Врската меѓу Мауро Икарди и Ванда Нара беше контроверзна уште од самиот старт поради минатото кое го имаше аргентинскиот модел со поранешниот најдобар пријател на напаѓачот (Макси Лопез), но сега оваа сапуница доби нова епизода во јавноста.

Ванда Нара предизвика земјотрес на социјалните мрежи откако го обвини својот сопруг Икарди за неверство, алудирајќи на тоа дека трета личност ја уништила нивната врска која трае повеќе од седум години.

„Уништи уште едно семејство поради курва“, гласи Инстаграм сторито на Ванда, по што Нара веќе престана да го следи фудбалерот на социјалните мрежи.

Угледните медиуми од Аргентина уверуваат дека причина за разделбата е неверството на Икарди, односно аферата која ја имал со актерката Евгенија Суарез.

Македонија Ѓорче Петров влезе во резултатска криза и не знае за победа цели пет натпревари во Првата македонска фудбалска лига, а денешниот нов неуспех во домашното првенство резултираше со радикална одлука.

„Лавовите“ загубија од Брегалница со уверливи 4:1 на гостувањето, што се покажа како доволно добра причина тренерот Александар Таневски да ја презема одговорноста и да си поднесе оставка.

Поранешниот предводник на Академија Пандев реши да стави крај на својата втора авантура како шеф на стручниот штаб во тимот од Ѓорче Петров, за што стигна потврда и од самиот клуб.

„По денешниот пораз Александар Таневски поднесе оставка од позицијата шеф на стручен штаб. Ти благодариме Клајне и ти посакуваме среќа во кариерата“, гласи објавата на „лавовите“.

Роберто Фирмино постигна три гола на натпреварот од англиската Премиер лига против Ватфорд. Овој хет-трик беше втор за Фирмино во англиската Премиер лига по оној во декември 2018 година, Фирмино постигна три гола против Арсенал.

Покрај тоа, Фирмино стана првиот Бразилец во историјата на англиското првенство кој постигнал повеќе од еден хет-трик. Лукас Моура (Тотенхем), Афонсо Алвеш (Мидлсброу) и Робињо (Манчестер Сити) претходно постигнаа три гола на еден натпревар од Премиер лигата.

Натпреварот Ватфорд – Ливерпул заврши со победа на „црвените“ со резултат 5-0. За Ливерпул, Фирмино постигна хет-трик, а Мане и Салах постигнаа по еден гол.

Ливерпул одигра фантастичен меч и со 5-0 победи на гостувањето кај Ватфорд. Менаџерот на „црвените“ Јирген Клоп не ја криеше радоста и после мечот особено го пофали Салах и тврди дека во моментов нема подобар играч од него.

„Беше прекрасно! Не можам да кажам ништо друго. По репрезентативната пауза е тешко е да се најде ритам, но момците беа фантастични, иако имавме само еден заеднички тренинг. Салах е топ фудбалер. Сите го гледаме тоа. Кој е подобар од него? Не мораме да зборуваме за она што го имаат направено Роналдо и Меси за светскиот фудбал и нивната доминација. Но во моментов, Салах е најдобар на светот“, заклучи Клоп. 

Реал Мадрид спрема „бомбастичен“ трансфер и е силно заинтересиран за ѕвездата на Ливерпул, Мохамед Салах.

Египќанецот на „Енфилд“ експлодираше и стана еден од најдобрите фудбалери во светот, но се уште не може да постигне договор за продолжување на соработката со „црвените“. Се погласнис е шпекулациите за негово заминување од Ливерпул, а најсериозен интерес за неговиот потпис покажува Реал Мадрид.

Шпанските медиуми тврдат дека Реал Мадрид е сериозно заинтересиран и ќе направи се за да го доведе Салах во текот на летото.

Имено, „кралевите“ веќе спремиле понуда и се спремни да го понудат Еден Азар плус пари за да дојдат до потписот на Салах.

Барселона се уште му должи пари на Ливерпул за трансферот на Филипе Кутињо на „Камп Ноу“. Како што е познато, Бразилецот пристигна во Барса зимата 2018 година, а Каталонците се согласија да му платат на Ливерпул 160 милиони евра за неговите права.

Добрата вест е што Барселона им плати на Борусија 

Дортмунд и Атлетико Мадрид за уште две мега трансфери – Осман Дембеле и Антоан Гризман.

Сите три трансфери беа направени за време на владеењето на Хозе Марија Бартомеу, кого многу фанови на клубот го обвинуваат за тешката финансиска ситуација во која се наоѓаат Каталонците.

Менаџерот на Душан Влаховиќ , Дарио Ристиќ изјави дека неговиот клиент сака да се пресели во друг клуб.

“Фиорентина минатото лето имаше понуда од 60 милиони евра плус бонуси за Душан. Имавме разговори со друг клуб, но претседателот Комисо не сакаше ниту да слушне за негово заминување. Тој рече дека се однесува со Влаховиќ како кон сопствен син, и ни понуди продолжување на договорот со неговиот сегашен клуб. Ние кажавме дека не сакаме да го обновиме договорот со Фиорентина, затоа не комуницираме ниту со новинарите ниту со клубот“, изјави Ристиќ за Фудбал Италија.

Сегашниот договор, според кој Влаховиќ добива 800.000 евра годишно, истекува во јуни 2023 година. Од Фиорентина се подготвени да му понудат нов петгодишен договор со плата од 4 милиони евра по сезона, меѓутоа по се изгледа дека Душан Влаховиќ ќе ги напушти “виолетовите“ и ќе се испроба во друг клуб.

Реал Мадрид продолжува со интересот за доведување на  Пол Погба во своите редови. Според објавите во шпанските медиуми, “Кралскиот клуб“ на 28-годишниот Погба му нуди годишна плата од 14 милиони евра. Агентот на Погба ,Мино Рајола за евентуалниот трансфер како бонус ќе добие 30 милиони евра.

Манчестер Јунајтед со цел да го задржи во своите редови,  на Погба му нуди нов 5-годишен договор со плата од 20 милиони евра по сезона. Сегашниот договор на францускиот фудбалер со “црвените ѓаволи“ истекува во јуни 2022 година.

Дани Алвеш се понуди на каталонскиот тим повторно да го облече дресот на Барселона, јавуваат каталонските медиуми. Бразилецот во моментов е без клуб, а како што вели парите нема да бидат проблем, со оглед на тешката финансиска состојба на клубот.

„Ако Барселона смета дека сум им потребен, се што треба да направат е да ми се јават. Сметам дека можам да им помогнам“, вели Алвеш.

38-годишниот Дани Алвеш го носеше дресот на Барселона од 2008-ма до 2016-та година, освои се шт  можеше да се освои и прерасна во легенда на клубот.