Приоритет на Ливерпул во летниот преоден рок ќе биде засилување на средниот ред. Клоп сака да донесе најмалку двајца квалитетни играчи за врска, а најновото име на списокот е Ренато Санчез од ПСЖ.
Португалецот не добива голема минутажа во Париз и главно ја грее клупата за резерви, па е спремен да ја промени средината.
Најсилен интерес за него покажуваат неколу клубови од Премиер лигата кои веќе стапиле во контакт со неговиот агент. ПСЖ е спремен да го продаде, а Ливерпул сака да ја победи конкуренцијата.
Клоп смета дека Португалецот ќе биде идеална замена за Наби Кеита, кој заминува од „Енфилд“ како слободен агент.
Шефилд Јунајтед ставен на продажба ден по промоцијата во Премиер лигата
Фудбалерите на Шефилд Јунајтед изборија директна промоција во Премиер лигата, но нивниот сопственик, принцот Абдула бин Мусаид веќе планира да го продаде клубот.
Саудискиот принц склучил договор со нигерискиот бизнисмен Дози Момбуоси пред Божиќ, со што би добил 115 милиони фунти.
Сепак, сопственикот на „бладс“ сега бара други купувачи и се надева дека пред почетокот на сезоната ќе биде познат новиот сопственик.
„Ако дојдеме до одлука, сакам да биде пред подготовките за следната сезона, за да не се одрази на тимот. Ако сме во клубот, ќе го водиме најдобро што можеме. Мојата намера е да се продаде, но ништо не е загарантирано“, изјави Саудиецот.
Шефилд по две сезони поминати во Чемпионшип се враќа во елитното место на англискиот фудбал, а потврда за нивниот квалитет беше ФА Купот каде во полуфиналето беше елиминиран од Манчестер Сити.
Пети: Ако Мбапе сака „Златна топка“ мора да го напушти Париз
„Ако не можам да ги изберам двајцата, тогаш ќе го ставам Мбапе на врвот. Тој игра неверојатно од својата 17-та година, ги урна сите рекорди во Франција и е симбол за фудбал во нашата земја.
Сепак, ќе бидам и искрен кон него. Ако сака да ја освои Лигата на шампионите и „Златната топка“, тогаш треба да си оди од ПСЖ. Следната сезона ќе мора да донесе нова одлука за својата иднина“, вели Пети.
Мурињо: Горд сум на моите фудбалери, ние не сме богат клуб и немаме милион играчи
Жозе Мурињо доживеа многу различни емоции во период од само 120 секунди во судиското продолжение, бидејќи неговата Рома најпрво постигна водечки гол во дербито со Милан, но потоа прими погодок во следната акција и натпреварот заврши 1-1.
„Ако зборувам само за перформансите од моите играчи, ќе кажам дека резултатот е нефер. Само ние може со вакви проблеми да одиграме вака против Милан. Со оглед потешкотиите кои ги имавме, само ние може да одиграме на ваков начин. Ние не сме богат тим, немаме голем состав и секојпат кога губиме еден играч, тоа е голем проблем за нас. Денеска загубивме многу играчи, но и покрај сите потешкотии, се боревме против овој Милан. Ако на крајот завршиме четврти на табелата, тоа ќе биде неверојатно. Нормално би било да сум тажен, но повеќе сум горд отколку што сум тажен“, изјави Мурињо.
Македонијa ќе ги почне олимписките квалификации од Полска или Естонија
Од 12 до 20 август во Естонија и Полска, ФИБА предвиде два од трите турнири на европскиот континент, последниот ќе се игра во Истанбул
Машката сениорска репрезентација на Македонија ќе биде дел од осумте европски селекции кои ќе играат во Талин, на еден од трите предвидени турнири во европската зона на ФИБА. Поточно во Талин, односно Гливице и Истанбул, вкупно 32. национални селекции од Европа ќе се поделат во четири групи (по осум учесници).
Согласно со предвидениот план, групите „А“ и „Б“ (првата фаза) ќе се играат во Естонија односно Полска (завршната во полскиот град), а групите „Ц“ и „Д“ во Турција.
Како осми носител, Македонија заедно со Португалија, за противници во првата, групна фаза, може да ги добие селекциите кои се во првата група на носители (Чешка или Полска), во четврттата (Израел или БиХ),односно петтата (Унгарија или Естонија).
Турнирите ќе се играат во периодот од 12 до 20 август, а само победниците ќе се стекнат со право да играат во олимписките квалификации за настап на Олимпијадата во Париз во 2025 година.
Нешто подоцна е предвидено да се формираат и натпреварувачките групи на турнирните кои освен Европа, ќе се играат и во Лагос (Африка), во Аргентина ќе се игра во американската зона (градот ќе биде подоцна потврден), исто како што се очекува и потврдата за организаторот на турнирот во Азија.
Емери ја мерка престижната клупа на Реал и Барса
На Унаи Емери му оди одлично сезонава и откако минатата година го преземе овој клуб кога беше на 16-тата поиција сега тимот е на шестата позиција и се бори за излезе во Европа.
Колку добра работа извршува Емери на клупата доказ е што во тој период само Манчестер Сити освои повеќе бодови од него.
По ваквото водење на Астон Вила, Емери има самодоверба и очекува во иднина да ги води Реал Мадрид и Барселона.
„Мојот следен ангажман? Очекувам да се вратам во Шпанија и да бидам тренер на Реал Мадрид, Барселона или Атлетико“, изјави Емери.
Во минатото Емери беше тренер на Арсенал, Виљареал, ПСЖ, Севиља, Валенсија, Алмерија и Спартак Москва, а ваквата изјава покажува дека е полн со самодоверба.
Најавени коренити промени во светот на тенисот од 2025 година
Од 2025 година АТП објави голема промена на тениските тунрири која се однесува на линиските судии.
Според претседателот на АТП, Андреа Гауденци објави дека професијата на линиските судии заминува во историја. Од 2025 година нема да се користат на ниту еден турнир во Европа и во светот.
„Размислувавме долго за оваа одлука и заклучивме дека иако линиските судии се дел од традицијата, мораме да ги следиме трендовите и да овозможиме најдобро можно искуство за навивачите“, изјави Гауденци.
Ибра пак се повреди, дали ова значи крај на кариерата?
Златан Ибрахимовиќ во последниот период се соочува со сериозни проблеми со повреди, па со оглед на неговите години се поставува и прашањето дали веќе ја завршува својата кариера.
Ибрахимовиќ се врати од повреда и се очекуваше да биде во конкуренција за последниот натпревар на Милан против Лече, но Швеѓанецот повторно се повреди на загревањето. Не беше познато колку ќе паузира Ибрахимовиќ, а денес пристигнуваат разочарувачки вести.
Повредата на мускулот која ја заработил Ибрахимовиќ воопшто не е
Полицијата ги „чешла“ финансиските книги на Баерн Минхен
Стадионот „Алијанц Арена“ и седиштето на фудбалскиот клуб Баерн синоќа биле претресени од истражители од федералната и регионалната криминалистичка полиција во Минхен, објави „Билд“.
Според информациите, претресите биле извршени во рамки на кривична постапка за затајување данок и перење пари. Во материјалот на изданието се споменуваат поранешниот претседател на Баерн, Ули Хенес и рускиот олигарх Алишер Усманов.
Наполи нема да слуша понуди летово за Кварацкелија
Наполи на лето ќе ги одбие сите клубови заинтересирани за купување на Квича Кварацхелија.
Според извори блиски до клубот, италијанскиот клуб нема да прима понуди за 22-годишниот крилен напаѓач, кој е еден од најважните играчи за иднината на клубот.
Напаѓачот Виктор Осимен или дефанзивецот Ким Мин, чии договори имаат клаузула за заминување би можеле за соодветна понуда да си заминат.
