Џошуа Зиркзе е еден од фудбалерите за кои најмногу се пишува во изминатиот период и ќе биде изненадување ако и по преодниот рок остане член на Болоња.

Како фаворит за потписот на Зиркзе важеше Милан, но во трката се вклучи и Манчестер Јунајтед.

Според последните информации секој кој ќе сака да го доведе Зиркзе ќе мора да плати сума од 40 милиони евра.

Инаку, Зиркзе по повредите на неколку репрезентативци во последен момент се најде во составот на Холандија за Европското првенство и неговата иднина сигурно ќе биде решена по настапот на „лалињата“ на контиенталниот собир.

Фелипе Кутињо е пред враќање во редовите на Васко Де Гама, клубот каде што ја започна професионалната кариера.

Најпознатиот фудбалски инсајдер, Фабрицио Романо објави дека офанзивецот ги договорил сите услови и договорот наскоро треба да биде потпишан. Преостанува само Кутињо да биде ослободен од Астон Вила која е спремна да го пушти.

Кутињо во период од 2008 до 2010 година одигра 19 натпревари за Васко Де Гама од каде што се сели во Интер во трансфер вреден 3.8 милиони евра.

Најдобрите денови од кариерата, Кутињо ги помина во Ливерпул каде што играше од 2013 до 2018 година. Таа 2018 година, Барселона го доведе како една од најголемите фудбалски ѕвезди во тоа време и за него плати 135 милиони евра. Но, Кутињо не ги оправда вложените средства и одигра 106 натпревари во кои постигна 25 голови и додаде 14 асистенции. Подоцна настапуваше и за Баерн, но ниту таму не ја врати старата форма.

Арсенал сака да го засили тимот во летниот предоден рок, а приоритет за тренерот Артета е квалитетен играч за врска.

Англиските медиуми пренесуваат дека најголема желба на „топџиите“ е Мартин Зубименди од Реал Сосиедад.

Зубименди е голема желба уште на Ливерпул и Манчестер Јунајтед, но Арсенал е спремен да ја победи конкуренцијата и работи на трансферот.

Реал Сосиедад досега одбиваше понуди за 24-годишниот фудбалер, но сега е спремен да прифати понуда од 60 милиони евра, бидејќи самиот играч сака да направи чекор напред во кариерата.

Реал Мадрид се приклучи во трката за потписот на италијанскиот дефанзивец и член на Болоња, Рикардо Калафиори.

22-годишниот стопер беше повикан во репрезентација после одличната сезоната и изненадувачи се најде во стартниот состав на трите меча.

Притоа, Калафиори беше еден од најдобрите поединци во италијанскиот тим, па дополнително го привлече вниманието.

Јувентус и клубовите од Премиер лигата веднаш покажаа силен интерес за дефанзивецот, а сега во трката се приклучи и Реал Мадрид „Кралевите“ се во потрага по дефанзивец, а Анчелоти верува дека Калафиори би бил идеално решение.

Матијс Де Лихт не е задоволен во Баерн Михен и таквата ситуација сака да ја искористи Манчестер Јунајтед.

Холанѓанецот побарал трансфер, а според информациите следна негова дестинација може да биде Премиер лигата.

Де Лихт е едно од најскапите засилувања, но го загуби првотимскиот стратус во Баерн, па и германскиот клуб е спремен да го продаде на лето.

Тен Хаг одлично го познава Де Лихт од времето поминато во Ајакс и смета дека може да биде столб на одбраната на Манчестер Јунајтед во наредните години.

Како што стојат работите, Јувентус го продаде својот напаѓач, Моизе Кин во редовите на Фиорентина.

Фиорентина ќе го добие Кин за сума од 13 милиони евра, плус пет како бонуси. Овие пари се очекува „старата дама“ да ги вложи во Кефрен Турам од редовите на Ница.

Во изминатата сезона Кин не постигна ниту еден гол во дресот на Јувентус, па затоа и неговото заминување е очекувано.

Инаку, Кефрен Турам е брат на напаѓачот на Интер Маркус Турам, нивни татко е легендата Лилиан. Од договорот со Ница, Кефрен има уште една година, па така се очекува Ница да го пушти за слична сума помеѓу 18 и 20 милиони евра.