Тотенхем сака 20 милиони евра за аргентинскиот играч за врска Џовани Ло Селсо, објави весникот „Сан“.

Според изворот, играчот го бара Виљареал, каде во моментов е Ло Селсо со позајмица , а Шпанскиот клуб има намера да го задржи Аргентинецот.

Виљареал планира да ги откупи правата на 26-годишниот аргентински фудбалер, но Ло Селсо може да ја продолжи кариерата во друг шпански клуб – Севиља.

Ло Селсо оваа сезона постигна два гола и имаше три асистенции на 41 натпревар во сите натпреварувања. Заедно со Виљареал, фудбалерот стигна до полуфиналето на Лигата на шампионите, каде тимот на Унаи Емери загуби од Ливерпул. Џовани Ло Селсо е проценет на 22 милиони евра.

Милан после единаесет години го освои скудетото, а оваа недела се очекува да добие нови сопственици. Директорот Паоло Малдини изјави дека на тимот му се потребни три топ засилувања за да започне победнички циклус, а новите сопственици се спремни да му дадат солиден буџет за трансфери.

„Газета дело Спорт“ открива дека најголема желба на Малдини е ѕвездата на Рома и италијански репрезентативец, Николо Заниоло.

„Росонерите“ подготвуваат понуда за 22-годишниот офанзивен играч кој има договор со Рома до 2024 година.

Винициус Жуниор најави дека сака да остане во клубот уште долги години.

Бразилецот беше стрелец на единствениот погодок на „Стад Д Франс“, погодок кој на крај го одлучи и новиот шампион во најелитното европско клупско натпреварување.

Познатиот новинар, Фабрицио Романо посочи дека Винициус наскоро ќе добие и официјална понуда за продолжување на соработката со Реал Мадрид до 2028 година.

Дека играчот нема проблем да остане на „Сантијаго Бернабеу“ говори и неговата последна изјава, по финалето од Лигата на шампионите, во која истакна дека не планира да застане тука со „кралскиот клуб“.

„Не сакам да запрам тука, сакам да продолжам да освојувам уште многу трофеи и да продолжам да создавам историја заедно со Реал Мадрид“, кратко изјави Винициус на прашањето за неговата иднина.

Рафаел Леао зад себе има одлична сезона во редовите на Милан и го привлече вниманието на повеќе клубови, а како најсериозен во намерата изгледаше Реал Мадрид.

Наводно, „кралевите“ се подготвени да платат 120 милиони евра за неговите услуги. Од Милан од друга страна порачуваат дека Португалецот не е на продажба за ниту една сума. Коментар за целата ситуација даде и самиот Леао.

„Со Милан имам уште две години одговорот и се чувствувам како дома, ми се допаѓа тоа што клубот сака да ме задржи. Среќен сум поради интересот од Реал Мадрид, но не летам во облаци. Задоволен сум од мојот напредок. Како многу млад преминав во Спортинг и се преселив во Лил, за многумина можеби не изгледа така, но француското првенство е прилично силно“.

Французинот Жереми Пињар ќе биде главен судија на натпреварот кој македонската фудбалска репрезентација ќе го игра против Бугарија.

Дуелот е закажан за 2 јуни во Разград, Бугарија, а е во рамките на новата сезона во Лигата на нации.

Македонија се наоѓа во Лига Ц од ова натпреварување, каде освен Бугарија, се наоѓаат и селекциите на Грузија и Гибралтар.

Ден после поразот од финалето во Лигата на шампиони, англиските медиуми откриваат дека Јирген Клоп ова лето ќе донесе нов напаѓач на „Енфилд“. Англиските медиуми пренесуваат дека Клоп веќе нашол идеално засилување за нападот и го сака Џонатан Дејвид од Лил, чија цена во моментов изнесува околу 50 милиони евра.

Фирмињо оваа сезона го загуби првотимискиот статус и сигурно ќе си оди на лето, а Клоп сака да донесе робусен напаѓач каков што му недостасува на тимот.

Џонатан Дејвид е токму таков профил, а после одличната сезона во Лил го привлече вниманието на многу европски гиганти

22-годишниот Канаѓанец сака да ја промени средината, а Ливерпул е спремен да плати 50 милиони евра и да ја победи конкуренцијата.

Ромелу Лукаку сака по секоја цена да го напушти клубот и ова лето да се врати во Интер, пренесуваат италијанските медиуми.

Лукаку минатото лето пристигна како големо засилување во Челзи за 115 милиони евра, но е само бледа сенка на тоа што беше во Серија А. Тој го загуби местото во стартниот тим, па дури и влезе во конфликт со тренерот Томас Тухел.

Белгиецот не е среќен на „Стенфорд Бриџ“ и сака да се врати во Интер, па веќе имал телефонски разговор со директорите на миланскиот клуб и притиска да се врати на „Џузепе Меаца“.

„Газета дело Спорт“ пренесува дека Интер е силно заинтересиран за играчот на Јувентус, Федерико Бернардески, кој ова лето ќе биде слободен агент.

Бернардески нема да го продожи договорот со Јувентус кој истекува следниот месец и сега е во потрага по нов клуб.

Интер стапил во контакт со неговиот агент и му понудил неколкугодишен договор тежок 3 милиони евра по сезона, па многу е веројатно дека Италијанецот ќе ја прифати понудата.

Интер има финансиски проблеми и претежно се насочува кон играчи без договор, а Бернардески треба да пристигне во Милано заедно со Пауло Дибала, кој исто така е слободен агент.

Финалниот натпревар од Лигата на шампионите во саботата започна со 35 минути задоцнување поради тоа што навивачите правеа нереди пред „Стад де Франс“. Голем број од нив се обиделе да влезат на стадионот со лажни билети.

Јасно е дека вакво финале во Лигата на шампионите одамна се очекуваше. Навивачи последен пат имаше во финалето во 2019 година, без никакви ограничувања за влез на стадионот. Покрај тоа, навивачите на Ливерпул имаа голема желба да го гледаат својот клуб во финалето, а дел од нив изгледа се обиделе да го направат тоа по секоја цена.

„Пред натпреварот, портите каде што беа навивачите на Ливерпул беа блокирани од илјадници навивачи кои купија лажни билети кои не функционираа на влезовите. Тоа создаде голема гужва меѓу луѓето кои се обидоа да влезат“, се вели во соопштението на УЕФА.

Европската куќа на фудбалот наведува и дека почетокот на натпреварот е одложен за на трибините да влезат што повеќе луѓе со оригинални билети.

Познатиот фудбалски новинар Фабрицио Романо, ја пренесува информацијата дека еден од најдобрите играчи на Ливерпул, Садио Мане одлучил да си замине од клубот ова лето.

30-годишниот Сенегалец имал желба својата кариера да ја продолжи во друг клуб и да доживее нови предизвици. Мане е член на Ливерпул од 2016 година, каде пристигна од екипата на Саутемптон. Неговиот актуелен договор истекува во јуни 2023 година, меѓутоа по се изгледа дека тој нема да го одработи договорот до крај и ќе биде продаден. 

Како најсериозен кандидат за негов ангажман се споменува Баерн Минхен. Секако трансферот е далеку од готов бидејќи преговорите се во тек и нема официјална одлука.