Медиумите во Турција информираат дека гигантот Бешикташ е блиску до трансфер на Џенк Тосун од Евертон.

30-годишниот фудбалер е еден од милениците на навивачите на Бешикташ, бидејќи Тосун беше дел од Бешикташ во периодот 2014-2018 година и му помогна на тимот да ја освои титулата во турската Супер лига, како и да направи пласман во Лигата на шампионите. Потоа беше продаден на Евертон за 22 милиони евра. 

Договорот на Џенк Тосун со англискиот клуб истекува и нема да биде продолжен. Напаѓачот веќе постигнал договор со раководството на Бешикташ за негово враќање во Истанбул. Се очекува напаѓачот со Бешикташ да потпише тригодишен договор.

Јувентус е блиску до комплетирање на трансферот на Филип Костиќ од Ајнтрахт Франкфурт, пренесува „Билд“.

Преговорите меѓу двата клуба траат подолго време, а клубот од Торино му даде 15 милиони евра на српскиот крилен напаѓач, додека Ајнтрахт притиска за 20 милиони. Самиот Костиќ изрази желба да игра во италијанската Серија А.

Филип Костиќ е прогласен за најдобар играч во Лига Европа, кој го освои неговиот клуб Ајнтрахт. Кариерата на 29-годишниот фудбалер започна во Раднички Крагуевац, а потоа се пресели во Гронинген во Холандија и германски Штутгарт и Хамбургер пред да заигра за Ајнтрахт.

Англиската асоцијација на професионални фудбалери (ПФА) на социјалната мрежа „Твитер“ ги објави имињата на сите претенденти за наградата најдобар играч на сезоната која заврши во шампионатот на Англија.

Меѓу претендентите беа тројца претставници на Ливерпул – Вирџил ван Дајк , Мохамед Салах и Садио Мане. Меѓу другите номинирани за наградата се и белгискиот играч од средниот ред на Манчестер Сити, Кевин де Бруин и напаѓачите Кристијано Роналдо (Манчестер Јунајтед) како и Хари Кејн (Тотенхем). Добитникот на наградата ќе биде објавен следниот четврток, 9- јуни.

Да напоменеме дека последните две сезони Кевин де Бруин стана победник во оваа номинација, а претходно победија Вирџил ван Дајк и Мохамед Салах.

Германскиот дефанзивец, Антонио Рудигер, и официјално е новото засилување на Реал Мадрид.

Сега веќе бившиот член на Челзи, пристигна на Сантијаго Бернабеу како слободен играч и потпиша договор во траење од четири години. 

Според информациите неговата годишна нето плата се очекува да достигне околу 10 милиони евра.

Џенаро Гатузо е многу блиску до тренерското место во Валенсија, објавија шпанските медиуми. Тој од вчера е во Сингапур каде што преговара со сопственикот Питер Лим.

Италијанскиот стручњак последен пат го водеше Наполи до крајот на сезоната 2020/21. Набргу потоа потпиша со Фиорентина, но договорот му беше раскинат само неколку недели подоцна поради конфликт со раководството.

Се очекува 44-годишниот Гатузо на „Местаља“ да го замени Хозе Бордалас, кој се уште е тренер на Валенсија. Сепак, под водство на вториот, „лилјаците“ завршија само деветти во Ла Лига и го загубија финалето од Купот на Шпанија.

Пред неколку дена сопственикот му врачи отказ на претседателот на клубот Анил Мурти.

Интер е силно заинтересиран за плејмејкерот на Реал Мадрид, Дани Себаљос, пренесуваат италијанските медиуми. За Себаљос повеќе нема место во Реал Мадрид, а според последните информации кариерата би можел да ја продолжи во Серија А.

Интер сака да го засили средниот ред, а Инзаги верува дека Шпанецот би можел да биде идеална алтернатива за Брозовиќ.

„Нероаѕурите“ наскоро ќе стапат во контакт со агентот на Себаљос, а Реал за неговата слобода бара 15 милиони евра.

Искусниот играч за врска на Ливерпул, Џејмс Милнер е одликуван со Орден на Британската империја (МБЕ). Признанието се должи на неговите услуги за фудбалот и добротворната работа што ја прави во текот на годините.

Тој формираше посебен фонд за поддршка на младите во неговата татковина. 36-годишниот играч има 588 настапи во Премиер лигата и 61 за репрезентацијата на Англија.

Кариерата ја започна во Лидс. Има играно и за Манчестер Сити, Њукасл, Астон Вила и Сиундон. Дел од Ливерпул се одржа во 2015 година.

Баерн Минхен и Манчестер Јунајтед покажуваат сериозен интерес за напаѓачот на Ајакс, Ентони, пренесува „Билд“.

22-годишниот Ентони блесна оваа сезона во дресот на Ајакс и се промовираше во еден од најголемите таленти во светот. Бразилецот игра како крилен напаѓач и оваа сезона до сега има постигнато 12 гола и 10 асистенции, па го привлече вниманието на многу европски гиганти.

Главната битка за неговиот потпис ќе ја водат Баерн и Манчестер Јунајтед, а неговата цена во моментов изнесува околу 40 милиони евра.

Медиумите во Англија објавија дека тренерот на фудбалерите на Тотенхем, Антонио Конте, планира да направи голем ремонт во текот на летото.

Според наведеното, на трансфер листата ќе бидат ставени: Танги Ндомбеле, Давинсон Санчез, Хари Винкс, Џовани Ло Селсо, Стивен Бергвејн, Серхио Регилон и Џо Роден.

Во исто време се верува дека Италијанецот сака да купи голман, двајца стопери, централен играч за врска и напаѓач.

Потполно неочекувано најдобар асистент во Лигата на шампиони за сезоната 2021/22 е Бруно Фернандеш.

Овој податок е изненадувачки бидејќи Манчестер Јунајтед своето учество во ЛШ го заврши уште во осминафиналето после двомечот и елиминацијата од екипата на Атлетико Мадрид.

Бруно Фернандеш запиша вкупно седум асистенции, една повеќе од играчот на Реал Мадрид Винициус Жуниор и од Лирој Сане кој настапува за Баерн Минхен. Пет асистенции запиша Антони од Ајакс, а четири имаше Лука Модриќ.