Фиорентина покажува интерес за напаѓачот на Рома, Борха Мајорал, кој е на позајмица во римскиот клуб.

Според информациите од Италија, интересот на „Виолетовите“ за 24-годишниот шпански напаѓач не е поврзан со ситуацијата околу главниот напаѓач и најдобар стрелец на тимот, Душан Влаховиќ. Ќе потсетиме, српскиот фудбалер претходно одби да го продолжи договорот со клубот.

Мајорал се смета за алтернатива на рускиот напаѓач Александар Кокорин. Шпанецот потекнува од школата на Реал Мадрид. Оваа сезона, напаѓачот одигра 2 натпревари за Рома, во кои мина 20 минути на теренот.

Играчот на Манчестер Сити, Рахим Стерлинг, изјави дека не е задоволен од неговиот статус на резерва и постои можност да го напушти актуелниот шампионот на Премиер лигата. Стерлинг нема ништо против кариерата да ја продолжи надвор од Островот.

“Ако имам можност да одам некаде каде што ќе играм редовно, би размислил за тоа. Како што кажав многу пати досега, играњето фудбало ми е најважно. Бидејќи сум од Англија, целата кариера досега ми е во Премиер лигата. „Отсекогаш мислев дека би било добро да се испробам во уште едно првенство надвор од мојата земја за да видам дали можам да се справам со таков предизвик“, вели Стерлинг во интервју за „Индипендент“.

„Јас не сум од оние луѓе што се жалат. Не се обидувам да кревам врева за ситуацијата во која се наоѓам. Работам и го правам она што е потребно. Сакам само редовно да играм и да постигнувам голови “, додава Стерлинг.

Кристијано Роналдо беше избран за најдобар играч на тимот за месец септември. Португалецот победи на анкетата, организирана на официјалната веб -страница на „црвените ѓаволи“.

 Роналдо кој пред неколку денови беше избран и за најдобар играч во Премиер лигата за септември преку социјалните мрежи им се заблагодари на своите фанови за признанијата.

„На сите фанови кои гласаа за мене во анкетата за играч на месецот … Ви благодарам момци!“, стои во пораката на Роналдо.

Милан има големи проблеми со повредени фудбалери, но конечно стигна и добра вест за тренерот Пиоли.

Имено, Златан Ибрахимовиќ денес го одработи целиот тренинг со соиграчите и ќе биде спремен да се врати на терените. Оливие Жиру исто така го надмина проблемот со повредата и веќе два дена тренира со тимот, па двајцата ќе бидат спремни за дуелот со Верона во сабота.

Голманот Мањан вчера се оперираше и ќе отсуствува 10 недели од терените, додека Тео Хернандес е позитивен на Ковид и моментално е во карантин.

Калабрија и Круниќ исто така се вратија на тренинзите и ќе бидат повикани за дуелот со Верона.

Како што пренесуваат медимумите од Англија,тренерот на Лестер Сити,Брендон Роџерс не бил заинтересиран да ја преземе клупата на Њукасл Јунајтед.

После купувањето на Њукасл од страна на конзоциум од Саудијска Арабија, се споменуваат голем број на тренерски имиња кои би го замениле актуелниот тренер на Њукасл, Стив Брус кој се очекува да добие отказ од новите сопственици. Меѓу имињата кои се споменуваат како  еден од најзериозните кандидати беше и Брендон Роџерс.

Меѓутоа, во изјава за медимумите, Роџерс изјавил дека е задоволен со тренерското место во Лестер и дека и дека има планови за големи успеси со тимот кој го води.

Брендон Роџерс стигна како тренер на Лестер во 2019 година и најголем успех му е освојувањето на трофејот во ФА купот совладувајќи го во финалето тимот на Челзи.

Ливерпул покажува сериозен интерес за ѕвездата на Атлетико Мадрид, Жоао Феликс, пренесуваат шпанските медиуми. Португалецот има проблем да се избори за место во стартниот тим кај Симеоне оваа сезона и запиша само три настапи во Примера.

Пред две години „јорганџиите“ платија 126 милиони евра за да го донесат од Бенфика, но според информациите се спремни да го пуштат доколку пристигне понуда од 80 милиони евра.

Јирген Клоп смета дека 21-годишниот Португалец одличо ќе се вклопи во неговиот стил на игра бидејќи може да игра на неколку позиции во нападот. Интересот кон Феликс не зависи од тоа дали Салах ќе потпише нов договор и дали ќе остане на „Енфилд“.

Неколку европски гиганти се силно заинтересирани за ѕвездата на Лил и француски репрезентативец, Нанитамо Иконе. Станува збор за 23-годишниот крилен напаѓач, кој минатата сезона блесна во дресот на Лил и одигра клучна улога во освојувањето на титулата.

Иконе е спремен уште во јануари да ја промени средината, а неколку европски гиганти веќе ја започнаа битката за неговиот потпис.

Борусија Дортмунд, Милан и Атлетико Мадрид веќе стапиле во контакт со неговиот агент, а Лил за неговата слобода бара 35 милиони евра.

Екипата на Манчестер Сити ќе биде без Феран Торес во следните шест недели. Причината за ова е малата фрактура на десната нога, која Шпанецот ја доби во финалниот натпревар против Франција во Лигата на нации.

Феран Торес, кој имаше одличен настап во полуфиналето против Италија и беше избран за играч на натпреварот со постигнати два гола, ќе пропушти девет средби. Пеп Гвардиола нема да може да рачуна на Торес и на дербито со Манчестер Јунајтед, со што значително ќе биде ослабен изборот на играчи во нападот на актуелниот шампион во Премиер лигата.

Григор Димитров направи голем пресврт во осминафиналето на тенискиот турнир во Индијан Велс и го победи првиот носител, Данил Медведев со 2:1 во сетови.

Русинот со поразот ја прекина одличната серијата од 10 победи додека Бугаринот првпат се пласира во четвртфиналето на Индијан Велс.

Димитров во наредната рунда ќе излезе на мегдан со Полјакот Хуркач.