека ќе паузира од фудбалот една година. Шпанските медиуми не се уверени дека Чави ќе биде новиот тренер на Интер Мајани, бидејќи претходно ги одби понудите од Манчестер јунајтед и Рома.
Освен Чави, меѓу кандидатите за преземање на МЛС тимот од Мајами се актуелниот селектор на Албанија, Силвињо, Хавиер Маскерано, Јоаким Лев, Френк Лампард, Јирген Клинсман…
Романија доби службена победа во дуелот со Косово
Европската фудбалска унија (УЕФА) со службрн резултат 3-0 за Романија го регистрираше прекинатиот натпревар меѓу Романија и Косово одигран во Букурешт. Натпреварот се одигра пред пет дена во рамкина Ц дивизијата во Лигата на нации.
Репрезентативците на Косово, на три минути до крајот на натпреварот се повлекоа од теренот поради провокациите од трибините, односно извиците: „Србија, Србија“ и „Косово е Србија“. Подоцна го игнорираа повикот на главниот судија да излезат од соблекувалната и да го доиграат натпреварот.
УЕФА го казни Фудбалскиот сојуз на Косово и парично со 6.000 евра за непримерно однесување.
Мекиќ: Мораме да веруваме во позитивен резултат против Литванија
Македонија против Литванија, во четврток навечер, од 18:00 часот во салата на СРЦ „Кале“, ќе го играат натпреварот од третиот круг од евро-квалификациите за пласман на наредниот Евробаскет во 2025 година.
Нашите најдобри кошаркарии успешно го одработија и третиот ден од подготовките за двомечот со селекцијата која доаѓа од Балтикот.
Репрезентација која е фаворит во оваа конкуренција во која освен нашата селекција се уште и Естонија и Полска. Запознат е со квалитетите на нашиот ривал и Адем Мекиќ:
„Литванија е една од најсилните репрезентации во светот, а дуелите со неа се од исклучително значење за нас. Имавме успех на гостувањето во Полска, ќе мораме сите да бидеме на висина на задачата, да дадеме 200% од нашите можности, и да се обидеме да изненадиме барем на домашен терен“.
Нашиот крилен играч го респектира противникот и смета дека за „нешто повеќе“ ротив фаворитот ќе ни треба, пред се, доста агресивност во о вие, но и оние 40. минути кои следуваат во Клаипеда.
„Како репрезентација, мораме да бидеме агресивни, секако дека го респектираме противникот, но не треба да се повлечеме. Мораме да веруваме во позитивен резултат“, рече Мекиќ по успешно одработениот тренинг во СРЦ „Кале“.
Надал: Сакам луѓето да ме паметат како добар човек од мало гратче на Мајорка
Рафаел Надал по поразот на шпанската репрезентација синоќа од Холандија (1-2) во четвртфиналето на Дејвис купот, проговори како навивачите треба да го паметат.
„Титулите се важни, но најмногу сакам да бидам запаметен како добар човек од мал град на Мајорка и момче кое постигна повеќе отколку што можеше да замисли“, изјави Надал на тернот во Малага.
Ова беше последен турнир во кариерата на 38-годишниот Шпанец. Има 1.080 победи во сингл и 92 титули, вклучувајќи 22 Грен слем титули. Надал е сопственик и на две златни олимписки медали.
Во полуфиналето на Дејвис купот, Холандија ќе игра со победникот од пресметката Германија – Канада.
Левандовски се премисли, сега сака нов договор во Барселона
Фудбалерот, Роберт Левандовски, е презадоволен како се одвиваат настаните во екипата на Барселона и сака да потпише нов договор кој ќе биде валиден до 2027 година, наведуваат денеска шпанските медиуми.
36-годишниот ветеран има одличен старт на сезоната и досега постигна 19 голови на 17 натпревари во сите конкуренции.
Полјакот кој беше купен од Баерн Минхен во 2022 година, досега има 78 гола и 19 асистенции.
