На почетокот од оваа недела, Антонио Конте беше промовиран како нов тренер на Тотнем. Италијанецот претходно се поврзуваше со Манчестер јунајтед, но „ѓаволите“ решија да му укажат доверба на Оле Гунар Солшер, „спарси“ реагираа брзо и ги донесоа во северен Лондон.

„Конте до последен миг го чекаше Манчестер јунајтед, тие имаат подобар состав и повеќе играчи кои можат да го решат натпреварот. Сепак, Манчестер јунајтед реши да му укаже доверба на Солшер. Конте во Манчестер јунајтед сигурно ќе почнеше да победува веднаш, во Тотенхем не стојат работите така и ќе го подготвува тимот за следната сезона“, вели новинарот Роберто Гото.

Според последните информации од Арсенал, капитенот на екипата Гранит Џака се очекува да ги обнови тренизните околу Нова година. Тој е надвор од екипата поради повредата на коленото која ја заработи кон крајот на септември во дерби натпреварот со Тотенхем.

„Џака добро се опоравува и е во првата фаза од лекувањето на повредата на коленото. Во моментов целта е да тој да започне со нормални тренинзи околу Нова година и да биде подготвен за враќање на терените на стартот од 2022 година.“, соопштуваат од медицинскиот тим на Арсенал.

29-годишниот Швајцарец за екипата на Арсенал настапува од 2016 година и досега има одиграно 225 натпревари на кој постигна 13 гола.

Само неколку часа после победата над екипата на Брентфорд со 2:1 во Премиер лигата, од Норвич стигна веста дека клубот му даде отказ на тренерот Даниел Фарке.

Спортскиот директор на Норвич, Стјуарт Вебер изјави дека одлуката за отпуштање на Фарке не била воопшто лесна и дека го бараат само најдоброто за клубот.

Даниел Фарке пристигна како тренер на Норвич во 2017 година и го водеше тимот до две шампионски титули во втората англиска лига во 2019 и 2021. Оваа сезона екипата на Норвич не успеа да забележи ниту една победа во првите десет кола од Премиер лигата.

Барселона изминатата ноќ го потврди доаѓањето на Чави на клупата, а сега веќе се зборува и за потенцијалните засилувања.

Чави на клупата ќе дебитира после репрезентативната пауза и ќе има доволно време да се запознае со целата екипа. Барселона се соочи со проблем со отсуството на Агуеро кој надвор од терените ќе биде најмалку три месеци. На располагање во нападот Чави ќе го има Лук Де Јонг кој не ги оправда очекувањата од доаѓањето од Севиња.

Поради тоа во јануари клубот ќе се обиде да доведе напаѓач. Во нападот Барселона би можела да се засили со Седрик Бакамбу кој игра во кинескиот Гауан.

Фудбалскиот клуб Наполи ќе го прослави животот на Диего Марадона со специјално дизајниран дрес кој го нарекоја Марадона гејм. Овој дрес играчите на Наполи ќе го носат на трите натпревари во Серија А што ќе се играат во ноември, и тоа против екипите на Верона, Интер и Лацио.

Аргентинската легенда пристигна во Наполи од тимот на Барселона во 1984 година и ја предводеше екипата до двете титули во Серија А, во 1987 и 1990. 

Диего Марадона почина на 25 ноември минатата година на 60-годишна возраст и засекогаш ќе остане легенда на Наполи.

Селекторот на актуелниот светски шампион Франција, Дидие Дешамп, во интервју за француската телевизија најави дека по завршувањето со водење на репрезентацијата сака да се врати како тренер во клубскиот фудбал. Договорот на Дешамп со француската фудбалска федерација истекува наредната година.

„Сакам да бидам тренер на клуб во Франција. Искрено, не знам кој, но знам дека ќе биде возбудливо. Тоа е повеќе потреба што ја чувствувам, тренерската работа го подига адреналинот. Денес сум ретко на теренот и веќе ми недостига “, изјави поранешниот тренер на Монако, Јувентус и Олимпик Марсеј.

Шпанскиот весник Марка објави дека претседателот на Барселона, Жоан Лапорта, на средбата со фановите на Барса во Галиција најавил дека во зимскиот период  каталонскиот тим ќе доведе 3 нови засилувања.

Приоритет на Барселона ќе биде нов централен напаѓач поради здравствените проблеми на Серхио Агуеро, кој ќе отсуствува од терените најмалку три месеци поради откриена срцева аритмија. Реализацијата на трансферите ќе започне многу наскоро, најавил претседателот на клубот.

Жоан Лапорта ветил дека сите активности за доведување нови играчи ќе бидат координирани со новиот тренер на клубот, Чави Ернандез.

Андриј Шевченко ќе потпише договор со Џенова до 2023 година со опција за продолжување на уште една сезона. Тренерот ќе заработува 1,8 милиони евра годишно во Џенова, плус бонуси.

Во стручниот штаб на Шевченко ќе бидат Андреа Мулдера и Мауро Тасоти, кои соработуваа со него во репрезентацијата на Украина.

Четириесет и петгодишниот Шевченко ја водеше украинската репрезентација од 2016 до 2021 година.

Џенова за која настапува Македонецот Горан Пандев, по 12 натпревари во Серија А има само една победа, шест нерешени средби и пет порази и се наоѓа на 17. место на табелата.

Карло Анчелоти на прес-конференцијата зборуваше и за Герет Бејл.

Велшанецот долго време не игра, се опоравува од повредата, но Реал му дозволи да игра за Велс во квалификациите за СП.

„Има дозвола од докторите и може да тренери. Не можеме да му кажеме да не игра за Велс. Постои снимка која покажува дека се заздравил. Како прво, јас не сум негов татко. Можеби последниот период не беше добар за него, но никој не треба да заборави што направи Бејл за Реал“.