Манчестер Сити на стартот на сезоната ќе остане без Ајмерик Лапорт. Шпанскиот репрезентативец го оперирал коленото, откри менаџерот на „граѓаните“ Пеп Гвардиола.

„Тој е аут за август, најверојатно во септември ќе почне да тренира со тимот. Засега добро се развива, но мора да бидеме внимателни поради коленото. Потребно е време“, вели менторот.

Запрашан за другите нови засилувања и особено за Марк Кукуреља, Гвардиола одговори: „Тој е играч на Брајтон. Ако е можно, ќе донесеме уште еден играч. Ако не може, остануваме вака. Жоао Кансело може да игра на левата страна на одбраната, како и Нејтан Аке. Никогаш не се жалам за составот. Понекогаш трансфер прозорецот диктира што да правите. Првата сезона сакавме да земеме играчи на позајмица и не можевме да добиеме никого. Оваа сезона не знам што се случи, но во првите неколку недели ја завршивме работата“.

Пеп рече дека не очекува на новите засилувања Ерлинг Халанд и Калвин Филипс да им треба време да се прилагодат. Утре, Сити се соочува со Ливерпул во битка за „Комјунити Шилд“.

Фудбалерите на Вардар и на Пелистер кои се главните претенденти за челните позиции во втората фудбалска лига во наредната сезона, во првото коло ќе бидат во улога на гости.

„Црвени црните“ на 13 август ќе играат против Аресими додека Битолчани ќе се појават на теренот на Кожув. Еве ги компелтните двојки за првата рунда.

АРЕСИМИ – ВАРДАР

КОЖУВ – ПЕЛИСТЕР

ПЕХЧЕВО – ГОСТИВАР

ОХРИД – ТЕТЕКС

ДЕТОНИТ – БЕЛАСИЦА

КАРАОРМАН – ВОСКА

БОРЕЦ – СЛОГА ВИНИЦА

САСА – БЕСА

Според информациите во шпанските медиуми, европскиот првак Реал Мадрид е заинтересиран за услугите на напаѓачот Тимо Вернер.

Германецот кој е член на Челзи и каде пристигна како големо засилување во 2020 година, не се наметна во тимот и не ги оправда големите очекувања.  

Тренерот на Реал, Карло Анчелоти, би сакал да го ангажира Вернер, и се надева дека би можел да биде засилување за нападот кој е предводен од Карим Бензема.

Олимпик Марсеј се надева дека ќе успее со потписот на дефанзивецот на Арсенал, Вилијам Салиба.

Претседателот на францускиот клуб Пабло Лонгорија се сретна со агентот на 21-годишниот фудбалер и верува дека играчот ќе се врати во Лига 1. Дефанзивецот е во Арсенал од летото 2019 година, но се уште нема одиграно ниту еден натпревар за тимот. За тоа време играше како позајмен во Сент Етјен, Ница и Олимпик Марсеј.

Во сезоната 2021/22, Салиба одигра 36 настапи во Лига 1 за францускиот тим и затоа од клубот сакаат да го имаат со постојан договор и во нивна сопственост.

Македонскиот фудбалски рпрезентативец Езгјан Алиоски сеуште е без клуб откако се одлучи да ја прекине соработката со Ал Ахли од Саудиска Арабија.

Иако подолг период Алиоски се поврзува со трансфер во турскиот Трабзонспор, низ медиумите се појави информација дека тој добил понуда за ангажман во Бундеслигата. 

Наводно екипата на Фрајбург сака да го види Алиоски во своите редови и му нуди едногодишен договор со можност за продолжување на уште една сезона.

Четири земји од Латинска Америка – Аргентина, Уругвај, Чиле и Парагвај – ќе поднесат заедничка кандидатура за домаќин на Светското првенство во фудбал во 2030 година.

Церемонијата за испраќање на кандидатурата на горенаведените земји ќе се одржи во вторник, 2 август. Настанот ќе се одржи на стадионот „Сентенарио“ во Монтевидео (Уругвај), а ќе присуствуваат претседателот на КОНМЕБОЛ, Алехандро Домингез, четворицата челници на секоја федерација, Игнасио Алонсо (Уругвај), Клаудио Тапија (Аргентина), Артуро Салах (Чиле) и Роберт Харисон (Парагвај), како и министрите за спорт на овие земји.

Во борбата за правото да бидат домаќини на СП 2030 година ќе треба да победат во конкуренција од заедничката апликација на Шпанија и Португалија.

Тренерот на Ливерпул, Јирген Клоп, објави дека голманот на екипата Алисон Бекер ќе го пропушти Комјунити шилд натпреварот против Манчестер Сити, но ќе биде подготвен за почетокот на новата сезона во Премиер лигата.

Бразилскиот голман поради повреда нема одиграно натпревар од 12.јули и поразот во пријателскиот дуел со Манчестер Јунајтед.

Стартот на сезоната поради повреда на тетивата најверојатно ќе го пропушти напаѓачот Диого Жота, а според Клоп неговото опоравување ќе потрае подолго од очекуваното.

Комјунити шилд традиционално е првиот натпревар во сезоната, а го играат освојувачот на Премиер лигата и победникот во ФА купот од претходната сезона.

Бразилскиот фудбалер Луан Перес е нов играч на Фенербахче, соопштуваат од турскиот клуб.

28-годишниот играч од одбраната, минатата сезона настапуваше за Марсеј, а според наводите во медиумите, неговиот трансфер во Фенербахче изнесува пет милиони евра.

Гигантот од Истанбул во средата беше елиминиран од квалификацииите за Лигата на шампиони од киевски Динамо. Минатата сезона Фенербахче заврши на второто место во турското првенство.