Унаи Емери ја одби шансата да биде следниот тренер на Њукасл Јунајтед и изјави дека 100 проценти е посветен на неговата работа во Виљареал.

Шпанскиот тренер беше еден од кандидатите кои Њукасл ги издвои како најсериозни наследници на Стив Брус кој го напушти клубот минатиот месец.

50-годишниот Емери во пост кој го објави на социјалните мрежи вели: „ Благодарен сум на интересот за мене од страна на голем клуб како што е Њукасл Јунајтед, но Виљареал е мојот дом и 100 проценти сум посветен на мојата работа тука. 

Разговарав со сопственикот на клубот Фернандо Роиг и му ја пренесов мојата одлука да продолжам да бидам дел од проектот кој го започна со Виљареал и да искажам благодарност за љубовта и поддршката што ја добивам од клубот и навивачите.“

Екипата на Барселона го совлада Динамо во Киев со 0:1, во натпревар од 4.коло од групната фаза во Лигата на шампионите. Стрелец на победоносниот гол за Барса беше младиот Ансу Фати во 70. минута од средбата. 

“Многу важна победа. Му ја посветуваме на Серхио Агуеро, сите во клубот се надеваат дека тој побрзо ќе закрепне. Треба да бидеме среќни со она што го направивме на овој натпревар, бидејќи воопшто не беше лесно”, изјави после натпреварот привремениот тренер на Барселона – Сержи Бархуан“.

„Сите беа свесни колку е важно да се добие овој натпревар. Изразите на лицата на играчите во соблекувалната кажуваа се. Не знам дали ќе го водам тимот на следниот натпревар“, додаде Сержи.

Селекторот на фудбалската репрезентација на Македонија, Благоја Милевски го објави списокот на повикани фудбалери за последните два натпревари од мундијалските квалификации. 

Ново име во составот на македонската  репрезентација е Ваљон Етеми кој доаѓа од  турскиот Истанбулспор, а поради повреда селекторот Милевски не може да рачуна на Аријан Адеми, Бобан Николов и Дени Илиев. 

Македонската репрезентација ги затвора квалификациите за СП во Катар 2022, со натпреварите против селекциите на Ерменија и Исланд. 

Дуелот со ерменците се игра на гостински терен на 11. ноември, а натпреварот со Исланд е во Скопје на 14.ноември.

Според најновите информации од англиските медиуми напаѓачот на Тотенхем Хари Кејн, сака да остане во клубот и да соработува со новиот тренер на екипата, италијанецот Антонио Конте.

Англискиот репрезентативец ја започна сезоната во очајна форма под водство на сега веќе поранешниот тренер на Тотенхем, Нуњо Еспирито Санто, но сега верува дека новиот тренер Конте е способен да им донесе трофеј на лондонскиот клуб.

Кејн изјави дека повеќе нема да форсира негов трансфер во екипата на Манчестер Сити, која изрази желба да го донесе во своите редови изминатото лето.

Антонио Конте и официјално беше промовиран во нов менаџер на Тотенхем, а раководството е спремно да му ги исполни сите желби на трансфер пазарот.

Една од најголемите желби на Конте е играчот за врска на Милан, Франк Кеси, на кого договорот му завршува на крајот на сезоната.

„Росонерите“ подолго време преговараат со агентот на Кеси, но двете страни се далеку од договор, а последните информации се дека Тотенхем ја искористил таквата ситуација.

Имено, „спарси“ постигнале договор со Кеси за четиригодишна соработка и годишна плата од 10 милиони евра.

Барселона и Баерн Минхен е силно заинтресирана за дефанзивецот на Лацио, Фeлипе Луис. Каталонците внимателно ги гледале настапите на 24-годишниот дефанзивец, кој оваа сезона игра одлично во Серија А.

Договорот на дефанзивецот истекува во јуни 2022 година, но Лацио сака да го задржи и веќе му понуди нов договор. Покрај Барса силен интерес за Луис Фелипе покажува и Баерн Минхен, па двата клуба веќе стапиле во контакт со неговиот агент.

Покрај Барса силен интерес за Луис Фелипе покажува и Баерн Минхен, па двата клуба веќе стапиле во контакт со неговиот агент.

Карло Анчелоти изјави дека неговиот тим нема да го потцени Шахтјор, иако во првиот меч во Украина победи со високи 5-0.

„Натпреварот е од големо значење бидејќи пораз или победа ќе промени многу. Ако бидеме поразени после ќе мора сигурно да победиме во последните два меча. Сигурен сум дека тимот ќе даде се од себе за да ги освоиме трите бода“, изјави Анчелоти.

Потоа Италијанецот доби прашање дали проблемите на Азар можеби се од ментална природа.

„Азар тренира добро и му преостанува само една работа. Треба да има надеж, треба да верува дека ќе дојде неговиот момент. Треба да го следи примерот на својот соиграч Маријано Дијаз кој одигра одлично против Елче. Едноставно треба да верува во себе и да биде професионалец“, истакна Анчелоти.

Напаѓачот на Баерн Минхен, Роберт Левандовски, го запиша својот 100-ти настап во Лигата на шампиони. Својот јубилеј Левандовски го прослави на најдобар можен начин, постигнувајќи хет-трик за својот Баерн кој на „Алианц Арена“ ја совлада екипата на Бенфика со резултат 5:2.

Роберт Левандовски со постигнатиот хет-трик досега има вкупно 81 голови во Лигата на шампиони и се наоѓа на третото место на листата најдобри стрелци во ова натпреварување зад Кристијано Роналдо кој има 139 и Меси со постигнати 123 гола.